Esaie 55:8 - Ma Zhiklè

⁸ Skwi man i hérèʼa, az lèmèlèmè ara man kin hérè te ndav kinè ɓai. Civèɗ kinè az lèmèlèmè ara civèɗ ga ɓai, Ndo nzi pèc pècèk a gada.

Esaie 55:8 ပူးပေါင်းရင်းမြစ်များ

II Samuel 7:19

Ko arsa a slra di ɓai, Zhiklè, Ndo nzi pèc pè-pèk; ka pasla ta ri a hai a ndohi gi ɓèl ngaya a ma ma dra, a ka ngray verzi ndohi man ta shkè a ma ma dai, Zhiklè, Ndo nzi pèc pècèk!

II Rois 5:11

A Naaman a ngu ndav, a ndo na. A ngaɗa: I huro, a da shke auda a sam ga, a da tsi ri a nzlembaɗ Ndo nzi pèc pècèk, Zhiklè na. A da lamayè va ga, a suɗayè arsa.

Job 35:5

Pu di a zhiklè, a ka wor vanai: Ta a géɗèʼa, ta fen ka.

Psaumes 25:10

Civèɗ Ndo nzi pèc pècèk tèlèba, amba, zuraʼa, a sam tengaʼa man ta gshè va a nderzlè-ma nengaʼa, a ma nkwèr nengaʼa.

Psaumes 33:11

Skwi man Ndo nzi pèc pècèk a ntildahai, a nzi a mèdèp. Skwi man a huro, a nzi dai te verzi ndohai a ma ma.

Psaumes 40:5

Mwuffè a sam ndo man a pi ndav na a Ndo nzi pèc pècèk, a ndè a verzi ndohi nfi va azɓai, a ndè a verzi ndohi ncèkèl-ma azɓai.

Psaumes 92:5

Aman ka, Ndo nzi pèc pècèk, ka vay mwuffè a ma, a skwi man ka giaʼa; i wuffè a gèɗ mizlinè ri ngaya.

Proverbes 21:8

Civèɗ ndo malai nlèwèdè nlèwèdè; a skwi ndo man a gi mali azɓai a dè zuraʼa.

Proverbes 25:3

Ara man zhiklè a zhè te géɗèʼa, a herkeda tʼhai, lèmèlèmè ndo a sun ndav bi ɓai.

Esaie 14:24

Zhiklè bi mbiaʼa a mʼmbaɗa: A vava, a gi ara man i huro, a skwi man i basla na gèɗ a vá, a zhè.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Esaie 58:13

Aman ka shèk sak ngaya a ka dè gani azɓai a pats nshèk va ga, man i kezlaʼa; aman ka wuffè a gèɗ pats nshèk va Zhiklè, a ka slébèrdè pats man Ndo nzi pèc pècèk a nkezlaʼa ara pats mbiaʼa, ka da gi skwi ara man ka woyaʼa azɓai, a ka da gi gani ngaya azɓai, ka tsi tsaval ambalai azɓai,

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Esaie 66:18

I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Jérémie 3:1

Zhiklè a gaɗa: Ndo man a kwola ngwoz na, a dè ngwoz a gi ndo ngiɗè, a slaha a ncè a deɓa a ngwoz na ɗè? Ngwoz matsa mphoma. Aman ka, Israel, ka woy baki tsaɗ tsaɗ, a ka slaha ka shkè a deɓa a sam ga dè?

Ezéchiel 18:29

Aman kinè, ndohi Israel kin gaɗa: Civèɗ Ndo nzi pèc pècèk amba zura ɓai. Ndohi Israel, civèɗ ga man amba zura ɓi ɗè? Civèɗ kinè ka ɓi dè, man amba zura bai?

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Osée 14:9

Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.