Esaie 60:18 - Ma Zhiklè

¹⁸ Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 60:18 ပူးပေါင်းရင်းမြစ်များ

II Samuel 7:10

I woya ta sam nʼnzi a ndohi Israel, ndohi ga, a i pe ta a pa, a ta nzi a gumai, a ta gi zlau te deɓaʼa asaɓai, a ndohi wuɗai ta slaha ta ga ta matakwan ara zlèzlèa asaɓai,

Psaumes 147:14

Nengaʼa man a vi gumai a ndikè-ma a kuma ngaya, a va ka géɗ dau a ka ngézhè a vna.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 2:4

Nengaʼa a da gi kita ndohi herkeda tèlèba, a bèzlè kita a gèɗ ndohi man verzi ta tsaɗ tsaɗ. Ta da hil tsakwal ta, a ta viɗè a devar; a ta da hil su-lom ta, a ta da viɗè a gwodza. Ndohi herkeɗa ngiɗè ta da slambaɗa ta a va ndohi herkeda ngiɗè asaɓai, a ta slebi var te deɓaʼa asaɓai.

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 26:2

Va-wina ntamagai, a ndohi nzuraʼa ta dè a pa, man ta lèɓèslè a ma ma.

Esaie 51:19

Matakwan cèw ta keɗ ka; nda lay ka wa? Metsar, ngédèshè, tsakwal a mai; nda bid ka wa?

Esaie 54:14

ngi-zuraʼa a da zhè te verzi ngaya. Ka zhè dra a sam shè-wa. Skwi ngiɗè man ka gi zlauaʼa, azɓai, skwi a pra ka zlau a va, a zhè dra a sam ngaya, a herdeka ka va azɓai.

Esaie 56:5

i woya a i hér ta te gi ga, a i slubarde nzlembaɗ ta tʼhwaɗ gi ga, a fena wudahi a dalahi ga. I woya a i va ta nzlembaɗ man a gédèshè azɓai a mèdèp.

Esaie 60:11

Ntamagi kokwar ngaya mwinèʼa pèc pècèk, mpizlè ɓai, ko pats ko vaɗ, a ndohi man ta hulkoɗi skwi mèshèlè, ta slaha ta bizhè a pa, a verzi bi tengaʼa.

Esaie 60:17

I hulko guro te di man a zi pats, verzhègenè te di man a züdo, guro te di man a kaf, züdo te di man a kwa. I tsi gumi a bihi ngaya, a ngi-zuraʼa a da kwor ka.

Esaie 61:11

Ara man herkeda a nftsko skwi na, ara man gi lak a nftsko lak na, lèmèlèmè Bi Zhiklè a da ftsko ngi-zuraʼa a sam di ndohi herkeda tèlèba, a ta slébèrdèʼa.

Esaie 62:10

Va-beza a pa, va-beza a pa a ntama-gai! Va-tila ta civèɗ a ndohi ga! Va-ɗaɗala civèɗ, va-ɗaɗala civèɗ! Va-par ta kwa auda a civèɗ, va-zlatseda skwi man ndohi herkeda ta shinè te pa!

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 62:7

A kin va na nshèk va ɓai, ha a ntila Jérusalem zaʼa, a ngi a skwi nʼnjèl herkeda.

Ezéchiel 42:20

Aranta, dergi man a nlüva, tsagi 4 tèlèba, lèmèlèmè, 500. Nasa aman a ngela sam nkezlaʼa te sam nkezlaɓiaʼa.

Michée 4:3

A da gi kita ndohi kumba, a da ngatsa ta maya a kokwar-bihi man wuɗi ta a zhè, ko man ta dra. A ta da viɗè tsakwal ta a devar, a zhèngèzhè ta a gwodza. Kokwar-bi ngiɗè a gidè tsakwal a kokwar-bi ngiɗè asaɓai, a ta slebi ngi var asaɓai.

Sophonie 3:19

Na haha i da zede ta ndohi tèlèba man ta ga ka matakwan – a pats nasa – a i da mbél skwi man vedal, a i ɓica skwi man ta ksaraʼa, a i va ta nʼnjèlè; a ndohi ta slebarde ta tʼherkeda tèlèba.

Zacharie 2:5

Iyè, a ri ga, i tèuda a pa ara zlazlar a vogwa, a nʼnjèl ga te ndevaʼa, Ndo nzi pèc pècèk a gaɗa.

Zacharie 2:9

na haha, i cè ri a zhiklè, i tsiaʼa; a ɓèlèlihi tengaʼa ta helama ta skwi ta. A kin da suna, Zhiklè bi mbiaʼa a nzlindkayè.

Zacharie 9:8

A i woya a i tèuda gi ga a pa, a i ɓir gai, a i ɓirèʼa te ri ndohi man ta bizhè a pa, a ta shkè a deɓa a ngwai, ndo a di a slaha a nʼnga ta matakwan asaɓai; aman i rka matakwan tengaʼa a di ga.