Esaie 60:22 - Ma Zhiklè

²² Ndo nkèshèa a gi a verzi ndohi gozhèm gozhèm, ntabawaʼa a mène man a gi a kokwar mbiaʼa. Iyè Ndo nzi pèc pècèk, i pasleda ri a hai; a pats nasa i da vèshè va a i giaʼa.

Esaie 60:22 ပူးပေါင်းရင်းမြစ်များ

Esaie 10:22

Israel, ko ndohi ngaya ta mènè a vata, ara wyak a ma woyam, njèkè kèshkata genè ta da menkaɗa deɓa. Zhiklè a mba-sla gèɗ a woy a ngedas ta. Nasa kita nzuraʼa.

Esaie 5:19

Man ta gaɗa: Da vaska va, da ndeva mizlinè nengaʼa yau yau, aman nga rkaʼa! Skwi man Sion a nhur a da giaʼa, da gau, a nga suna!

Esaie 51:2

Va-pu di a Abraham, bab kinè, a Sara man a nyeka kinè. Man i baha na, na staɗgenè. A i pshè na ma, a mana a vata.

Esaie 66:8

Ntsena ar haha wa? Mrka skwi ar haha wa? Kokwar-bi a gi a pats staɗgenè ɗè? Ndohi herkeda ta y i a sam staɗ, a pats staɗ ɗè? Ga a dish va, Sion nya wudahi na ma.

Daniel 2:35

A mbatsa züdo a rɓasl a zi pats a verzhègenè a guro tèlèba, a kozlar a nheldama ara topok dau te hedak, a ta rka te deɓaʼa ɓi fèt. A kwa mbatsa skwi sa, a ngre na a vata, a ngi a za mbiaʼa, a nʼndha herkeda tèlèba.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Habakuk 2:3

Skwi a da rka ka a di a ma dai, ndikèmaʼa a herdeka va, a ngwèdè azɓai. Ko a nzi dai, zhoro! A da gi a vava, a da gi ndèzl.

Luke 18:7

A Zhiklè a takaha ta ndohi man a parka ta, azɓi dè, man ta tsi riaʼa a pats a vaɗ? A gi ndawali a ntakaha ta dè?

Actes 2:41

A ndohi man ta co ma nengaʼa, ta gu baptême. A ta shkè na va va. A pats nasa ndohi ngu baptême gozhèm makar.

Actes 5:14

Aman ndohi tèlèba ta nzal ta. Ndohi ngiɗè tsaɗ tsaɗ, ngurhi a ngwozi kumba ta humda ta va a va, a ta co Bi Zhiklè a ndav ta.

Hébreux 10:36

Aman skwi man a woy a zhè a sam kinè: Nzhèr skwia dai, nʼnzi taraʼa. Te deɓaʼa man kin gu skwi man Zhiklè a woyaʼa, kin ngècè skwi man Zhiklè a mpasla kinè ri a pa.

2 Peter 3:8

Aman skwi staɗ va-hur pèc pècèk, dalahimam gai A sam di Bi Zhiklè pats staɗ nara mvi gozhèm, mvi gozhèm nara pats staɗ.

Apocalypse 7:9

Te deɓaʼa i rka nhèyè ndo mbiaʼa, ndo a slaha a nʼngrè ɓai, te va ndohi herkeda, a ndohi kokwar, a gerzi ndohai, a daʼai ta tsaɗ tsaɗ tèlèba, ta zlatsa a ma sam nʼnzi bai, a ma kra tambak, a maslaka nslekaɗa a va, a vah gangar te rai,