Esaie 57:17 - Ma Zhiklè

¹⁷ I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Esaie 57:17 ပူးပေါင်းရင်းမြစ်များ

Ecclésiaste 6:9

Dara skwi man ka rka a di ngaya, a géɗ skwi man ka jum te gèɗ. Nengaʼa skwi ambalai, nara nhi a gerzi kozlar.

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 2:7

Te kokwar tengaʼa verzhègenè a guro a zhè a vata, skwi mèshèlè tengaʼa a ndev ɓai. Plèshi kumba te kokwar ta, a kiki var a ngrè azɓai.

Esaie 42:24

A mva na Jacob a ri a metsarhai; a Israel a ri a ndohi nhelama ta skwi, wa? Ndo nzi pèc pècèk ka ɓi ɗè, man ta gu mali a sam na, man kin woy a kin dè a civèɗ nengaʼa ɓai, kin tsena ma kita nengaʼa ɓai.

Esaie 45:15

A vava ka Zhiklè nʼnghedaʼa, Zhiklè Israel, Bi mʼmbel ndo.

Esaie 56:11

Tengaʼa kdadihai man mi a gudèma ta gèɗ, a skwi nʼndi a ngeza ta azɓai. Tengaʼa ndohi mɓer skwai man ta slaha ta tsena skwi ɓai, ngiɗè a dè a civèɗ na, ngiɗè a civèɗ na, staɗ staɗ ta hèsh skwi ta, tèlè ta lèmèlèmè.

Esaie 64:9

Kokwar-hi ngaya nkezlaʼa ta ngwode ta a hèshèkèɗ, Sion nʼnde na hèshèkèɗ, Jérusalem a diki kokwar.

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 22:17

Aman ka, ka pi dai a ka pi ndav ngaya a mali genè, aman ka keɗa ndo man a nga mali ɓai, ka ga ta matakwan, ka ga ta shèwa.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 51:13

Ka man ka nza a ma woyam mbiaʼa, man skwi mèshèlè ngaya a ndev ɓai, nʼndikèma ngaya a mshkè ma, mali ngaya nrufa ma!

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Jérémie 8:6

I fu zlembaɗ, i tsenaʼa: aman ta cèkèl ma. Ndo man a nhur shèwa na, a gaɗa: i ga mè! nʼazɓai. Ko wawa a hi a ma ara plèsh man a hi a var.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Luke 12:15

A ngaɗa ta ndohi tèlèba: Va-rkaʼa, va-gu maya a ntétékè skwai. Ndo a nzi a nshèffè azɓai, a géɗ skwi man a ngotso kumba.

Colossiens 3:5

Gar haha va-keɗa na gèɗ a hai a skwi herkeda haha: mphömè, skwi nlizhèʼa, mi skwi ambaɓiaʼa, ntétékè, ndo man a wèr va na genè (nara mʼmbèh skwai);

1 Timothy 6:9

Tengahi man ta woy a ta ndi a ndohi mèshèlè, ta kèlèhi a skwi man a pe ta a wi tsaɗ tsaɗ, ta kèlèhi a gadda, a ntétékè man ambaɓi tsaɗ tsaɗ, man a gedas ta ndohai, a zede ta.

2 Peter 2:14

Ta cèkè di a fali ngwoz, mali a ngeza ta azɓai. Ta bid ta ndohi man wuɗi ta azɓai, a ta gedas ta. Ntétékè sulai ntilda va a ndav ta. Ma mphomdaʼa man a Zhiklè a zhè a géɗ tengaʼa.

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.