Esaie 57:15 - Ma Zhiklè

¹⁵ Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 57:15 ပူးပေါင်းရင်းမြစ်များ

Genèse 21:33

A Abraham a ngeda wof a pa te Beer-Shéba, a ntsi ri a nzlembaɗ Ndo nzi pèc pècèk a pa, bi Zhiklè man a nzi a mèdèp.

I Rois 8:27

Aman a vava Zhiklè a da nzi a sam ndohi tʼherkeda dè? Ko sam te giɗfèkihai, kala a géɗèʼa, a slra ka ɓai, azɓa gi man nga rama ka haha dè?

II Chroniques 34:27

A géɗ man ka huro, a géɗ man ka manda gèɗ a hi a sam Zhiklè, a ka tsena ma nengaʼa, a géɗ sam haha, a géɗ ndohi nengaʼa, a ka manda gèɗ a hai, a ka kuratsa maslaka ngaya, a ka kuɗi a sam ga, iyè ba i tsenaʼa, Ndo nzi pèc pècèk a gaɗa.

Job 22:29

A manda ta gèɗ a hi a ndohi nfi va; ndohi man ta kalda di ta a hai, a takaha ta.

Job 6:10

Aman aranta skwi mbidyè a zhè, a i wuffè, ko skwa a ndzayè a vata, a géɗ man i tsakala ma a géɗ Zhiklè nkezlaʼa ɓai.

Psaumes 111:9

A nzlinda skwi mpil gèɗ a ndohi na, a mva ta nderzlè-ma nengaʼa a mèdèp. Nzlembaɗ nen-gaʼa nkezlaʼa, mwuɗitpa.

Psaumes 115:3

Zhiklè nga a zhè te zhiklè te géɗèʼa, skwi tèlèba man a woyaʼa, a giaʼa.

Psaumes 123:1

Dimèsh ndè a gi Zhiklè. I ced gèɗ a zhiklè, a i pi di a ka a sam nʼnzi bi ngaya.

Psaumes 138:6

Ndo nzi pèc pècèk a zhè te géɗèʼa, a paka di a hai, ko dra, a sen ta ndohi nfi va.

Psaumes 138:7

Aman i te va nhér gèɗ, ka vay wuɗai, ka kutèka ta rai a di a mayamhi ga, ri mandi ngaya a takahayè.

Psaumes 147:3

Nengaʼa man a menda na wuɗi a pa a ndo man ndav na a mbeɗè, a mènè mblè tengaʼa.

Psaumes 34:18

Aman ta bèhè, Ndo nzi pèc pècèk a tsenaʼa, a mbel ta te ri skwi tengaʼa mwuɗitpa tèlèba.

Psaumes 34:19

Ndo nzi pèc pècèk a zhè ndul ndul a sam ndohi man ndav ta a mbeɗè, a taka-ha ta tengaʼa man ta kuɗi te ndav.

Psaumes 51:17

Bai, Zhiklè, winè tapiɗaf ma ga, a i njè ma nʼnjèl ngaya a ndohai.

Psaumes 51:19

Skwi man Bi Zhiklè a woyaʼa, ndo man a manda gèɗ a hai. Ndav man mʼmbeɗ na, ka Bi Zhiklè ka kwolè az-ɓai.

Psaumes 83:18

Sèi ta ngècè hori a dai a ta gi zlau a mè-dèp, gèɗ ta ndzakaɓa a ta gedas ta!

Psaumes 90:2

Aman za az di ɓai, a herkeda a skwi herkeda az di ɓai, te nhinkaɗ na ka Zhiklè ka zhè, pèc pècèk a ma ma ba a mèdèp.

Psaumes 93:2

Tʼhinkaɗ nasam nʼnzi bi ngaya nʼngaʼa, ka zhè zlèzlèa, sam nhin ngaya azɓai.

Psaumes 97:9

Aman ka Ndo nzi pèc pècèk, ka zhè a gèɗ herkeda tèlèba, ka mbiaʼa a fena zhiklèhi tèlèba.

Psaumes 99:3

Sèi ta slébèrdè nzlembaɗ ngaya mbiaʼa, mwuɗitpa, nkezlaʼa!

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 15:13

Ka de ta ndohi man ka praka ta auda, te pombai, ka de ta a sam nʼnzi ngaya nkezlaʼa a wuɗai.

Exode 15:18

Ndo nzi pèc pècèk a gi bai a mèdèp.

Exode 40:34

A vanai a nʼnza a géɗ gi nkezlaʼa, a nʼnjèl Ndo nzi pèc pècèk a nʼndha gai.

Exode 40:35

A Moise a slaha a ndè agi nkezlaʼa bai, aman vanai a nʼnza a géɗ gai, a nʼnjèl Ndo nzi pèc pècèk a nʼndha gai.

Proverbes 16:19

Dara man nga manda gèɗ a hai a nda mbelawahai, a géɗ man nga kezla skwi man ndohi nfi va ta ɓüco.

Proverbes 8:23

A giyè tʼhinèkaɗ na, te nhinèkaɗ skwai, ga herkeda a zhè.

Esaie 18:4

Aman Ndo nzi pèc pècèk a ngaɗayè aranta: A sam man i zhè a pa, i nza ga nshèffaʼa, a i pi dai, ara pats a vècè, ara minmèn man a gi te ndev ntsi dau.

Esaie 33:5

Ndo nzi pèc pècèk mbiaʼa, a nzi te zhiklè te géɗèʼa, a ndha Sion a ngi-zuraʼa, a kita zuraʼa.

Esaie 40:28

Kin sun ɓi ɗè? Kin tsena ɓi ɗè? Ndo nzi pèc pècèk, Zhiklè a mèdèp, nengaʼa man a gu verzi herkeda tèlèba. A ngézhè azɓai, ntulè a keɗaʼa azɓai, maya nengaʼa a hi ara iyam te woyam.

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 6:1

Te mvi man bi Ozias a mʼmets na, i rka Bi Zhiklè a nza a géɗ sam nʼnzi mbiaʼa te géɗèʼa; ma maslaka man a va nengaʼa a nʼndha gi Zhiklè.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 63:15

Paka di te zhiklè, te gi ngaya nkezlaʼa, nʼnzalaʼa, a herkeda! Srak ngaya tema, wuɗi ngaya tema? Mwoy-ndo ngaya mbia tema? Nga se ka te va azɓi ɗè? Nga da se ka te va genè!

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Lamentations de Jérémie 3:41

Ngo-vokoy ndav nga a nda skwi man nga va na Zhiklè te zhiklè te géɗèʼa.

Ezéchiel 16:63

Aman i da pra ka mali tèlèba man ka gau, ka da hérèʼa; hori a da keɗ ka a pa, ka slalia ka winè ma azɓai, Bi Zhiklè, Ndo nzi pèc pècèk, a gaɗa.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Daniel 2:11

Skwi man bi a jhèɗèʼa, bav a pa, ndo ngiɗè a slaha a ngreda na bi azɓai, sèi zhiklèhai; aman tengaʼa ta az a sam ndohi tʼherkeda ɓai.

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Joel 2:13

Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Zacharie 2:13

Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 6:9

Ani haha sèi kin tsi ri arsa: Bab nga, man ka zhè te zhiklè te géɗèʼa.

Luke 1:49

Aman Zhiklè wuɗi tèlèba a ngu skwi mbiaʼa a sam ga. Nzlembaɗ nengaʼa nkezla.

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

Actes 3:14

Aman kin tsokol ma a géɗ ndo man Zhiklè a nkezlaʼa, ndo nzuraʼa, a kin dzhoɗo, aman ta va kinè ndo nkeɗ ndo.

Romans 1:20

Skwi Zhiklè, man ndo a slaha a nrka a di ɓai, ara wuɗi nengaʼa a mèdèp, ara ngi nengaʼa, ndo a shinè daga ngakaɗ herkeda, te skwi man Zhiklè a ngau. Gar haha Bi Zhiklè a jèke ta azɓai.

2 Corinthians 1:4

man a bid nga te skwi nga tèlèba man wuɗitpa, a géɗ man nga slaha a nga bid ta tengahiaʼa ngiɗè te deɓaʼa ba, te skwi tengaʼa tsaɗ tsaɗ man wuɗitpa, a skwi man Zhiklè a bid nga a vna.

2 Corinthians 2:7

Anai sèi kin pra na malai, a kin bidèʼa. Da kuɗau holholaʼa, ha a fena wuɗi na ɓai.

2 Corinthians 7:6

Aman mshkè Tite, Zhiklè a bid nga, ara man a bid ta ndohi man ta zhiɗè ta gèɗ a hai.

Deutéronome 33:27

Zhiklè man a zhè a mèdèp, sam nlèaʼa; a ri man ta nzi a mèdèp tʼhwaɗaʼa. A dzama ndo mayam auda a ma ngaya, a ngaɗa: Ngedassa!

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

Jacques 4:6

Aman pombi man a va nga, mbiaʼa holholaʼa genè. Ɗèlèwèr Zhiklè a gaɗa: Zhiklè a sassaya ndav a sam ndohi nfi va, aman a va ta pombai a ndohi mʼmanda gèɗ ta a hai.

1 Peter 5:5

Lèmèlèmè kinè golahai, va-manda gèɗ a hai a sam babgihai. A vava, kin tèlèba, va-manda gèɗ a hai a sam tèlèba! Aman Zhiklè a sassaya ndav a sam ndohi nfi va, a va ta pombai a ndohi mʼmanda gèɗ ta a hai.

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.

I Samuel 2:2

Nkezlaʼa gar Ndo nzi pèc pècèk, nʼazbai. Ngiɗè azɓai, sèi ka. Sam gedeng-gedengaʼa ngar Bi Zhiklè nga, azɓai.