Esaie 61:10 - Ma Zhiklè

¹⁰ I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:10 ပူးပေါင်းရင်းမြစ်များ

Genèse 24:53

Te deɓaʼa a ncko skwi wi verz-hègenè a guro, a maslaka, a mpa na Rebecca; a kramam nengaʼa, a mam na ba a mva ta skwi mèshèlè tsaɗ tsaɗ.

II Chroniques 6:41

Anai Ndo nzi pèc pècèk, Zhiklè, slambaɗa, washkè a sam nshèk va ngaya, kinè a koti bi ngaya. Ndohi mvi skwi a ka, Ndo nzi pèc pècèk Zhiklè, da feda skwi mʼmbel ndo a va ara maslaka, a ndohi ngaya man ka woy ta ta wuffè a géɗ manam.

Néhémie 8:10

Ta gaɗa ta: Vo-do, va-ndau zluèɗ, va-sau skwi nsi man a jèn, va-tsaka ta ndohi man ta ngatsa skwi bai, te man pats haha nkezla a sam Bi Zhiklè nga. Kin hur gèɗ ɓai! Mwuffè a géɗ Ndo nzi pèc pècèk, nengaʼa wuɗi kinè!

Job 29:14

Ngi-zura ga nara maslaka man i feda a va; ma kita ga ara dawar ga, a skwi mpèɗè gèɗ.

Psaumes 132:16

A ndohi mvi skwi a Zhiklè i da va ta skwi mʼmbel ndo ara maslaka a va, a ndohi nengaʼa ta hèzlèwè a mwuffè.

Psaumes 132:9

Ndohi mvi skwi a Zhiklè da pu ngi-zuraʼa a va ara maslaka, ndohi ngaya da wuffa!

Psaumes 28:7

Ndo nzi pèc pècèk, wuɗi ga, gambar ga, i pu ndav ga a nengaʼa; te deɓaʼa a ntakahayè, a ndav ga a ngu langlangaʼa. I woy a i shida na gèɗ a dimèsh ga.

Psaumes 35:9

Aman ndav ga a da gi langlangaʼa a géɗ Ndo nzi pèc pècèk, a da wuffè a géɗ man nengaʼa a ntakahayè.

Cantique des Cantiques 1:10

Di ngaya ndaʼa, skwi daʼai a da ka va. Daʼai ngaya zaɗawaʼa, skwi daʼai amba te pa.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 17:10

Aman Zhiklè, man a mbel ka, mpca ka a gèɗ. Za man ka slaha ka nghédè va a pa, ka hera ɓai. Gar haha ka gi gi lak a zhiklè mbèh skwi ngaya, a ka geda wof zhiklè mbèh skwi ngiɗè a pa.

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 49:18

Ngul dai, rka! Ta tèlèba ta ɓica va, ta dè a sam ngaya ara man i zhè á nshèffe a vava, Ndo nzi pèc pècèk a gada. Ta tèlèba ta ndi a skwi wi ngaya, a ka tila va ngaya a vna ara medemai.

Esaie 49:4

Aman i gada: I ngeza ambalai, i keɗa ndhtsan a gèɗ ambalai; aman Ndo nzi pèc pècèk a gi kita ga, skwi ntul ga te ri Zhiklè ga.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 52:1

Piɗèkwe ngaya, piɗèkwe ngaya, Sion, sala va ngaya! Jérusalem, feda maslaka wi a va! Ka kokwar nkezlaʼa! Anai ndo man ngwon nʼngel ɓai, ndo man ndav mpan ɓai, a dè a sam ngaya asaɓai.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 58:14

te deɓaʼa ka ngècè mwuffè a sam Ndo nzi pèc pècèk. I da tevda ka a géɗèʼa, ara man ka tsi sabai, a i va ka skwi nʼndi gi Jacob, bab ngaya. Aman Ndo nzi pèc pècèk a goɗ te ma na.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Esaie 65:18

Aman i gi a kin wuffè a gèɗ skwi man i giaʼa a mèdèp. Na haha, i gi Jérusalem a skwi nslebardaʼa; a i gi ndohi na a skwi mwuffè.

Jérémie 2:32

Skwi wai a pca na a gèɗ a bidali dè? Mbar man a fèɗè a va a pca na a gèɗ a medemi dè? Aman ndohi ga, i pca ta a gèɗ nʼnzi a zhè.

Ezéchiel 42:14

Aman ndohi mvi skwi a Zhiklè ta dè a pa, da shkè auda a sam nkezlaʼa a sam nʼngalaʼa tʼuda bai, sèi da suɗda maslaka tengaʼa man ta gu mizlinè a vna, auda te gi dai, te man ta kezla. Sèi ta vi maslaka ngiɗè a va, ga ta dè auda a sam ndohai.

Habakuk 3:18

Aman iyè, i da slébèrdè Ndo nzi pèc pècèk, a i wuffè a géɗ Zhiklè, Zhiklè man a mbelyè.

Zacharie 10:7

Ndohi Ephraim ta gi a ngul ndohai, ndav tengaʼa a da wuffè ara mwuffe zom. Wudahi tengaʼa ta da rkaʼa, a ta wuffè. Ndav tengaʼa da wuffa a géɗ Ndo nzi pèc pècèk!

Zacharie 3:5

Va-paɗa na géɗ a maslaka mpa-naʼa! A ta paɗa na gèɗ a maslaka mpa-naʼa, a ta va na maslaka ngiɗè a va. Gol Ndo nzi pèc pècèk a nzlatsa a pa.

Luke 15:22

Aman bab nengaʼa a ngaɗa ta ɓèlèlihi nengaʼa: Va-ckoɗi maslaka mbelaʼa, va-va na a va. Va-va na tèslri a rai, a kin pa na kotokoroh a sak!

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 14:17

Aman kokwar Bi Zhiklè nʼndi skwai, nsi skwai ka ɓai, aman ngi-zuraʼa a gumai a mwuffè te Mèzhèɓ Zhiklè nkezlaʼa.

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

Galates 3:27

Ara man ko wawa te ndev kinè a ngu baptême te Kristi, nara man kin feda Kristi a va.

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

Apocalypse 21:2

A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.

Apocalypse 21:9

Staɗ te va golahi Zhiklè tsaraɗ a mshkè a sam ga, nengaʼa man a ngots kokwi tsaraɗ, nʼndha a nʼndikèma matakwan mbiaʼa tsaraɗ a ngaɗayè: Washkè, i war i ngra ka medemi kra tambak.

Apocalypse 4:4

Sam nʼnzi bihi 24 ta tèuda sam nʼnzi bi matsa a pa; a géɗ sam nʼnzi bihi ndohi nhalaʼa 24 a pa, a maslaka nslekaɗaʼa, gèɗ mpaɗaʼa a guro.

I Samuel 2:1

Anne a ntsu ri a Zhiklè, a ngaɗa: Ndav ga a wuffè te Ndo nzi pèc pècèk. Zhiklè a nslambaɗday gèɗ, a ndzegaryè a vata. Ma ga a winè twèng a sam mayamhi ga, aman i wuffè a gèɗ skwi man a takahayè a vna.