Esaie 61:11 - Ma Zhiklè

¹¹ Ara man herkeda a nftsko skwi na, ara man gi lak a nftsko lak na, lèmèlèmè Bi Zhiklè a da ftsko ngi-zuraʼa a sam di ndohi herkeda tèlèba, a ta slébèrdèʼa.

Esaie 61:11 ပူးပေါင်းရင်းမြစ်များ

Genèse 1:11

A Bi Zhiklè a ngaɗa: Herkeda da ftsko skwi nɗaʼa auda: kuza man tser na a zhè, wof man a yi wuda tʼherkeda, ngiɗè ara ngakaɗ na, ngiɗè ara ngakaɗ na, a tser te pa! A ngu ar haha.

Psaumes 72:16

Dau da ndev te kokwar ɓai! A géɗ za ba, skwi da gu a pa, lèmèlèmè ara man a gi te Liban! Kokwarhi mbibihiaʼa ta da dai lèmèlèmè ara kuza a gèɗ herkeda.

Psaumes 72:3

Zahi ta da ckoɗi gumi a hi a géɗ herkeda, a ngègèɗhai ta da ckoɗi ngi-zuraʼa a hai.

Psaumes 85:11

Pombai a nlèbèslè ta zli gèɗ; ngi-zuraʼa a gumai ta humdè va.

Cantique des Cantiques 4:16

Slambaɗa, kozlar civèɗ iyam, slambaɗa, kozlar mazlam, beza a gi lak ga, a mhodko skwi man a zhkè te pa auda! Skwi ndav ga da shkè a gi lak na, da da ndu nyi wof nengaʼa mbelaʼa te pa.

Esaie 4:2

A pats nasa, skwi Ndo nzi pèc pècèk a da fcè, angrédè nʼnjèl nengaʼaauda. Skwi man a shkè auda te pa, ndohi manta mbel ta te Israel ta da jégèr va a géɗèʼa, a ta jé-zlè va a vna.

Esaie 45:23

I mbaɗa a ma ga, i goɗ zuraʼa te ma ga, ma man a fshè-wa azɓai. Gurmbèzhi tèlèba ta da gurɓè a sam ga, tèlèba ta mbèɗè te ma:

Esaie 45:24

Nʼngul skwai a wuɗai sèi te Ndo nzi pèc pècèk. Tèlèba man ta gu ndav a géɗ nengaʼa, ta da shkè a sam na, a ta gi horai.

Esaie 45:8

Giɗfèkihai, va-tkwoɗi ngi-zuraʼa a hai, a vanai va-dzurvkaɗi ngizuraʼa a hai! Herkeda da winè ma na, a skwi mbel ndo da ftsa, a ngi-zuraʼa i da gra te pa! Iyè Ndo nzi pèc pècèk, i gau arsa.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 58:11

Ndo nzi pèc pècèk, man a cè ka ma a mèdèp, a ngeza ka skwi a hwaɗ tʼhèshèkèɗ, a va ka wuɗi a va. Ka gi ara gi lak man ta ɓèl iyam a pa zuraʼa, ara nlèlè iyam man iyam a shè te pa azɓai.

Esaie 60:18

Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Esaie 62:2

Te deɓaʼa ndohi herkeda ta da rka ngi-zura ngaya, a bihi tèlèba ta rka nʼnjèl ngaya, a ta da baha ka a nzlembaɗ mɓuaʼa, man Ndo nzi pèc pècèk a ngoɗ te ma na.

Esaie 62:7

A kin va na nshèk va ɓai, ha a ntila Jérusalem zaʼa, a ngi a skwi nʼnjèl herkeda.

Matthew 13:23

Ngidè man a wusha a sam mbelaʼa, nara ndo man a tsena maʼa, a sun te ndav na, a yi wuda, ngiɗè 100, ngiɗè 60, ngiɗè 30 te verzi skwi staɗ.

Matthew 13:3

Yèsu a ngaɗa ta ma kumba a ngèlègèɗ-ma: Na haha, ndo nwush tser skwai a mdo auda, aman a nwushè tser skwai.

Matthew 13:8

Ngidè faɗkata ta wusha a sam mbelaʼa, a ta yu wuda, ngiɗè 100, ngiɗè 60, ngiɗè 30 te verzi skwi staɗ.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.