Esaie 61:7 - Ma Zhiklè

⁷ A géɗ man ndohi ga ta sau matakwan sak cèw, a ta ngots hori a skwi nʼndi gai, sèi ta ngècè te kokwar tengaʼa skwi a gi sak cèw, a mwuffè a mèdèp.

Esaie 61:7 ပူးပေါင်းရင်းမြစ်များ

II Rois 2:9

Aman ta tawaɗa woyam ma, Elie a ngaɗa na Elisée: Dzhoɗo skwi man ka woya te ri ga, ga Ndo nzi pèc pècèk a cyè auda a sam ngaya. Elisée a ngaɗa: I woy Mèzhèɓ ta ta man a ngaya cèw.

Job 42:10

Te deɓaʼa Ndo nzi pèc pècèk a nʼngwoda matakwan Job, aman a ntsu ri a géɗ nslamagihi na ma, a Ndo nzi pèc pècèk a mva na skwi ta ta man a ngots halaʼa cèw.

Psaumes 126:5

Tengaʼa man ta zlekai a kuɗa a dai, ta da ɓicè skwi a mwuffè.

Psaumes 16:11

Ka ngray civèɗ nshèffè. Mwuffè man a ndha ndav ga a zhè a sam di ngaya; ngi langlangaʼa a zhè a tsagi ngaya a mèdèp.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 40:2

Va-gaɗa na kokwar Jérusalem, a kin pa ta ndav a pa. Va-njè ta: Mizlinè ɓèl tengaʼa a ndev na ma, mali tengaʼa mpela ma. Ta ngots kita sak cèw te ri Ndo nzi pèc pècèk, a géɗ mali tengaʼa.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Esaie 60:15

Te va nasa ta jèke ka a pa, ta gu shèwa a ka, ndo a dè a sam ngaya azɓai. Aman anai i woya a i nzal ka a mèdèp, a ndohi te verzi wud wudahi tèlèba ta wuffè.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 65:13

Gar haha Ndo nzi pèc pècèk Zhiklè a gaɗa: Na haha, ɓèlèlihi ga ta da ndi skwai. A kinè, mi a keɗe kinè. Na haha, ɓèlèlihi ga ta da si skwai. A kinè, iyam a dza kinè. Na haha, ɓèlèlihi ga ta wuffè. A kinè, kin gshè gèɗ.

Sophonie 3:19

Na haha i da zede ta ndohi tèlèba man ta ga ka matakwan – a pats nasa – a i da mbél skwi man vedal, a i ɓica skwi man ta ksaraʼa, a i va ta nʼnjèlè; a ndohi ta slebarde ta tʼherkeda tèlèba.

Zacharie 8:12

Aman antanta i tsi gumai. Skwi te gi wof barassa a zhè, herkeda a yi skwai, giɗfek a prè minmèn. Njèkèɗi ndohi ta ngècè skwi haha tèlèba a skwi ta.

Zacharie 9:12

Vo-washkè a deɓa a sam ndakmaʼa, kinè ndohi dangai, man kin zhèrèʼa! A patsna ba i gaɗa kinè: Te di matakwan kinè staɗ, i va kinè pombi cèw.

Matthew 25:46

A tengaʼa ta dè matakwan man a ndivè azɓai. Aman ndohi nzuraʼa ta dè a nshèffè mbiaʼa man a ndivè azɓai a mèdèp.

2 Corinthians 4:17

Aman skwi nga mwuɗitpa haha nkèshèa, a nzi a vata azɓai, a gi a nʼnjèl mbiaʼa man amba holholaʼa a mèdèp, te ndav nga,

Deutéronome 21:17

Aman da fu kra ngwoz man a woya ɓai a ndo nʼndi gi na, te skwi tèlèba man a ngotso; a va na man a nengaʼa sak cèw, te man babgi sak na, nengaʼa a ngècè skwi nʼndi gi tsuvomaʼa.

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,