Esaie 56:10 - Ma Zhiklè

¹⁰ Ndohi mɓer ndohi ga ta tèlèba mandazlihai, ta sun skwa ɓai. Ta tèlèba kdadihai man ta winè ma azɓai, ta slaha ta bkwè ɓai. Ta nzi zumbutaʼa, ta manahai, ta woy ta nzhun ta.

Esaie 56:10 ပူးပေါင်းရင်းမြစ်များ

II Rois 12:6

Aman Joas a ngu bi te mvi 23, ndohi mvi skwi a Zhiklè ta tül skwi ngedassaʼa te gi Zhiklè di ɓai.

Esaie 29:10

Aman Ndo nzi pèc pè-cèk a mva kinè Mèzhèɓ a ndav, a mpa kinè nzhunè a di tsektskaʼa, a ndèma ta dai a ndohi nhadka ma a ndohi nwèr skwai.

Esaie 29:9

Va-pu di ndèzlèʼa, va-rzl kinè, va-nde kinè a mandazlai, kin rka di ɓai! Skwi ngiɗè da zedama kinè maya, zom ka ɓai! Vo-do dzaw-dzawaʼa, a géɗ zom man a keɗ kinè ka ɓai!

Esaie 52:8

Tsenaʼa, ndohi mɓer kokwar ngaya ta hin mbèhè, ta guzlai, aman ta rka a di ta, ara man Ndo nzi pèc pècèk a shkè ngwai a Sion.

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Lamentations de Jérémie 4:14

Ta bez ta zlawa a civèɗ ara mandazlihai, pombaz a ri ta, ndo a slaha a nlama na maslaka tengaʼa ɓai.

Ezéchiel 13:16

Ndohi nhadka ma Israel, tengaʼa man ta hodko ma a géɗ Jérusalem, a ta rka gumi nengaʼa te nshunè, aman gumi azɓai, Bi Zhiklè Ndo nzi pèc pècèk a gaɗa.

Ezéchiel 33:6

Aman ndo mɓer kokwar a rka tsakwal, a tsi tolom azɓai, a ngra ta ndohi azɓai, a tsakwal a keɗa ndo ngiɗè, ndo sa a metsi na a gèɗ mali na; aman i da jhèɗè nshèffè nengaʼa te ri ndo mɓer kokwar.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Nahum 3:18

Bi Assur, ndohi mɓer skwi ngaya ta nzhuna; bihi sojè ngaya ta nzhuna; ndohi ngaya ta ksar ta te za, ndo mɓic ta azɓai.

Matthew 15:14

Va-jèke ta, tengaʼa ndohi ncè ta ma mandazlihai, man ta rka di ɓai. Aman mandazlai a fidè ma mandazli ngiɗè, cèw, ba ta da wushè a vèvèɗ.

Philippiens 3:2

Va-gu maya a kdadihai, va-gu maya a ndohi mizlinè ambaɓihiaʼa, va-gu maya a ma nʼngél ngwon ncèkèlma.