Esaie 62:4 - Ma Zhiklè

⁴ Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 62:4 ပူးပေါင်းရင်းမြစ်များ

Psaumes 149:4

Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

Psaumes 16:3

Ndohi nkezlaʼa te kokwar, tengaʼa man Zhiklè a wuffè a géɗ tengaʼa.

Esaie 49:14

Sion a gaɗa: Zhiklè ga a njèkyè ma, ì pca na a gèɗ a Ndo nzi pèc pècèk.

Esaie 54:1

Hazlawa a mwuffè, ka delai man ka ya kra ɓai! Da wuffede ka, ngwossa man ka disha kra ɓai! Aman ngwoz man nya kra ɓai, wudahi nengaʼa a fena wudahi man a baki na zhè, Ndo nzi pèc pècèk a gaɗa.

Esaie 60:15

Te va nasa ta jèke ka a pa, ta gu shèwa a ka, ndo a dè a sam ngaya azɓai. Aman anai i woya a i nzal ka a mèdèp, a ndohi te verzi wud wudahi tèlèba ta wuffè.

Esaie 60:18

Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Esaie 62:2

Te deɓaʼa ndohi herkeda ta da rka ngi-zura ngaya, a bihi tèlèba ta rka nʼnjèl ngaya, a ta da baha ka a nzlembaɗ mɓuaʼa, man Ndo nzi pèc pècèk a ngoɗ te ma na.

Esaie 62:5

Ara man gola a tsima dam, ndo nram ka a tsima ngaya; ara man ntsima a wuffè a géɗ medemi na, Zhiklè ngaya a da wuffè a géɗ ngaya.

Esaie 65:19

I da wuffè a gèɗ Jérusalem, i da gi langlangaʼa a gèɗ ndohi ga. Ta da tsena kuɗ a lalau a ma ma te pa asaɓai.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 32:41

I wuffè, aman i ga ta skwi man amba. A vava i da nge ta a herkeda haha, te mwoy ndo ga tèlèba, a wuɗi ga tèlèba.

Jérémie 33:9

Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Osée 2:21

A nga dérzlè va a ka a mèdèp, nga dérzlè va a ka te ngi-zuraʼa, te ma kita, te mwoy-ndo, te nsi ndo te va.

Osée 2:22

Nga dérzlè va a ka te nlèɓèslè, aman ka da sun Ndo nzi pèc pècèk.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Mal. 3:12

Te deɓaʼa ndohi herkeda tèlèba ta da gaɗa: Mwuffè a sam tengaʼa! Aman herkeda kinè nʼngaʼa a kokwar mbelaʼa, Zhiklè bi mbiaʼa a gaɗa.

Jean 3:29

Ndo man a ngots medemai, nengaʼa ntsim na. Mandal ntsima a wuffè a vata, aman a tsena daʼai ntsima. Mwuffe ga aranta a zhè ma.

2 Corinthians 11:2

Aman i gi srak a géɗ kinè a srak Zhiklè; i woya kinè a ntsim staɗgenè, Kristi; ara medemai man nsossur ɓai.

Deutéronome 30:9

Ndo nzi pèc pècèk, Zhiklè ngaya, a da va ka skwi kumba a ndev ɓai, aman mizlinè ri ngaya a gi amba, a wudahi ngaya, a wud skwi a rèwè ngaya a nyi herkeda ngaya ta gi amba, te man Ndo nzi pèc pècèk a wuffè zaʼa, aman ka nzi amba amba, ara man a wuffa a sam babhi ngaya.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

1 Peter 2:10

Halaʼa kinè ndohi Zhiklè ka ɓai; aman antanta kinè ndohi Zhiklè. Halaʼa kin sia te va azɓai; aman antanta kin sia te va ma.

Apocalypse 21:2

A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.