Esaie 58:2 - Ma Zhiklè

² Ta woy iyè lèk-lèk, a ta woy a ta sun civèɗ ga. Ara ndohi man ta gi skwi nzuraʼa, a ta jèkeda ma kita Zhiklè ɓai, ta jhèɗè ma kita nzuraʼa a sam ga; ta woya aman Zhiklè a herda ta va.

Esaie 58:2 ပူးပေါင်းရင်းမြစ်များ

Psaumes 119:15

I hérèʼa a gèɗ ma nkwèr ngaya, a i pi di a civèɗ ngaya.

Psaumes 119:151

Ndo nzi pèc pècèk, ka zhè ndul ndul. Ma nkwèr ngaya tèlèba, ma nzuraʼa.

Psaumes 119:87

Njèkè kèshkata arta zedyè tʼherkeda. Aman iyè, i jèkeda ma-bi ngaya ɓai.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Esaie 1:28

Aman ndohi man ta tsena gèɗ ɓai, a ndohi mali tèlèba, ta gedas ta. A tengaʼa man ta jèkeda Ndo nzi pèc pècèk, ta zi ta.

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 29:13

Bi Zhiklè a gaɗa: A géɗ man ndohi haha ta herdekay va a ma, a ta slébèrdyè a tapidaf ma ambalai, aman ndav tengaʼa dra a sam ga, a ta gi zlau ga ara man ndohi ngiɗè ta njè ta genè,

Esaie 42:20

Ka pu di a skwi kumba: aman ka rka skwa ɓai. Ka fu zlembaɗ, a ka tsena ɓai.

Esaie 57:12

I woya a i ngredè ngi-zura ngaya a mizlinè ngaya auda. Mʼmbèh skwi ngaya a takaha ka azɓai.

Esaie 57:3

Aman kinè, wud ngwoz ngwozla, verzi ndohi mphömè, verzi fali dam, vo-washkè!

Esaie 59:13

Nga suna, nga lèɓèslɓai, nga cèkèlma a géɗ Ndo nzi pèc pècèk, nga jèkeda Zhiklè nga, nga hur skwi shèwa, a ngi rai, nga cko ncèkèlma auda te ndav nga.

Jérémie 42:2

a ta gaɗa na Jérémie, ndo nhadka ma: Nga tsa ka rai, dzhoɗo Ndo nzi pèc pècèk, Zhiklè ngaya, a géɗ nga, a gèɗ njèkèdia tèlèba; aman nga kètè genè te va ndohi kumba, ara man ka ba ka rka a di ngaya.

Jérémie 42:20

Va-suna, i ngreda kinè a patsna! Aman kin geda a géɗ kinè, aman kin zlindyè a sam Ndo nzi pèc pècèk, Zhiklè kinè, a kin gaɗa: Tsu ri a Ndo nzi pèc pècèk, Zhiklè nga, da ngra nga skwi man nga da giaʼa.

Jérémie 7:10

te deɓaʼa kin shkè, a kin zlècè a sam ga te gi haha, man ta bèhè nzlembaɗ ga, a kin gaɗa: Nga mbel nga!

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Ezéchiel 20:3

Ka ndo, gaɗa ta ndohi Israel nhalaʼa ar haha: Bi Zhiklè a goɗ ar haha: Kin shkè a kin dzhadyè dè? Ara man a vava i zhè, i woya aman kin dzhadyè bai, Bi Zhiklè a gaɗa.

Amos 5:18

Wobau a géɗ tengaʼa man ta woy pats kita Ndo nzi pèc pècèk a shkè. Pats Ndo nzi pèc pècèk a takaha kinè te mè?

Marc 12:14

A ta shkè, a ta gaɗa na: Ndo njèngè ma, nga suna, ka ndo nzuraʼa, ka gi zlau ndo azɓai, ka ɗèl ndo te di ka ɓai, ka njè civèɗ Zhiklè zuraʼa. Amba aman ta pa na budu a bi ɗè? Sei nga pa na ndèzl ɗè, ɗè nga pa na ɓi ɗè?

Marc 6:20

Hérode a gi zlau Jean, a suna, Jean ndo nzuraʼa, ndo nkezlaʼa. A Hérode a ɓerèʼa. Aman a ntsena ma nengaʼa, a sun skwi man a gia ɓai, ma Jean ambaha a vata.

Jean 5:35

Nengaʼa skwi nhél sam nday-ndayaʼa. A kin woy a kin wuffè nʼnzi kètè a sam man a helaʼa.

Titus 1:16

Ta gaɗa, nga sun Zhiklè, aman te skwi man ta giaʼa, ta ngwè-dèʼa. Tengaʼa ndohi man ta ndara na Zhiklè, a ta fi gèɗ a ma nengaʼa azɓai, a mizlinè man amba ko staɗ ta slaha a ta gia ɓai.

Jacques 4:8

Va-herda na va a Zhiklè, a nengaʼa a di a herdeka kinè va. Va-pana ri kinè, kinè ndohi malai, va-tila ndav kinè, kin ndohi nʼngwèdè ndo!