Esaie 59:1 - Ma Zhiklè

¹ Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Esaie 59:1 ပူးပေါင်းရင်းမြစ်များ

Genèse 18:14

Skwi man Ndo nzi pèc pècèk a slaha ɓai, a zhi dè? A tèra aranta i da shkè a deɓa a sam ngaya, a Sara a nʼngots kra nguraʼa.

Psaumes 94:9

Nengaʼa man a gau zlembaɗ, zlembaɗ na azɓi dè? Nengaʼa man a gau dai, di na azɓi dè?

Esaie 50:1

Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 58:9

Aman ka bèhè arsa, Ndo nzi pèc pècèk a mbeɗa ka a ma. Aman ka tsi rai, a di a gada: Iyè, anai! Aman ka proko ta wof nkelawa auda te daʼai ndohi man ta zhè a sam ngaya, ka jèkeda nkutèka na ri a di a ndo, ka jèkeda ma ambaɓiaʼa,

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Esaie 65:24

Ga ta bahayè, i woya a i mbeɗa ta a ma. Ta gèɗè dai, i tsena ma.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 32:17

Wa! Bi Zhiklè, Ndo nzi pèc pècèk, ka ka gau giɗfèk a herkeda a wuɗi ngaya mbiaʼa, a ri ngaya man wuɗi na zhè. Skwi man ka slaha ɓi ba, azɓai.

Ezéchiel 8:18

Gar haha i ba i woy a i ga ta skwi a ndav. I da pi di mwoy-ndo azɓai, ta siyè te va azɓai. Ta da kuɗi a vata a zlembaɗ ga, aman i da cinè ma tengaʼa azɓai.

Michée 2:7

Ndohi gi Jacob ta ngècè hori a di azɓai. Ndo nzi pèc pècèk a zhèrè di azɓi dè? A gi skwi aranta ɗè? A gaɗa na Israel ma mbelaʼa ka ɓi ɗè?

Nombres 11:23

A Ndo nzi pèc pècèk a ngaɗa na Moise: Ri Ndo nzi pèc pècèk tüsl kata genè ɗè? Ka da rkaʼa: ma ga zuraʼa de, dè zuraʼa ka bi dè?

Matthew 13:15

Aman ndav ndohi haha nsassaya, a ta pizlè di ta, aman ta rka di ɓai, aman ta tsena zlembaɗ bai, aman ta sun te ndav bai, a ta woy a ta menkada deɓa a i da mbel ta ɓai.

Hébreux 7:25

Gar haha a slaha a mʼmbel ta tengaʼa man ta shkè a sam Zhiklè a nzlembaɗ nengaʼa, a mèdèp, te man nengaʼa a nzi a nshèffè a mèdèp, aman a tsi ri a géɗ tengaʼa.

I Samuel 4:3

Aman ndohi Israel ta shkè a deɓa a sam nhèyè-va, ndohi Israel nhalahiaʼa ta gaɗa: Ndo nzi pèc pècèk a ngu ar haha, aman ndohi Philistie ta fen nga a patsna, èhèmè? Nga da ckoɗi koti nderzlè-ma Zhiklè nga te Silo di kla! A nengaʼa da nza a ndev nga, a da mbel nga auda te ri ndohi mayamhi nga.

I Samuel 8:18

Aman te deɓaʼa kin da kuɗi a géɗ bi kinè man kin woyaʼa, Ndo nzi pèc pècèk a da fi zlembaɗ a kuɗ kinè asaɓai.