Esaie 58:9 - Ma Zhiklè

⁹ Aman ka bèhè arsa, Ndo nzi pèc pècèk a mbeɗa ka a ma. Aman ka tsi rai, a di a gada: Iyè, anai! Aman ka proko ta wof nkelawa auda te daʼai ndohi man ta zhè a sam ngaya, ka jèkeda nkutèka na ri a di a ndo, ka jèkeda ma ambaɓiaʼa,

Esaie 58:9 ပူးပေါင်းရင်းမြစ်များ

Genèse 27:18

A nengaʼa a mdo a sam bab na, a ngaɗa: Bab ga! A nengaʼa a mʼmbeɗa na a ma: Iyè anai! Kra ga, ka wa?

Job 22:27

Ka da tsi ri a nengaʼa, a nengaʼa a cè ntsi ri ngaya, ka da gi ara ma ngaya man ka gaɗdahai.

Psaumes 118:5

Te va zlau mʼmetsai man a gayè, i tsu ri a Ndo nzi pèc pècèk, a nengaʼa a mʼmbeɗkay a ma, a nckay auda.

Psaumes 12:2

Ndo nzi pèc pècèk, takahayè; aman ndo man a gi zlau Zhiklè, klèng, nlèɓèslè a sam ndohi herkeda, klèng.

Psaumes 145:18

Ndo nzi pèc pècèk a zhè ndul a sam ndohi tèlèba man ta baha na, tèlèba man ta baha na a nzuraʼa.

Psaumes 20:6

Nga woy a nga wuffè a gèɗ skwi mʼmbel ngaya, nga zlècèdè skwi malwuɗi a nzlembaɗ Zhiklè nga. Ndo nzi pèc pècèk da co ntsi ri ngaya tèlèba!

Psaumes 37:4

Woy mwuffè a sam Ndo nzi pèc pècèk, a nengaʼa a da va ka skwi man ndav ngaya a woya holholaʼa.

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Proverbes 6:13

a raɓatsa ka dai, a ftèh ka a sak, a ɗèfka a rai,

Esaie 1:15

Aman kin geda ri a zhiklè, i ngwoda di ga aussa. Ko kin tsi ri kumba, i fi zlembaɗ azɓai. Pombaz a ri kinè.

Esaie 30:19

Kinè ndohi Sion, man kin nzi te Jérusalem, kin da kuɗi a ma ma asaɓai. Kin da si Zhiklè te va, aman kin da kuɗi a sam na; ncin na, a cèʼa.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Esaie 57:4

Kin ngwossaha wa? Kin livka wa? Ta yeka kinè te mali ka ɓi ɗè? Kinè wudahi ncèkèlma.

Esaie 58:6

Njèkè skwi nʼndi man ambahayè aranta ka ɓi dè: Man ka pra ta cèlèlèu a ndohi man ta par ta ambalai; ka proko ta wof nkelawa auda te daʼai, ka proko ta ndohi man ta ɓurte ta, a ka paslko ta wof nkelawa te daʼai tèlèba auda.

Esaie 59:1

Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Esaie 59:13

Nga suna, nga lèɓèslɓai, nga cèkèlma a géɗ Ndo nzi pèc pècèk, nga jèkeda Zhiklè nga, nga hur skwi shèwa, a ngi rai, nga cko ncèkèlma auda te ndav nga.

Esaie 65:24

Ga ta bahayè, i woya a i mbeɗa ta a ma. Ta gèɗè dai, i tsena ma.

Lamentations de Jérémie 3:57

Aman i baha ka, ka zhè ndul ndul, ka gada: Ka gu zlau ɓai!

Ezéchiel 13:8

Gar haha Bi Zhiklè a gaɗa: A géɗ man kin hadka ma nʼngwèdè ndo, a kin rka skwi ncèkèlma, a vava i gi a mayam kinè.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Lèv. 6:5

Vogwa da mbatsahi bai, da vatsa pèc pècèk a prèk a prèk ndo mvi skwi a Zhiklè da peda shègwa a pa, da ɗesla na skwi man a ndara na Zhiklè a gèɗ, da feda mbeza skwi man a va na Zhiklè te pombai, a géɗ vogwa.

Zacharie 10:2

Théra-phimhai ta gèɗè ma ambalai; ndohi mpi kwa ta cèkèlma. Ta tsena te nshunè, a ta bid ta ndohi a ma ambalai. Te deɓaʼa ndohi ta slambaɗa, a to do a ta zlak ta ara tambakihai, te man ndo nwar ta azɓai.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.