Esaie 59:12 - Ma Zhiklè

¹² Skwi ambaɓiaʼa man nga gau a sam ngaya a zhè kumba. Malihi nga ta gi mal-wuɗai a gèɗ nga. Nga sun skwi ambaɓiaʼa man nga gau, nga sun mali nga.

Esaie 59:12 ပူးပေါင်းရင်းမြစ်များ

Esdras 9:13

A géɗ skwi tèlèba man a shkè a géɗ nga, a géɗ skwi man ambaɓai man nga gau, a géɗ mali nga mbiaʼa, ka Zhiklè nga, ka ga nga kita mbiaʼa ara mali nga ɓai, a ka jèka nga ndohi haha man ta menkada deɓa te ɓèlè.

Esdras 9:6

a i gaɗa: Zhiklè ga, hori a dzay kumba, hori a keɗyè a vèvèd; i slaha a i pi di a zhiklè ɓai, Zhiklè ga! Skwi ambaɓiaʼa man nga gau a nge na a mbiaʼa a sam nga. Mali nga a ngre na a ma ma, ha a ndikè a géɗèʼa.

Néhémie 9:33

Skwi man ka ga nga tèlèba, ka gu zuraʼa, ka gu amba; aman nga, nga gu ambaɓai.

Psaumes 51:3

Bi Zhiklè, i da se ka te va, vay pombi ngaya! Pray mali mphömè ga, a géɗ man ndo a se ka te va kumba!

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Esaie 64:4

Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 3:2

Pu di a zhiklè a ka rkaʼa. Ka phoma ɓi te mè? Ka pu va a zolom civèɗ, ara ndo Arabe tʼhèshèkèɗ. Ka gedassa herkeda a mphöme ngaya, a shèwa ngaya.

Ezéchiel 5:6

Te man nengaʼa a ngu mèdègèɗ, a ta tawaɗaha ma kita ga, a shèwa a fena ndohi nte deɓa. A ta kwola ma nkwèr ga, ta dzadzara bai, a fena ndohi te kokwar man a tsagiaʼa.

Ezéchiel 7:16

Aman matrhiaʼa ta wuc ta a géɗ za, ta da zi ta tèlèba a géɗ mali ta.

Ezéchiel 7:23

Mali ndohi nkeɗa ndo nʼndha te pa, te man te kokwar tèlèba ta gi skwi a wuɗai.

Osée 4:2

Ta mbèɗè, ta cèkèlma, ta kéɗ ndo, ta gi metsar, ta gi mphöme, ta gi skwi a wuɗai, mali nkéɗè ndo a dè a ma ma.

Osée 5:5

Nfi va Israel a nʼngwoda ta va a gèɗ. Israel a Ephraim ta kalahi a géɗ mali ta.

Osée 7:10

Nfi va ndohi Israel a nʼngwoda ta va a gèɗ, aman ko aranta ta menkada deɓa a sam Ndo nzi pèc pècèk, Zhiklè tengaʼa ɓai, ko aranta ta woya ɓai.

Habakuk 1:4

Wuɗi ma kita ba azɓai, skwi nzuraʼa a nʼngredekaɗauda ɓai. Te man ndo malai nfa na a gèɗ a ndo nzuraʼa, ta terɗa ma kita.

Nombres 32:23

Aman kin da gi arsa azbai, kin gu mali a sam Ndo nzi pèc pècèk, a kin da suna, kita a da gs kinè.