Esaie 6:5 - Ma Zhiklè

⁵ I gada: Wobau, i da gédèsh ga; aman tapidaf ma ga a gèɗè ma nlizhèʼa, a i nza te ndev ndohi man tapiɗaf ma tengaʼa gèɗè ma nlizhèʼa, a i rka Bai, Zhiklè bi mbiaʼa, a di ga!

Esaie 6:5 ပူးပေါင်းရင်းမြစ်များ

Genèse 32:31

Aman a mdo auda a sam Peniel ma, pats a vèngè. A Jacob a tèfe va te langasla.

Psaumes 24:10

Bi nʼnzalaʼa haha wa? Zhiklè bi mbiaʼa, nengaʼa bi nʼnzalaʼa.

Exode 24:10

a ta rka Bi Zhiklè Israel; sam sak nengaʼa kwa saphir, di a rkè cerhaʼa te pa, ara giɗfèk nhelaʼa.

Exode 3:6

A ngaɗa: I Zhiklè bab ngaya, Zhiklè Abraham, Zhiklè Isaac, Zhiklè Jacob. A Moise a nʼngheda di na, a ngu zlau man a pi di a Zhiklè.

Exode 33:20

A ngaɗa na: Ka slaha ka rka di ga azbai; aman ndo man a rkayè, a nzi a nshèffè azbai.

Exode 4:10

A Moise a ngaɗa na Ndo nzi pèc pècèk: Ndo nzi pèc pècèk ga, daga man i kra, i nukom-ndo, ko antanta ba, man ka gaɗka na ɓèl ngaya a haha, ma ga a nèʼèn ga amba a ngèd bai.

Exode 6:12

Aman Moise a ngaɗa na Ndo nzi pèc pècèk: Na haha, ndohi Israel ta ca ma ga bai, a Pharaon a ncinè dè? I nukom ndo, i do goɗ ngèdè bai.

Exode 6:30

Aman Moise a ngaɗa na Ndo nzi pèc pècèk: I nukom ndo, i do goɗ ngèdè ɓai. Pharaon a da cinè ma ga ɗè?

Esaie 24:16

Nga tsena dimèsh te man a verzi gai: Nʼnjèlè a sam ndo nzuraʼa! A i gaɗa: Wobayè, wobayè! Ndohi metsar ta gi metsar, metsar man ta gia holholaʼa!

Esaie 29:13

Bi Zhiklè a gaɗa: A géɗ man ndohi haha ta herdekay va a ma, a ta slébèrdyè a tapidaf ma ambalai, aman ndav tengaʼa dra a sam ga, a ta gi zlau ga ara man ndohi ngiɗè ta njè ta genè,

Esaie 33:17

Di ngaya ta da rka ɓai te mbambi nengaʼa. Ka ngél di a géɗ herkeda dra.

Esaie 59:3

Pombaz a ri kinè. Ri kinè a lama na skwi man ambaɓai. Kin gèɗ ma ambaɓiaʼa; ncèkèlma a zhè te ma kinè.

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Jérémie 1:6

I gaɗa: Aʼai, aʼai, Bi Zhiklè Ndo nzi pèc pècèk, i sun ngèɗè ɓai, i wudahi dai!

Jérémie 51:57

I gi a zom a keɗ ta wud bihai a ndohi maya nengaʼa, mbibihiaʼa te pa, bihi na a ndohi var na. A ta da nzhun ta a mèdèp, ta da pidèkwè asaɓai. Bai, man nzlembaɗ na Zhiklè bi mbiaʼa, a ngoɗa.

Ezéchiel 12:2

Ka ndo, ka nza te ndev ndohi mèdègèɗ. Di ta a zhè, ta rka bai. Zlembaɗ ta a zhè, ta tsena ɓai, a géɗ man ta ndohi mèdègèɗ.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Habakuk 3:16

I tsenaʼa… a va ga a gi sawaʼa, tapiɗaf ma ga a gudzi te ri zlau, vatasl ga a wurr na, a mpay gudɓi a sak. I zhèr pats man matakwan a kala ta va a ndohi man ta kala nga va.

Nombres 17:12

Te deɓaʼa ndohi Israel ta gada na Moise: Nga bazl nga, nga zi nga tèlèba, nga zi nga!

Juges 13:22

Manoach a ngaɗa na ngwoz na: Nga metsi nga, te man nga rka Bi Zhiklè!

Juges 6:22

Gédéon a suna, gol Ndo nzi pèc pècèk a vava, a ngaɗa: Wo-bayè, Zhiklè, Ndo nzi pèc pècèk, a géɗ man nga peda di a iyam di iyam dai, a gol Ndo nzi pèc pècèk a vava!