Esaie 60:4 - Ma Zhiklè

⁴ Ceda gèɗ a zhiklè, ngul dai! Ta tèlèba ta ɓicko va, ta shkè a sam ngaya. Wudahi ngaya ta shkè dra, ta zuɓko dalahi te ba.

Esaie 60:4 ပူးပေါင်းရင်းမြစ်များ

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 14:2

A ta hel ta ndohi kokwar ngiɗè a rai a kokwar bab ta. A ndohi gi Israel ta da ge ta a ɓèl ta, ngur-hi a ngwozi te kokwar Ndo nzi pèc pècèk. Ta da dzaw ta tengaʼa man ta dzawka ta pats ngiɗè, a ta da kwar ta ndohi nʼnga ta matakwan.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:17

Ndohi nram ka ta hakadai; ndohi mʼmbeɗ ka a ndohi ngedas ka ta de ta.

Esaie 49:18

Ngul dai, rka! Ta tèlèba ta ɓica va, ta dè a sam ngaya ara man i zhè á nshèffe a vava, Ndo nzi pèc pècèk a gada. Ta tèlèba ta ndi a skwi wi ngaya, a ka tila va ngaya a vna ara medemai.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Michée 7:12

A pats sa ta da shkè a sam ngaya dra, te Assyrie, te kokwar Egypte, a hinè te Egypte, ha ndè a ma woyam mbiaʼa, a ma iyam mbiaʼa ngiɗè a ndè a ma iyam mbiaʼa ngiɗè, te za ngiɗè a ndè a za ngiɗè.

Aggée 2:7

A i gudzeda ndohi herkeda, a ndohi herkeda tèlèba ta da hulkoɗi skwi mèshèlè a gi man i da gi a haha a nʼnjèlè, Zhiklè bi mbiaʼa a gaɗa.

Matthew 8:11

Aman i gaɗa kinè: Ndohi kumba ta da shkè te civèɗ mvèng pats, te civèɗ nkèl pats, a ta da nzi a nda Abraham, a Isaac, a Jacob te kokwar-Bi-Zhi-klè.

Jean 4:35

Kin gèɗè azbi dè? Na haha, njèkè ki faɗ, a ta da bicè skwai. Na haha, i gaɗa kinè: Va-ngul dai, a kin rka gi dau. Skwi nʼnga ma, aman ta ɓicèʼa antanta.

Actes 13:44

A pats nshèk va man a ma, ndohi kokwar tèlè ta ɓicko va, aman ta tsena ma Zhiklè; njèkè ndohi kètè genè man ta da a sam mɓica va ɓai.