Esaie 61:3 - Ma Zhiklè

³ A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Esaie 61:3 ပူးပေါင်းရင်းမြစ်များ

Esther 8:15

Mardochée a mshkè auda te gi bai, a maslaka bi a va, a vèvèzh mʼmadzaʼa, a bata nslekaɗaʼa, gèɗ mpaɗaʼa a guro, a dawar a bata a vèvèzh te ndevaʼa. Kokwar Suse a wuffè, ta hèzlèwè a mwuffè.

Esther 9:22

Nasa pats man ndohi Juif ta ngots nshèk va, a ta fen ta mayamhi tengaʼa, a kia man nlèyè tengaʼa a nʼngwode na a mwuffè, a kuɗa a nʼngwode na a dimèsh mwuffe. Sei ta gia a pats ngolala, a pats mwuffè, a ta zlündo skwi mbalai a va ta, a ta va ta skwi a ndohi ntawassaʼa.

Psaumes 104:15

A barassa a wuffedè ndav ndo, a mbar a shüd ndo wuzlwuzlaʼa, a movar a vi wuɗi a ndo.

Psaumes 149:4

Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

Psaumes 23:5

Ka tilay skwi nʼndai a ma ga a sam di ndohi mayamhi ga. Ka faday mbar a gèɗ, a kokwi ga a bèdèhai.

Psaumes 30:11

Ndo nzi pèc pècèk, tsenaʼa, i da se ka te va! Ndo nzi pèc pècèk, takahayè!

Psaumes 30:12

Te deɓaʼa ka ngwoda wobau ga a mwuffè, ka prokoy maslaka sam kuɗa auda a va, a ka vay mwuffè a ndav.

Psaumes 45:7

Sam nʼnzi bi ngaya a nzi a ma ma a mèdèp; gada bi ngaya, gada bi ngi-zuraʼa.

Ecclésiaste 9:8

Feda maslaka nslekadaʼa a va pèc pècèk, faɗda mbar a gèɗ pèc pècèk.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 26:2

Va-wina ntamagai, a ndohi nzuraʼa ta dè a pa, man ta lèɓèslè a ma ma.

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 52:1

Piɗèkwe ngaya, piɗèkwe ngaya, Sion, sala va ngaya! Jérusalem, feda maslaka wi a va! Ka kokwar nkezlaʼa! Anai ndo man ngwon nʼngel ɓai, ndo man ndav mpan ɓai, a dè a sam ngaya asaɓai.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Jérémie 31:13

Te deɓaʼa bidalihai ta woy ngècè, golahi a babgihi ba ta woy a ta wuffè. I da bid ta, i da va ta mwuffè te deɓ kuɗa.

Ezéchiel 34:29

I woy a i tila ta gi lak man ta wèl va te pa, a ta da tiɗè a mi te kokwar asaɓai, a ndohi nte deɓa ta slalia ta derɗa ta asaɓai.

Ezéchiel 47:7

Aman i do deɓa, i rka wofhi kumba te tsagi woyam cèw.

Zacharie 3:5

Va-paɗa na géɗ a maslaka mpa-naʼa! A ta paɗa na gèɗ a maslaka mpa-naʼa, a ta va na maslaka ngiɗè a va. Gol Ndo nzi pèc pècèk a nzlatsa a pa.

Matthew 15:13

A Yèsu a mʼmbeɗa ta a ma: Skwi staɗ staɗ tèlèba, man Bab ga te zhiklè a nzleka ɓai, ta da ptsokoɗauda.

Matthew 5:16

Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Luke 15:22

Aman bab nengaʼa a ngaɗa ta ɓèlèlihi nengaʼa: Va-ckoɗi maslaka mbelaʼa, va-va na a va. Va-va na tèslri a rai, a kin pa na kotokoroh a sak!

Jean 15:8

Gar haha nʼnjèl Bab ga, aman nyi nshèffè kinè a zhè kumba, a kin ndi a golahi ga.

Jean 16:20

A vava, a vava, i gaɗa kinè, kin da kuɗai, kin da gi wobau. Aman ndohi herkeda ta da wuffè. Kin da lèyè; aman nlèyè kinè a da ngwèdè na a mwuffè.

1 Corinthians 3:9

Nga mba a mizlinè a nda Bi Zhiklè. Kinè, kin gi dau Zhiklè; kinè, kin gi man Zhiklè a nroma.

1 Corinthians 6:20

Aman Zhiklè a sumka kinè a deɓa a gani kumba. Gar haha vo-slubordo Zhiklè te va kinè!

Philippiens 1:11

a nyiè kinè ngutsuɓaʼa te ngi-zuraʼa man a shkè te Yèsu Kristi, a da zhè a nslébèrdè a nshid gèɗ a Bi Zhiklè a vna.

2 Thessalonians 1:10

Aman pats nasa a mshkè ma, a ngudko va a dai, a ndohi Zhiklè nkezlaʼa ta nzalaʼa, a ndohi man ta co a ndav, ta slébèrdèʼa, a nda kinè te man skwi man nga ngreda kinè, kin co a ndav.

Hébreux 1:9

Ngi zuraʼa ambaha ka, ka gi shèwa a malai. Gar haha Zhiklè ngaya a faɗa ka mbar a gèɗ, mbar mwuffè, aman ndo ngiɗè a tsagi ngaya a ngècè arsa azɓai.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 Peter 4:14

Mwuffe a sam kinè, aman ta derɗe kinè a géɗ nzlembaɗ Kristi; aman Mèzhèɓ Zhiklè, Mèzhèɓ Zhiklè nʼnzalaʼa, a nzi a géɗ kinè.