Esaie 60:1 - Ma Zhiklè

¹ Slambaɗa, do a sam nhelaʼa! Aman skwi nhél sam ngaya a shkè, a nʼnjèl Ndo nzi pèc pècèk a vèngè a géɗ ngaya.

Esaie 60:1 ပူးပေါင်းရင်းမြစ်များ

Psaumes 102:16

Te deɓaʼa ndohi herkeda ta da gi zlau nzlembaɗ Ndo nzi pèc pècèk, a bihi herkeda tèlèba ta gi huyokokoʼa a sam nʼnjèl ngaya.

Psaumes 87:3

Ka kokwar Bi Zhiklè, ta slefi skwi mbelaʼa tsaɗ tsaɗ a gèɗ ngaya.

Esaie 2:5

Ndohi gi Jacob, vo-washkè, ngo-dokoya te va skwi nhél sam Ndo nzi pèc pècèk!

Esaie 24:23

Kia a gi hori a ndo na tibèr; pats a nde na zhiklè syem. A Ndo nzi pèc pècèk a gi ɓai a géɗ za Sion, a gi ɓai te kokwar Jérusalem. A nʼnjèlè a zhè a sam di ndohi nengaʼa nhalaʼa.

Esaie 28:5

A pats nasa Ndo nzi pèc pècèk, Zhiklè bi mbiaʼa, a da ndi a skwi mpèɗè gèɗ mbelaʼa, a shèwadai man a si dai, a sam njèkèɗi ndohi na.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 4:5

Ndo nzi pèc pècèk a da shkè te va vanai a pats, te va nèʼèn vogwa a vaɗ, a géɗ sam tèlèba te za Sion, a géɗ ndohi mɓicaʼa a pa. Aman nʼnjél Ndo nzi pèc pècèk a zhè a géɗ skwi tèlèba, aman a ɓirèʼa, a ta nzi a hwaɗaʼa.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 58:8

Te deɓaʼa skwi nhél sam ngaya a shkè auda ara pats wushèr, a mbel ka tsam tsam. Ngi-zuraʼa a dè a ma ngaya, nʼnjèl Ndo nzi pèc pècèk a dzadzar ka te deɓa.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Esaie 62:2

Te deɓaʼa ndohi herkeda ta da rka ngi-zura ngaya, a bihi tèlèba ta rka nʼnjèl ngaya, a ta da baha ka a nzlembaɗ mɓuaʼa, man Ndo nzi pèc pècèk a ngoɗ te ma na.

Esaie 66:11

A bid kinè, a ngeza kinè a wa nengaʼa ara kra man a ntseɗa wa, a kin siaʼa a kin cidèʼa, a kin ngeza a vna.

Esaie 9:2

Ka va ta mwuffè a vaʼa, a mwuffè a gi a mbiaʼa. Ta wuffè a sam di ngaya, ara man ta wuffè a pats man ta tsi dau, ara man ta wuffè a nkezli skwi man ta dum-kodai.

Ezéchiel 43:4

A nʼnjèl Ndo nzi pèc pècèk a mbeza a ntamagai te civèɗ mveng pats, a ndo a sam nkezlaʼa.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Matthew 4:16

ndohi man ta nza te ruva, ta rka skwi nhél sam mbiaʼa; a sam ndohi man ta nza a sam mʼmetsai, te mèzhèɓ mʼmetsai, skwi nhél sam a nhulko gèɗ.

Matthew 5:16

Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Jean 1:9

Skwi nhél sam, skwi nhél sam nzuraʼa, man a shkè a herkeda, a hela ta sam a ndohi tèlèba.

Jean 12:46

I shkè a herkeda, i skwi nhél sam. Aman ko wawa man a ciyè a ndav na, a nzi te ruva azɓai.

Jean 3:19

Na haha kita: skwi nhél, sam a mshkè a herkeda, a ndohi ta woya ruva a fena skwi nhél sam, te man skwi man ta gau, ambaɓai.

Jean 8:12

A Yèsu a ngaɗa ta zaʼa: Iyè, skwi nhél sam herkeda. Ko wawa man a dzadzar-kayè, a dè te ruva azɓai, aman a ngècè skwi nhèl sam nshèffè.

Ephésiens 5:14

Gar haha Zhiklè a gaɗa: Piɗèkwe ngaya, man ka nzhuna. Slambaɗa te ndev ndohi mʼmetsaʼa, a Kristi a di a hela ka sam te ndav ngaya.

Ephésiens 5:8

Aman zlèzlèa kinè ruva, aman antanta kinè skwi nhél sam te Bi Zhiklè.

Philippiens 2:15

Aman kinè, va-nza, ma az a géɗ kinè ɓai, zuraʼa, wudahi Zhiklè, mali az a sam kinè ɓai, te ndev ndohi herkeda man ta gedas ta, a ta ngwode ta a ndohi ambaɓihiaʼa, te ndev tengaʼa kin hél sam ara skwi nhél sam tʼherkeda,

1 Peter 4:14

Mwuffe a sam kinè, aman ta derɗe kinè a géɗ nzlembaɗ Kristi; aman Mèzhèɓ Zhiklè, Mèzhèɓ Zhiklè nʼnzalaʼa, a nzi a géɗ kinè.

Apocalypse 21:11

te nʼnjèl Zhiklè. Skwi nhél sam nengaʼa lèmèlèmè ara kwa mbelaʼa holholaʼa, jaspe, man nga pi di te pa cerh-cerhaʼa.

Apocalypse 21:23

Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.

Apocalypse 22:5

Vaɗ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.