Esaie 60:16 - Ma Zhiklè

¹⁶ Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Esaie 60:16 ပူးပေါင်းရင်းမြစ်များ

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Esaie 1:24

Gar haha, Bi Zhiklè bi mbiaʼa, Bi wuɗai, a gada: Yowa, i woya aman i ngwossaha ta ndohi shèwa ga, a ndohi mayamhi ga ta pulkoy gèɗ!

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 19:20

A nengaʼa a gi a skwi mal-wuɗai, a ngrédè skwi Ndo nzi pèc pècèk auda te kokwar Egypte. Aman ta kuɗi a sam Zhiklè a géɗ ndohi nʼnga ta mata-kwan, nengaʼa a da zlindeka ta ndo nta-kaha ta. Nengaʼa a da pre ta auda.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 29:24

Ndohi man ta zlak ta te nhér gèɗ ta, di tengaʼa a da win na, a tengaʼa man ta gu ndzoan ngodzo-ngodzoʼa ta cè skwi man ndohi ta slebda ta.

Esaie 33:22

Aman Ndo nzi pèc pècèk man a gi kita nga. Ndo nzi pèc pècèk, nengaʼa a da mbel nga.

Esaie 43:11

Iyè, i Ndo nzi pèc pècèk, ndo mʼmbél ndo ngiɗè azɓai, sèi iyè.

Esaie 45:15

A vava ka Zhiklè nʼnghedaʼa, Zhiklè Israel, Bi mʼmbel ndo.

Esaie 45:21

Vo-godo, va-ngreda, a ta cèmma a va ta. Nʼngreda ma haha halaki wa? Nʼnju ma haha halaʼa wa? Iyè Ndo nzi pèc pècèk ka ɓi ɗè? Iyè Zhiklè, ngiɗè azɓai, Zhiklè nzuraʼa, Zhiklè mʼmbel ndo, sèi iyè, ngiɗè az a tsagi ga ɓai.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 52:6

Gar haha a pats nasa ndohi ga sèi ta shin nzlembaɗ ga, a ta suna, iyè, man i goda, i zhè.

Esaie 59:20

Ndo mʼmbel Sion, ndo mʼmbel ndohi te gi Jacob, man ta menkaɗa deɓa te mali tengaʼa, a shkè, Ndo nzi pèc pècèk a gaɗa.

Esaie 60:17

I hulko guro te di man a zi pats, verzhègenè te di man a züdo, guro te di man a kaf, züdo te di man a kwa. I tsi gumi a bihi ngaya, a ngi-zuraʼa a da kwor ka.

Esaie 61:6

Aman kinè, ta baha kinè ndohi mvi skwi a Ndo nzi pèc pècèk. Ta da baha kinè ndohi mizlinè Zhiklè nga. Kin wèl va a skwi mèshèlè ndohi herkeda, a kin jégèr va a nʼnjèl tengaʼa.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Esaie 66:14

Aman kin rka skwi haha, ndav kinè a da gi langlangaʼa, va kinè a ɗai ɗukeɗukaʼa ara mandai, a ri Ndo nzi pèc pècèk nʼngreda auda a sam ɓèlèlihi nengaʼa, a ndzoan nengaʼa a sam mayamhi nengaʼa.

Jérémie 15:21

I mbel ka auda te ri ndohi ambaɓihiaʼa, te ri ngelɓats ndohi wuɗai.

Ezéchiel 34:30

Te deɓaʼa ta da suna, iyè Ndo nzi pèc pècèk, Zhiklè tengaʼa, a tengaʼa, ndohi Israel, ndohi ga, Bi Zhiklè a ngoɗa.

Apocalypse 21:24

A ndohi herkeda ta da shèwèlè te va skwi nhél samaʼa. A bihi herkeda ta da ckoɗi nʼnjèl ta a pa.

Apocalypse 21:26

Nwèlè a nʼnjèl ndohi herkeda a da shkè a pa.