Esaie 56:1 - Ma Zhiklè

¹ Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Esaie 56:1 ပူးပေါင်းရင်းမြစ်များ

Psaumes 106:3

Mwuffè a sam tengaʼa man ta jèjèr ma kita, man ta gi skwi nzuraʼa pèc pècèk.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Psaumes 85:9

I woy a i tsena skwi man Ndo nzi pèc pècèk Zhiklè a gaɗayè. A mpasla ta ri gumi ahai andohi na, a ɓèlèlihi na, a tengaʼa man ta ngwodko ndav ta a sam na.

Esaie 33:5

Ndo nzi pèc pècèk mbiaʼa, a nzi te zhiklè te géɗèʼa, a ndha Sion a ngi-zuraʼa, a kita zuraʼa.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 61:8

Aman iyè, Ndo nzi pèc pècèk, i woy ngi-zuraʼa, i gi shèwa a ndohi metsar. I woya a i va ta skwi ntul ta zuraʼa, a nga derzla ma nga a tengaʼa a mèdèp.

Esaie 64:5

Nga tèlèba nga ndaʼa ara skwi nlizhèʼa, ngi-zura nga ara maslaka nlizhèʼa. Nga wu-shahai ara vah wof, mali nga a nhel nga ma ara kozlar.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 12:7

Ka, sèi ka menkada deɓa a sam Zhiklè ngaya; gso va a mwoy-ndo a ngi-zuraʼa, zhor Bi Zhiklè ngaya!

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Michée 7:9

I woy a i cè ndzoan Ndo nzi pèc pècèk, te man i gu mali a sam na, ha pats man a nckay auda te kita, a ndiyè a sam skwi nhél sam, a i rka ngi-zuraʼa nengaʼa.

Mal. 4:4

Va-hur ma kita Moise, ɓèl ga, man i va na ma kita a ma nkwèr ndohi Israel tèlèba te za Horeb.

Matthew 3:2

a ngaɗa: Va-ngwode ndav kinè, aman kokwar-Bi-Zhiklè a zhe ndul ndul.

Matthew 4:17

A pats nasa, Yèsu a nhüno man a njè ta ma Zhiklè, a ngaɗa: Va-ngwode ndav kinè, aman kokwar-Bi-Zhiklè a zhè ndul ndul!

Marc 1:15

a ngaɗa ta: Tiɗè sama ma, kokwar Bi Zhiklè ndul ndul. Va-ngwoda ndav kinè, vo-co ma mbelaʼa a ndav!

Jean 7:17

Ndo man a woya a ngi skwi ara man nengaʼa a woyaʼa, a slaha a ndèlèʼa: Njè-ma haha a shkè te Zhiklè dè, dè i goɗ te ma ga dè?

Romans 1:17

Aman te ma mbelaʼa skwi nzuraʼa a Zhiklè a ngredè auda, skwi nzuraʼa man kin ngècè te ncè-a-ndav, aman kin dè a ma ma te ncè-a-ndav, ara man ta Windo: Ndo man a ngots ngi-zuraʼa, te ncè-a-ndav a da nzi a nshèffè.