Esaie 55:7 - Ma Zhiklè

⁷ Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 55:7 ပူးပေါင်းရင်းမြစ်များ

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 15:4

Aman te va nlèyè ta menkada deɓa a sam Ndo nzi pèc pècèk, Zhiklè Israel: ta hosso, a ta ngotso.

II Chroniques 30:6

Ndohi sak to do, a ɗèlèwèr bai a tsuvomhi nengaʼa, a kokwar Israel a Juda tèlèba, a ta menda ta ma bai: Ndohi Israel, va-menkaɗa a deɓa a sam Ndo nzi pèc pècèk, Zhiklè Abraham, Isaac a Israel, a nengaʼa a shkè a deɓa a sam kinè, njèkèdiaʼa man kin mbel kinè auda te ri bihi Assyrie.

II Chroniques 33:13

A ntsu rai. A Ndo nzi pèc pècèk a nhuro, a nco ntsi ri na, a nda deɓa a kokwar Jérusalem, a kokwar-bi na. Manassé a suna, Ndo nzi pèc pècèk, nengaʼa Zhiklè.

II Chroniques 7:14

a ta da manda gèɗ ta a hai, a ta tsi rai a ta hassyè, a ta ngwodko ndav ta, a ta jèkeda civèɗ tengaʼa man ambaɓai, i woya aman i tsena te zhiklè te géɗèʼa, a i pra ta mali ta, a i mbela kokwar ta zaʼa.

Job 22:23

Aman ka manda géɗ a hi a ka ngwodko ndav a sam Zhiklè Bi-wuɗai, aman ka dzomko skwi nzura ka ɓai auda te gi ngaya,

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Psaumes 130:7

Israel da gso va a Ndo nzi pèc pècèk, aman pombi Ndo nzi pèc pècèk a zhè. Skwi mpil gèɗ malai a zhè a sam na kumba.

Psaumes 51:1

Psaume David,

Psaumes 66:18

Aman a matsa mali te ndav ga, ar Zhiklè a ntsena bai.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 1:19

Aman kin woya a kin fi gèɗ a ma ga, kin da ndi skwi gi dau kinè.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 21:12

A ndo mɓer kokwar a ngaɗa: Sam prèk, aman vaɗ dai. Aman kin woy a kin jhèɗèʼa, va-menkaɗa deɓa a kin dzhodo!

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Esaie 32:7

Skwi man nderkèzhè ndo a gi mizlinè a vna, ambaɓai. A hèsh maya nzlai, a gedas ta ndohi ntawassaʼa a ncèkèlma, ko mbelawa sa a goɗ a nzuraʼa.

Esaie 40:2

Va-gaɗa na kokwar Jérusalem, a kin pa ta ndav a pa. Va-njè ta: Mizlinè ɓèl tengaʼa a ndev na ma, mali tengaʼa mpela ma. Ta ngots kita sak cèw te ri Ndo nzi pèc pècèk, a géɗ mali tengaʼa.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 54:10

Ko za a de na a sam ngiɗè, ko der za a gidè va, aman pombi ga a shkè auda a géɗ ngaya azɓai, a nderzlè-ma gumi ga a prè azɓai. Ndo nzi pèc pècèk, man ka sia te va, a gaɗa.

Esaie 54:8

Ndav ga a nslambaɗa a ndzoan, a i ngheda va ga a ka, nʼnzi kètè; aman a pombi ga a mèdèp ka siyè te va, Ndo nzi pèc pècèk, man a mbel ka, a gaɗa.

Esaie 58:6

Njèkè skwi nʼndi man ambahayè aranta ka ɓi dè: Man ka pra ta cèlèlèu a ndohi man ta par ta ambalai; ka proko ta wof nkelawa auda te daʼai, ka proko ta ndohi man ta ɓurte ta, a ka paslko ta wof nkelawa te daʼai tèlèba auda.

Esaie 59:7

Sak tengaʼa ta hi a sam ambaɓiaʼa, ta vèshè va a nkédè ndo. Skwi man ta hérèʼa, skwi malai. A sam man ta bizhè a pa, ta jèkeda gi mʼmbeɗa, a dikai, a pa.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 3:3

A iyam a ngakaɗa herkeda ɓai, iyam nzlekai mshkè ɓai. Di ngaya di fali ngwoz, ka woy a ka gi hori ɓai.

Jérémie 4:14

Jérusalem, pana ndav ngaya te mali tèlèba, aman ka mbél ngaya! Mali man ka hérèʼa a da nzi a ndav ngaya ta ahngwa?

Lamentations de Jérémie 3:40

Ngo-worokoy, ngo-hurokoy civèɗ nga, ngo-menokoy a deɓa a sam Ndo nzi pèc pècèk!

Ezéchiel 14:6

Gar haha gaɗa ta ndohi Israel: Bi Zhiklè a goɗ ar haha: Va-ngwoda ta deɓa a vrihi kinè! Va-jèkeda skwi hori kinè tè-lèba!

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Daniel 4:27

Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Jonas 3:10

A Bi Zhiklè a nrka skwi man ta gau, aman ta menkaɗa deɓa te civèɗ mali ta, ta su Zhiklè te va, a njèkeda skwi mwuɗitpa man a woya a nzlinda ta, nʼnga ɓai.

Zacharie 8:17

Kin hur skwi man ambaɓai a géɗ nsla-magi kinè te ndav ɓai! Mʼmbèɗ ncèkèlma da ambaha kinè ɓai! Aman skwi haha tèlèba i woya ɓai, Zhiklè bi mbiaʼa a gaɗa.

Matthew 9:13

Vo-do, va-sun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

Marc 7:21

Aman te nengaʼa, te ndav ndohai, skwi ambaɓiaʼa man a héréʼa, a shkè auda: ngwoz a nguraʼa ta gi baki a dala, ta gi metsar, ta kéɗ ndo,

Marc 7:23

Skwihi ambaɓihiaʼa ar haha tèlèba ta shkè auda te ndav ndo, a ta lizhè ndo.

Luke 15:10

I gaɗa kine: Lèmèlèmè golahi Zhiklè ta wuffè a géɗ ndo mali staɗ, man a ngwèdè ndav na.

Luke 15:24

Kra ga haha, ara man a mets na ma, a nʼngots nshèffè a deɓa. A nze na ma, a i ngotso. A ta hüno a ta wuffè.

Luke 7:47

Gar haha i gaɗa ka: Mali nengaʼa mbia sa, mpraʼa. Aman nengaʼa a woy iyè a ndav a vata. Aman a ndo man ta pra na kètè, nengaʼa a woya a ndav kètè.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

Jacques 1:15

Te deɓaʼa, aman ntétékè a nʼnga na, ntétékè a yi malai. Te deɓaʼa, man malai nʼngaʼa ma, a dè ma a mʼmetsai.