Esaie 61:1 - Ma Zhiklè

¹ Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Esaie 61:1 ပူးပေါင်းရင်းမြစ်များ

Psaumes 102:20

Aman Ndo nzi pèc pècèk a paka di a hai a herkeda te giɗfèk, te géɗèʼa a sam nengaʼa nkezlaʼa,

Psaumes 147:3

Nengaʼa man a menda na wuɗi a pa a ndo man ndav na a mbeɗè, a mènè mblè tengaʼa.

Psaumes 149:4

Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

Psaumes 2:6

Iyè man i feda bi ga a Sion, a géɗ za ga nkezlaʼa.

Psaumes 22:26

I woya man a i slébèrdè ka te ndev ndohi Zhiklè mɓicaʼa a vata. I woya man a i gi ara ma ga man i gaɗda hai a sam di tengaʼa man ta slébèrdèʼa a zlau.

Psaumes 25:9

A ngra ta civèɗ a ndohi man ta manda gèɗ a hai, a ta jèjèr ma kita nengaʼa, a slebda ta civèɗ nengaʼa a ndo-hai man ta manda gèɗ a hai.

Psaumes 34:18

Aman ta bèhè, Ndo nzi pèc pècèk a tsenaʼa, a mbel ta te ri skwi tengaʼa mwuɗitpa tèlèba.

Psaumes 45:7

Sam nʼnzi bi ngaya a nzi a ma ma a mèdèp; gada bi ngaya, gada bi ngi-zuraʼa.

Psaumes 51:17

Bai, Zhiklè, winè tapiɗaf ma ga, a i njè ma nʼnjèl ngaya a ndohai.

Psaumes 68:7

Bi Zhiklè a va ta gai a mbelaw ndohai, a preka ta ndohi dangai auda. Sèi ndohi mèdègèɗ ta nza a ta ngècè skwi azɓai.

Psaumes 69:32

A da ambaha Ndo nzi pèc pècèk, a fena zlèhai, a fena marai ndrom te gèɗ a kotèkwèr.

Exode 28:41

A ka va ta a va a nda Aaron a wudahi nengaʼa, a ka faɗa ta mbar a gèɗ, a ka ndha ta ri tengaʼa, a ka pe ta a sam mizlinè Zhiklè, a ta gi a ndohi mvi skwi a Zhiklè.

Exode 29:7

Co mbar man ta fèɗè a deb skwai, bada na a gèɗ, a ka faɗa na a gèɗ arsa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 30:19

Kinè ndohi Sion, man kin nzi te Jérusalem, kin da kuɗi a ma ma asaɓai. Kin da si Zhiklè te va, aman kin da kuɗi a sam na; ncin na, a cèʼa.

Esaie 30:26

Te deɓaʼa skwi nhél sam kia, lèmèlèmè ara skwi nhèl sam pats. Skwi nhél sam pats ta ta mpats ngiɗè tsaraɗ, a pats staɗ a hél sam te di mʼmèn tsaraɗ; a pats man Ndo nzi pèc pècèk a da mèn mblè ndohi na, a pa na zungwa a va mpaslaʼa.

Esaie 32:7

Skwi man nderkèzhè ndo a gi mizlinè a vna, ambaɓai. A hèsh maya nzlai, a gedas ta ndohi ntawassaʼa a ncèkèlma, ko mbelawa sa a goɗ a nzuraʼa.

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 42:7

A ka winè di mandazlai, a ka pra ta ndohi ndzawaʼa auda te dangai, a ka pra ta ndohi auda te ndev ruva.

Esaie 48:16

Va-herdekay va, va-tsenaʼa! Tʼhinkaɗ na i godo, a metsar ka ɓai. Daga man skwi haha a gai, i zhè. Anai Ndo nzi pèc pècèk a nzlindyè a Mèzhèɓ nengaʼa.

Esaie 49:9

I gaɗa ta ndohi dangai: Vo-do auda! A ndohi te ruva: Vo-washkè a sam nhelaʼa! Skwi a ndi mandai a zolom civèɗ tèlèba, ta ndi mandai a géɗ ɓala.

Esaie 52:7

Sak nengaʼa mbikaɓai, man a njè ma mwuffè, ma gumai te za, a va ta ma mbelaʼa, a njè ta ma mʼmbel ndo, a gaɗa na Sion: Zhiklè ngaya, bai!

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 57:18

I rka civèɗ tengaʼa; i woya a i mbel ta, i woya a i de ta, i woya a i bid ta a i va ta wuɗai a ndohi tengaʼa man ta kuɗai.

Esaie 59:21

Aman iyè, nga derzla ma nga aranta a tengaʼa, Ndo nzi pèc pècèk a gada: Mèzhèɓ ga man a nzi a géɗ ngaya, a ma ga man i va ka a ma, da kazla auda te ma ngaya ɓai a mèdèp, ko te ma wud wudahi ngaya, a hinè antanta a ndè a ma ma a mèdèp, Ndo nzi pèc pècèk a gaɗa.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Jérémie 34:8

Ma man Ndo nzi pèc pècèk a ngaɗa na Jérémie, te deɓ man Sédécias a nderzla ma a ndohi tèlèba, man ta zhè te Jérusalem. A njè ta, aman ta pra ta ɓèlèlihai.

Jérémie 52:33

A mva na maslaka ngiɗè, maslaka dangai ka ɓai, a Jojakin a nʼndau skwi a sam na pèc pècèk, ha a mʼmets na.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Lèv. 7:35

Nasa skwi man Aaron a wudahi nengaʼa ta ngècè te va skwi man ndohi ta va na Zhiklè te vogwa, man ta ngots a pats man ta pe ta a mizlinè mvi skwi a Zhiklè.

Michée 3:8

Aman iyè, i ngots wruɗai, te man Mèzhèɓ Ndo nzi pèc pècèk a nʼndha ndav ga, a ngi-zuraʼa a wuɗi-va, a i njè ta ma mphömè Jacob, a mali Israel.

Matthew 11:5

mandazlihi ta rka dai, ndohi vedal ta dè a sak ta, ndohi hutsoɗ ta suɗ ta, ndaɓazlamhai ta tsena zlembaɗ, ndohi mʼmetsaʼa ta slambaɗ ta. Ma mbelaʼa, ta njè a sam ndohi ntawassaʼa.

Matthew 3:16

Aman Jean a nʼnga na baptême a Yèsu ma, a Yèsu a mshkè auda te iyam, na haha gidfèk a mwin na, a nrka Mèzhèɓ Zhiklè man a shkèhai a gèɗ na, ara nkuɗhom.

Luke 7:22

A Yèsu a mʼmbeɗa ta a ma: Vo-do, a kin gaɗa na Jean skwi man kin rkaʼa, a kin tsenaʼa: Mandazlihai ta rka dai; ndohi vedal ta dè a sak ta; ndohi hutsoɗ ta suɗ ta; ndaɓazlamhai ta tsena zlembaɗ; ndohi mʼmetsaʼa ta slambaɗ ta, a ndohi ta njè ta ma mbelaʼa ndohi ntawassaʼa.

Jean 1:41

Nengaʼa a nʼngots Simon, kramam na, nshè-lèkuraʼa, a ngaɗa na: Nga ngots Messie (ara ngèɗè, ndo man ta bada na mbar a geɗ).

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Actes 10:38

kin suna, ara man Zhiklè a va na wuɗai a Yèsu ndo Nazareth haha, te Mèzhèɓ Zhiklè nkezlaʼa. A nengaʼa a nsawala, a ngu man amba, a mʼmbel ta ndohi tèlèba man bi madzagi a ga ta, te man Bi Zhiklè a zhè a nda nengaʼa.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

Actes 4:27

A vava, Hérode a Ponce Pilate, a ndohi herkeda tsaɗ tsaɗ, a ndohi Israel, ta vhe ma, a ta gu ndav a géɗ Yèsu, kra ngaya nkezlaʼa, man ka bada na mbar a gèɗ,

2 Corinthians 3:17

Bi Zhiklè, Mèzhèɓ; a sam man Mèzhèɓ Bi Zhiklè a zhè, vara mpraʼa.

2 Corinthians 7:6

Aman mshkè Tite, Zhiklè a bid nga, ara man a bid ta ndohi man ta zhiɗè ta gèɗ a hai.

Hébreux 1:9

Ngi zuraʼa ambaha ka, ka gi shèwa a malai. Gar haha Zhiklè ngaya a faɗa ka mbar a gèɗ, mbar mwuffè, aman ndo ngiɗè a tsagi ngaya a ngècè arsa azɓai.