Esaie 56:8 - Ma Zhiklè

⁸ Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Esaie 56:8 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Psaumes 147:2

Ndo nzi pèc pècèk a da dadaya Jerusalem zaʼa, a da helka ta ndohi Israel a deɓa zaʼa.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:22

Zhiklè Ndo nzi pèc pècèk a goɗ ar haha: I kutèka ta ri a ndohi nte deɓa, i zlècèdè skwi man ndohi herkeda ta senyè te pa; wud ngurhi ngaya ta paka ta a ndav; dalahi ngaya ta manka ta a ba.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 54:7

I jèke ka nʼnzi kètè; aman i da cka ka a deɓa, ka siyè te va kumba.

Jérémie 30:17

I da va ka madzaf, i da til mblè ngaya, Ndo nzi pèc pècèk a gaɗa, ka Sion man ta baha ka ‘ndzamaʼa’ – ‘nengaʼa man ndo a hérè azɓai’.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Ezéchiel 34:12

Ara man ndo mɓer skwai, a wèr rèwè na a pats man iyam a ndombozlor a shkè, man tambakihi na ta ksar ta, i woya a i ɓer tambakihi ga, a i mbalka ta a deɓa a sam tèlèba man ta ksar ta a pa, a pats man vani a zhè, a pats ruva.

Michée 4:6

A pats nasa, Ndo nzi pèc pècèk a gaɗa, i da ɓic ta ndohi vedal, a i ɓic ta tenga man ta venda gèɗ ta, a tenga man i ga ta matakwan.

Jean 10:16

A i ngots tambakhi ngiɗè, ta tʼhwaɗ zlazlar haha di ɓai. Tengaʼa sèi i lèka ta a haha, a ta tsena daʼai ga, a ta gi a rèwè staɗ, a ndo mɓer ta staɗgenè.

Jean 11:52

a gèɗ ndohi Juif genè ka ɓai; aman a da ɓic ta ndohi Zhiklè tèlèba man ta venda gèɗ ta.

Jean 7:35

A ndohi Juif ta goɗ a va ta: Nengaʼa a da dè ma, a nga ngècè azɓai? A woya man a dè a sam ndohi man ta venda gèɗ ta, a sam ndohi Grec, a njè ta ndohi Grec dè?

Ephésiens 1:10

A da rufaʼa, aman a mɓica tèlèba te Kristi, ko skwi te zhiklè te géɗèʼa, ko skwi a géɗ herkeda.