Esaie 6:3 - Ma Zhiklè

³ Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 6:3 ပူးပေါင်းရင်းမြစ်များ

Esdras 3:11

A ta slu dimèsh, a ta shüd gèɗ a ta slubordo Ndo nzi pèc pècèk: aman nengaʼa amba, pombi nengaʼa a géɗ Israel a nzi a mèdèp. Ndohi tèlèba ta wuffè a ta slubordo Ndo nzi pèc pècèk, a géɗ man gi Zhiklè nhina ma.

Psaumes 57:11

Aman pombi ngaya mbiaʼa a dè zhiklè, nlèɓèslè ngaya mbiaʼa a dè a va vanai.

Psaumes 66:2

Va-slu dimèsh nʼnjèl nzlembaɗ nengaʼa, va-shüd gèɗ, a nʼnjèl nengaʼa mbiaʼa.

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Psaumes 8:2

Ndo nzi pèc pècèk, bi nga, nzlembaɗ ngaya mbiaʼa a gèɗ herkeda tèlèba! Nʼnjèl ngaya a dè a géɗèʼa, a zhiklè.

Psaumes 90:16

Ngreda ta skwi man ka giaʼa a ɓèlèlihi ngaya, ngreda ta nʼnjèl ngaya a wudahi ngaya!

Psaumes 97:6

Giɗfèk a njè ngi-zura nengaʼa, a ndohi herkeda tèlèba ta rka nʼnjèl nengaʼa.

Psaumes 99:3

Sèi ta slébèrdè nzlembaɗ ngaya mbiaʼa, mwuɗitpa, nkezlaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Esaie 24:16

Nga tsena dimèsh te man a verzi gai: Nʼnjèlè a sam ndo nzuraʼa! A i gaɗa: Wobayè, wobayè! Ndohi metsar ta gi metsar, metsar man ta gia holholaʼa!

Esaie 40:5

Aranta nʼnjèl Zhiklè a gudko va a dai, a ndohi tèlèba ta rkaʼa. Ma Ndo nzi pèc pècèk a ngoɗa.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Ezéchiel 43:2

Na haha nʼnjèl Zhiklè Israel a mshkè te civèɗ mvèng pats, a hèzlèwè ara kuɗ iyam mbiaʼa. Gèɗ herkeda nhela a géɗ nʼnjèl nengaʼa.

Ezéchiel 44:4

Te deɓaʼa a ndiyè a ntamagi te civèɗ man a géɗèʼa, a ma gi Zhiklè. Aman i pu dai, na haha nʼnjèl Ndo nzi pèc pècèk a nʼndha gi Zhiklè. A i kalahi a deɓ sak nengaʼa.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Zacharie 14:9

Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Nombres 14:21

Aman a vava ara man i zhè a nshèffè, a vava ara man herkeda nʼndha a nʼnjèl Ndo nzi pèc pècèk,

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.