Esaie 62:2 - Ma Zhiklè

² Te deɓaʼa ndohi herkeda ta da rka ngi-zura ngaya, a bihi tèlèba ta rka nʼnjèl ngaya, a ta da baha ka a nzlembaɗ mɓuaʼa, man Ndo nzi pèc pècèk a ngoɗ te ma na.

Esaie 62:2 ပူးပေါင်းရင်းမြစ်များ

Genèse 17:15

A Bi Zhiklè a ngaɗa na Abraham: Sarai, ngwoz ngaya, anai ta baha na Sarai asaɓai. Nzlembaɗ nengaʼa antanta: Sara – ngwoz bai.

Genèse 17:5

Gar haha anai nzlembaɗ ngaya Abram asakaɓai, aman Abraham; aman i da ge ka a bab ndohi herkeda kumba.

Genèse 32:28

A ngaɗa na: Anai nzlembaɗ ngaya Jacob ka ɓai, aman nzlembaɗ ngaya Israel. Aman kin bozl va a nda Bi Zhikiè a nda ndohai, a ka fen ta.

Psaumes 98:2

Ndo nzi pèc pècèk a ngreda skwi mʼmbel ndo nengaʼa auda, ngi-zura nengaʼa a ngudoko ta va a dai a ndohi herkeda.

Esaie 1:26

I woya a i pa kinè ndohi kita ara halaʼa, a i ngatsa kinè ndohi maya, ara man ta hünkodai. Te deɓaʼa ta da baha ka kokwar ngi-zuraʼa, kokwar nlèɓèslèʼa.

Esaie 26:2

Va-wina ntamagai, a ndohi nzuraʼa ta dè a pa, man ta lèɓèslè a ma ma.

Esaie 43:7

Ta tèlèba man ta co nzlembaɗ ga, man i pe ta, a i ge ta, a ta gi a nʼnjèl ga.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 56:5

i woya a i hér ta te gi ga, a i slubarde nzlembaɗ ta tʼhwaɗ gi ga, a fena wudahi a dalahi ga. I woya a i va ta nzlembaɗ man a gédèshè azɓai a mèdèp.

Esaie 60:11

Ntamagi kokwar ngaya mwinèʼa pèc pècèk, mpizlè ɓai, ko pats ko vaɗ, a ndohi man ta hulkoɗi skwi mèshèlè, ta slaha ta bizhè a pa, a verzi bi tengaʼa.

Esaie 60:16

Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Esaie 61:11

Ara man herkeda a nftsko skwi na, ara man gi lak a nftsko lak na, lèmèlèmè Bi Zhiklè a da ftsko ngi-zuraʼa a sam di ndohi herkeda tèlèba, a ta slébèrdèʼa.

Esaie 61:9

Ndohi nte deɓa ta da sun verzi ndohi sa, a ndohi herkeda ta sun wudahi tertgaʼa. Ta tèlèba man ta rka ta, ta gaɗa: verzi ndohi man Ndo nzi pèc pècèk a mpshè ta ma.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 65:15

Nzlembaɗ kinè a gi a skwi mphom-daʼa a sam ndohi man i par ta, a ta gada: Bi Zhiklè da gedas ka! Aman ɓèlèlihi ga ta da ngècè nzlembaɗ ngiɗè.

Esaie 66:11

A bid kinè, a ngeza kinè a wa nengaʼa ara kra man a ntseɗa wa, a kin siaʼa a kin cidèʼa, a kin ngeza a vna.

Esaie 66:12

Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.

Esaie 66:19

I da ngrédè skwi a sam ta, te va ndohi man ta zhè a nshèffè dai. I zlin-dè ndo a sam ndohi herkeda: a Tarsis, Pul, Lud, ndohi man ta ɓèr sulom, Tubal, Javan, a herkeda dra nte ndev iyam, man ta tsena ma ga di ɓai, a ta rka nʼnjèl ga di ɓai. A ta njè ta nʼnjèl ga a ndohi herkeda.

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Jérémie 33:9

Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Michée 5:8

Ri ngaya da gu ngul ta ndohi man ta Sala ka va a gèɗ; mayamhi ngaya tèlèba da ze ta!

Actes 11:26

Aman a ngotso, a ndaʼa a kokwar Antioche. Mvi staɗ ta ɓica ndohi Zhiklè te pa, a ta senda ta ndohi kumba. Te Antioche ta hüno a mbèhè golahi Yèsu ndohi Kristi (chrétien).

Actes 26:23

ara man sèi skwa a dza na Kristi, a nengaʼa a gi a ndo nshèlèkuraʼa te ndev ndohi mʼmetsaʼa man ta slambaɗkaɗauda te mʼmetsai, a ngreda ta skwi nhél sam a ndohi nte deɓa.

Actes 9:15

Bi Zhiklè a ngaɗa na: Do, aman nengaʼa ndo mizlinè ga man i ngotskoɗauda, aman a dè nzlembaɗ ga a sam ndohi herkeda, a sam bihai, a sam ndohi Israel.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.

Apocalypse 3:12

Ndo man nʼngaʼa a ngulaʼa, i woy a i giaʼa a sak gi Zhiklè ga, a dè auda te deɓaʼa azɓai, a i woy a i windè a va nengaʼa: nzlembaɗ Bi Zhiklè ga, a nzlembaɗ kokwar mbiaʼa a Zhiklè ga, Jérusalem mɓuaʼa, man a shkèhai te zhiklè, a sam Bi Zhiklè ga. A i windè nzlembaɗ ga mɓuaʼa a pa.