Esaie 57:16 - Ma Zhiklè

¹⁶ I woya a i gi ndav a mèdèp azɓai, i verslè a mèdèp azɓai, man ɓai a fena wuɗi ndohi man i ge ta, a mèzhèɓ tengaʼa a mbats na.

Esaie 57:16 ပူးပေါင်းရင်းမြစ်များ

Genèse 6:3

Ndo nzi pèc pècèk a ngaɗa: Mèzhèɓ ga da nza a sam ndo ara mpèc pècèk ɓai, te man ta hér skwi ndo. A nshèffè ndo da gu mvi 120.

II Samuel 24:16

Aman David a nrka gol Zhiklè man a bèzlè ndohai, a ngaɗa na Ndo nzi pèc pècèk: Na haha, mali ga. Iye i gau skwi ambaɓiaʼa. Aman rèwè ndohi haha a ge mè? Ri ngaya da kedyè, a ndohi gi bab ga! Aman gol Zhiklè a ntarda ri a géɗ kokwar Jérusalem, a woya a ngédèshèʼa, Ndo nzi pèc pècèk a mhur ngiɗè tsaɗ a géɗ matakwan, a ngaɗa na gol Zhiklè man a mbazl ta ndohai: Dèʼa! Mendkoɗi ri ngaya a deɓa! Gol Ndo nzi pèc pècèk a zhè a sam hedak Aravna, ndo Jébus.

Job 12:10

Nshèffè ndohi tèlèba te ri na, mèzhèɓ ndohi tèlèba te ri na.

Psaumes 85:5

Zhiklè, ndo mʼmbel nga, til nga zaʼa, ndav da dza ka a géɗ nga ani asaɓai!

Ecclésiaste 12:7

a ngi zlau a géɗ skwi man a zhè te géɗèʼa, skwi mpra ka zlau a va a zhè a civèɗ; a wof a wurzhè; a dzari amba nhi ɓai, nfersi a jèn ɓai,

Esaie 27:8

A versl ma a nengaʼa aranta: a nkwolaʼa, a ndzawaʼa, a ndzaraʼa ara kozlar mbiaʼa man a nslambaɗa te verzi gai.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 42:5

Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Esaie 64:8

Ndo nzi pèc pècèk, ka gu ndav holhola ɓai! Ka hur mali ga a mèdèp ɓai! Na haha, nga tèlèba ndohi ngaya. Ka hur mali nga a mèdèp ɓai! Na haha, nga tèlèba ndohi ngaya.

Jérémie 10:24

Ngatsay maya, Ndo nzi pèc pècèk! Aman zuraʼa, a ndav ka ɓai; man ɓai i gedassa a mèdèp.

Jérémie 3:5

A da dza ka a ndav lèk lèk dè? Ka da gi ndav dekɗekaʼa dè? Ka gèɗè ar haha; te deɓaʼa ka gi skwi ambaɓiaʼa; ka gu skwi ngaya tèlè!

Jérémie 38:16

Bai Sédécias a mʼmbaɗa na Jérémie a metsar, a ngaɗa na: Ara man Ndo nzi pèc pècèk a zhè, man a mva nga nshèffè, i da keɗ ka azɓai, i da fe ka a ri a ndohi man ta woy a ta zeda nshèffè ngaya azɓai.

Ezéchiel 18:4

Na haha nshèffè ndohi tèlèba a ga: nshèffè bab kra, a nshèffè kra, ta a ga. Ndo man a gi malai, sèi a metsi na.

Amos 1:11

Ndo nzi pèc pècèk a goɗ ar haha: A géɗ mali kokwar Edom man a gi makar, a gi faɗ, i méndè kita a deɓa azɓai, a géɗ man a ndzama kramam na a tsakwal, a nsa te va ɓai, a ngu ndav pèc pècèk, a njèka shèwa ɓai, nte ndav na a mèdèp.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Zacharie 12:1

Ma Ndo nzi pèc pècèk a géɗ Israel. Ndo nzi pèc pècèk, man a wuzhè giɗfèk, a gu herkeda, a vi mèzhèɓ a ndav ndo, a goɗ ar haha:

Nombres 16:22

Aman ta kalahi a deɓ sak nengaʼa, a ta gada: Zhiklè! Zhiklè man ka vi nshèffè a ndo tèlèba. A géɗ man ndo staɗ a ngau malai, ka gi ndav a géɗ mpi ndohi tèlèba dè?

Hébreux 12:9

Ara man nga ngots bab nyeka nga, man a ndah nga, a nga gu zlau nengaʼa, nga mèndè gèɗ a hai holholaʼa a sam Bab Zhiklè azɓi ɗè, a nga nzi a nshèffè?