Esaie 57:13 - Ma Zhiklè

¹³ Aman ka bèhè, ta mbel ka azɓai. Kozlar a hel ta ma, a venda ta gèɗ. Aman ndo man a pi ndav a iyè, a ndi herkeda, a ngècè za ga nkezlaʼa.

Esaie 57:13 ပူးပေါင်းရင်းမြစ်များ

II Rois 3:13

Elisée a ngaɗa na bi Israel: Nga gakaɗa ka mè? Do a sam ndohi nhadka ma bab ngaya, a sam ndohi nhadka ma mam ngaya! Bi Israel a ngaɗa na: Aʼai! Aman Ndo nzi pèc pècèk a mbaha ta bihi makar haha, aman a mpa na a ri a Moab dè?

Job 21:18

Sak ngama man a zede ta ndohi malihi a ndav, a ta gi ara kuza man kozlar a hilèʼa, ara topok dau man ndombozlor a cèʼa?

Psaumes 1:4

Aman ndohi ambaɓihiaʼa ta az aranta ɓai. Tengaʼa ta ara topok dau, man kozlar a ksardaussa.

Psaumes 118:8

Dara man nga gshè va a Ndo nzi pèc pècèk, a géɗ man nga gshè va a ndo.

Psaumes 125:1

Dimèsh ndè a gi Zhiklè. A Tengaʼa man ta pi ndav a Ndo nzi pèc pècèk, ta ara za Sion man a gidè va azɓai.

Psaumes 37:11

Aman ndohi a ndav lüɓok-waʼa ta da ndi kokwar, a ta da wuffè a géɗ gumi man a zhè a vata.

Psaumes 37:22

Aman ndohi man Ndo nzi pèc pècèk a pshè ta ma, ta ndi kokwar; ndohi man Zhiklè a phomde ta, ta zi ta.

Psaumes 37:29

Ndohi nzuraʼa ta da ndi kokwar, a ta nzi te pa a ma ma a mèdèp.

Psaumes 37:3

Pu ndav a Ndo nzi pèc pècèk, gau skwi man amba, nza a kokwar ngaya, nza a nlèbèslè.

Psaumes 37:34

Zhor Ndo nzi pèc pècèk, gso civèɗ nengaʼa, a nengaʼa a da nzal ka, a ka kwèr herkeda. Ka da rka ara man ndohi ambaɓihiaʼa ta gédèsh ta.

Psaumes 37:9

Ndohi man ta gi skwi man ambaɓai, ta zi ta, aman ndohi man ta zhèr Ndo nzi pèc pècèk ta da ndi kokwar.

Psaumes 58:9

Ara nzerɗaɗau man a hi te va nzerɓakai, ara skwi man ta mön mʼmènè, nshèffè a te pa ɓai.

Psaumes 84:12

Aman Ndo nzi pèc pècèk, Bi Zhiklè, nengaʼa nʼngaʼa a gi ndakmaʼa, a gambar. Ndo nzi pèc pècèk a vi pombai a nʼnjèlè; a tengaʼa man ta nzi jèlèlèa a va ta manam.

Proverbes 28:25

Ndo mwoy skwai a bidko mbèzl va; aman ndo man a pi ndav a Ndo nzi pèc pècèk, a ngézhè hwaɗ na.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 14:32

Ta da mbeɗa na a ma a ndo sak tengaʼa a ma mè? Ndo nzi pèc pècèk a ngau Sion. A mbelaw ndohi te va ndohi na ta da hi a pa.

Esaie 25:4

Te va nasa ka sam nlèaʼa man a ndohi man wuɗi ta azɓai; sam man mbelaw ndohai ta nghédè va te nlèyè ta; sam man ta nzi a hwaɗaʼa a pats man iyam a gai; sam mèzhèɓ man pats kumba: Aman ndohi ta vèɗ htsan, nara iyam man a vèckaɗa a viaʼa,

Esaie 40:24

Ta ge ta a patsna; ta zlekau a patsna, ta tsau zluzlor tʼherkeda. Aman a ftè ta, ta gwor ta, ndombozlor a hel ta a ma ara koskosai.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 45:20

Va-ɓica va, vo-washkè, kin tèlèba! Va-herdeka va, kin njèkèdia ndohi herkeda man kinè a zhè a nshèffè dai. Tengaʼa man ta shèwèlè a vri te rai, man ta tsi ri a zhiklè mbèh skwai man a mbel ta azɓai, ta sun maya ɓai.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 65:11

Aman kinè man kin jèkeda Ndo nzi pèc pècèk, man za ga nkezlaʼa mpca kinè a gèɗ, man kin va na skwi nʼndi a Gad, a kin ndha kokwi a kin va na Meni,

Esaie 65:25

Kokoya a tambak ta war ta a sam staɗ, a marizhèlè a ndi ksof ara zlè. Aman zhüzhok a nèkèdè lokotor. A gèɗ za ga nkezlaʼa tèlèba, ta da gédèshè skwi azɓai, tagi mali azɓai, Ndo nzi pèc pècèk a gada.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Jérémie 22:20

Do za Liban, a ka gu wobau, boho a géɗ Basan! Gu wobau a géɗ za Abarim! Aman ndohi tèlèba man ta woy ka, ta gedas ta ma.

Jérémie 22:22

Ndohi nwèr skwi ngaya, kozlar a da hel ta ma; a ndohi man ta woy ka, ta da gi ɓèlè. Te deɓaʼa ka ngècè hori a dai, gèɗ ngaya ndzakaɓa te ri mali ngaya tèlèba.

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Ezéchiel 20:40

Aman a géɗ za ga nkezlaʼa, a géɗ za Israel mbiaʼa, ndohi Israel tèlèba ta da gi mizlinè ga, Bi Zhiklè a gaɗa. Te pa i woy a i ce kinè a i jhèɗè skwi man kin ckoɗauda a kin vayè, tsuvom skwai a skwi kinè nkezlaʼa tèlèba.

Osée 13:3

Gar haha sèi ta ndi lèmèlèmè ara vani prèk, ara minmèn man a wush na, ara topok dau man kozlar a cedama a ma hedak,

Joel 3:17

Kin da suna, i Ndo nzi pèc pècèk, Zhiklè kinè, man i zhè te Sion, za ga nkezlaʼa. Jérusalem, kokwar nkezlaʼa, ndo nte deɓa a da bizhè a pa azɓai.

Zacharie 7:13

Aman a mboho, tengaʼa ta fa zlembaɗ ɓai, Zhiklè bi mbiaʼa a gaɗa. Lèmèlèmè tengaʼa ta bèhè antanta, a iyè, i fi zlembaɗ azɓai.

Juges 10:14

Vo-do, a kin kuɗau a sam zhiklèhi man kin ngotso a ri kinè. Tengaʼa da mbel kinè a pats matakwan kinè!