Esaie 60:9 - Ma Zhiklè

⁹ Ndohi man ta shèwèlè a géɗ iyam ta ɓicko va a sam ga gokwèn, wuromhi Tarsis a ma, a ta helka ta wudahi ngaya a sam nʼdraʼa. Ta shkè a guro a skwi mèshèlè tenga te rai, aman ta slébèrdè nzlembaɗ Ndo nzi pèc pècèk, Zhiklè ngaya, Zhiklè nkezlaʼa, a vna; aman nengaʼa a nzal ka.

Esaie 60:9 ပူးပေါင်းရင်းမြစ်များ

Genèse 9:27

Bi Zhiklè da pra na sam nʼnzi a hai woɗaʼa a Japhet; aman Canaan da ga a ɓèl na!

I Rois 10:1

Te Saba, ngwoz a ngu bai, a ntsena labar ma Salomon, a mshkè aman a njhèɗèʼa

I Rois 10:22

Bai a nʼngots wuromhi te Tarse a géɗ iyam mbiaʼa, a nda ndohi nhèd wurom Hiram. Wuromhi ta shkè ngwi te Tarse, sak staɗ tʼhwaɗ mvi makar, a ta hulko guro a verzhègenè a zlèʼèn fakawai a gelakai a pelaibelökwöm.

I Rois 22:48

Te ndev nasa bi a te Edom ɓai, sèi bi Juda a mfeda ndo mbiaʼa a pa.

I Rois 8:41

A ndo mbrok, man verzi nengaʼa tsaɗ, man ndo Israel ka ɓai, man a shkè te kokwar dra, a shkè a géɗ nzlembaɗ ngaya,

Psaumes 48:7

Ta gudzu a samaʼa, ta düsha va ara ngwoz man a yi kra.

Psaumes 72:10

Bihi Tarsis, a bihi tʼherkeda te ndev iyam, sèi ta vi skwi mbalai. Bihi Séba a Saba sèi ta hulko skwai a ta va na.

Psaumes 97:1

Ndo nzi pèc pècèk, bai! Herkeda da wuffa, herkeda man nte ndev iyam da wuffa!

Exode 33:19

A mʼmbeɗa na a ma: I woy a i bizhdè pombi ga tèlèba a sam di ngaya, a i woy a i bèhè nzlembaɗ Ndo nzi pèc pècèk a ma ngaya. A ndo man i va na pombai, a nʼngots pombai a vava; a ndo man a siyè te va, a siyè te va a vava.

Proverbes 18:20

Ndo a ngeza hwaɗ na a ma nengaʼa, a nzi a di a ma nengaʼa.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 2:16

a géɗ wuromhi te Tarse tèlèba, a géɗ skwi mbelaʼa tèlèba.

Esaie 24:15

Gar haha vo-slubordo Ndo nzi pèc pècèk a géɗ herkeda te civèɗ mvèng pats, vo-slubordo nzlembaɗ Ndo nzi pèc pècèk, Zhiklè Israel, a géɗ herkeda nte ndev iyam!

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 42:4

Nengaʼa a kéɗè gèɗ a hi azɓai, a pèslèʼa azɓai, ha a mpu saba ma nzuraʼa tʼherkeda tèlèba; a ndohi tʼherkeda te ndev iyam ta zhèr ma nengaʼa.

Esaie 43:4

A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 49:1

Kinè herkeda nte ndev iyam, va-tsenaʼa! Kinè ndohi herkeda dra, va-fu zlembaɗ! Ndo nzi pèc pècèk a mbahayè, man i tʼhwaɗ mam ga dai, a mbahayè a nzlembaɗ ga, man i ye di ɓai.

Esaie 49:22

Zhiklè Ndo nzi pèc pècèk a goɗ ar haha: I kutèka ta ri a ndohi nte deɓa, i zlècèdè skwi man ndohi herkeda ta senyè te pa; wud ngurhi ngaya ta paka ta a ndav; dalahi ngaya ta manka ta a ba.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 55:5

Na haha, ka baha ta ndohi herkeda man ka sen ta ɓai. A ndohi man ta sen ka ɓai, ta hi a sam ngaya, a géɗ man Ndo nzi pèc pècèk, Zhiklè ngaya, Zhiklè Israel nkezlaʼa a nslebarde ka.

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Esaie 60:4

Ceda gèɗ a zhiklè, ngul dai! Ta tèlèba ta ɓicko va, ta shkè a sam ngaya. Wudahi ngaya ta shkè dra, ta zuɓko dalahi te ba.

Esaie 60:6

Zlugumihi rè-dèdèʼa ta haya a sam ngaya, zlugumihi te Madian, te Epha. Ndohi Saba ta da shkè a guro a ɓurdi a ta njè skwi mbiaʼa man Ndo nzi pèc pècèk a gau.

Esaie 66:12

Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 30:19

Te pa dimèsh nslèbèrdè, ma nʼngwè-shè, a shkè auda. I gi a ta mènè a vata, ta mènèhi azɓai. I da nzal ta, ta derde ta azɓai.

Ezéchiel 39:7

I da ngreda nzlembaɗ ga nkezlaʼa te ndev Israel, ndohi ga. I va ta civèɗ a ta dérɗè nzlembaɗ ga te deɓaʼa asaɓai; ndohi herkeda ta da suna, iyè Ndo nzi pèc pècèk, Zhiklè Israel nkezlaʼa.

Michée 4:13

Slambaɗa, dem Sion, kuzlo dau! I va ka mbelau züdo a rai, a i va ka kotokoroh züdo a sak, a ka kerɗ ta ndohi herkeda kumba a sak. Skwi ndumè ka da va na Ndo nzi pèc pècèk, skwi mèshèlè tengaʼa ka va na bi a géɗ ndohi herkeda tèlèba.

Michée 7:12

A pats sa ta da shkè a sam ngaya dra, te Assyrie, te kokwar Egypte, a hinè te Egypte, ha ndè a ma woyam mbiaʼa, a ma iyam mbiaʼa ngiɗè a ndè a ma iyam mbiaʼa ngiɗè, te za ngiɗè a ndè a za ngiɗè.

Sophonie 2:11

Ndo nzi pèc pècèk a da gi skwi mwuɗitpa a sam tengaʼa, a da zede zhiklèhi mbèh skwi tengaʼa tèlèba tʼherkeda, a ndohi herkeda a ma woyam tèlèba ta da gurɓèhai a sam nengaʼa, staɗ staɗ tèlèba a sam nʼnzi na.

Zacharie 14:14

Juda ba a da gi var a Jérusalem. A ndohi herkeda tèlèba ta ɓickoɗi skwi mèshèlè a tsagai, guro a verzhègenè a maslaka kumba kumba.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Jean 17:26

A i ngreda ta nzlembaɗ ngaya; a i ngréɗèʼa dai. Aman mwoy-ndo ngaya man ka woy iyè a vna, da zhè a sam ta, a iyè te tengaʼa.

Actes 9:15

Bi Zhiklè a ngaɗa na: Do, aman nengaʼa ndo mizlinè ga man i ngotskoɗauda, aman a dè nzlembaɗ ga a sam ndohi herkeda, a sam bihai, a sam ndohi Israel.

Galates 3:26

Aman kin tèlèba wudahi Zhiklè te ncè Yèsu Kristi a ndav.

Galates 4:26

Aman Jérusalem man a zhè te géɗèʼa, nengaʼa ngwoz gai, nengaʼa mam nga.

Josué 9:9

A ta gaɗa na: Nga shhkè te kokwar dra, nga ɓèlèlihi ngaya, a nga shkè a nzlembaɗ Ndo nzi pèc pècèk, Zhiklè ngaya. Nga tsena labar ma nengaʼa a skwi tèlèba man a ngu te kokwar Egypte,