Esaie 55:3 - Ma Zhiklè

³ Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.

Esaie 55:3 ပူးပေါင်းရင်းမြစ်များ

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

II Samuel 23:5

Gi ga a sam di Zhiklè arsa. Nengaʼa a mpaslay ri a hai a mèdèp, ntila mbelembela tèlèba, a nengaʼa a ɓerèʼa; a nengaʼa a gi a skwi tèlèba a gi a skwi mʼmbelyè a skwi man ambahayè.

II Samuel 7:29

Gar haha mpshè na ma a gi ɓèl ngaya, a ndohi gi nengaʼa da nza a mèdèp. Aman ka, Bai, Ndo nzi pèc pècèk, ka goɗo. Te mpshè ma ngaya, gi ɓèl ngaya a nʼngots mpshè ma a mèdèp.

II Chroniques 6:42

Ndo nzi pèc pècèk Zhiklè, ka kwola ndo ngaya man ka bada na mbar a gèɗ ɓai, hur pombai man ka va na David, ɓèl ngaya!

Psaumes 119:112

I ngalda ndav ga pèc pècèk a civèɗ ma ngaya man a de nga, a i jèjèrèʼa, ha ndikè-maʼa.

Psaumes 119:175

Ndav ga da nza a nshèffè, a i slébèrdè ka, a kita ngaya da takahayè te pa!

Psaumes 78:1

Dimèsh Asaph. Ndohi ga, va-tsena skwi man i slebda kinè! Va-fu zlembaɗ a ma ga!

Psaumes 89:28

I woy a i gaʼa a tsuvo-maʼa, a bai a géɗ bihi herkeda.

Psaumes 89:29

I woy a pombi ga a nza a géɗ nengaʼa pèc pècèk, a nderzlè-ma ga da nza zuraʼa a sam na.

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Proverbes 4:20

Kra ga, tsun ma ga, fu zlembaɗ a njè-ma ga!

Proverbes 7:2

Büro ma nkwèr ga, a ka nzi a nshèffè! ɓüro njè-ma ga ara tser di ngaya.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 54:10

Ko za a de na a sam ngiɗè, ko der za a gidè va, aman pombi ga a shkè auda a géɗ ngaya azɓai, a nderzlè-ma gumi ga a prè azɓai. Ndo nzi pèc pècèk, man ka sia te va, a gaɗa.

Esaie 54:8

Ndav ga a nslambaɗa a ndzoan, a i ngheda va ga a ka, nʼnzi kètè; aman a pombi ga a mèdèp ka siyè te va, Ndo nzi pèc pècèk, man a mbel ka, a gaɗa.

Esaie 61:8

Aman iyè, Ndo nzi pèc pècèk, i woy ngi-zuraʼa, i gi shèwa a ndohi metsar. I woya a i va ta skwi ntul ta zuraʼa, a nga derzla ma nga a tengaʼa a mèdèp.

Jérémie 30:9

Ta da gi ɓèl Ndo nzi pèc pècèk, Zhiklè ta, a David, bi ta, man i ngotskoɗauda.

Jérémie 32:40

A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Jérémie 33:26

a i slaha a i kwèl ndohi te verzi Jacob a David, ɓèl ga, a i hil bihi te verzi ndohi ngiɗè de, a ta gi bi a géɗ verzi Abraham, Isaac a Jacob? Aman i da helka ta a deɓa te bèlè, a ta da siyè te va.

Jérémie 38:20

Jérémie a ngaɗa: Ta da va ka a ri a tengaʼa azɓai. Tsena ma Ndo nzi pèc pècèk, man i menda ka, a ka nzi amba, a ka nzi a nshèffè!

Jérémie 50:5

Ta da jhèɗèʼa: Sion tema? Ta da pi di a civèɗ na. Vo-washkè, ngo-humdokoy va a Ndo nzi pèc pècèk, a nderzlè-ma nengaʼa a pca nga a gèɗ te deɓaʼa asaɓai!

Ezéchiel 16:60

Aman iyè i hér nderzlè-ma nga man nga derzlaʼa, man ka dali dai, a nga derzla ma a ka a mèdèp.

Ezéchiel 34:24

Iyè, Ndo nzi pèc pè-cèk, i gi a Zhiklè ta; a David, bèl ga, a gi a kra bai te ndev kinè. Iyè Ndo nzi pèc pècèk, i goɗa.

Ezéchiel 34:25

I woy a nga derzlè ma gumi a nda ta, a i dzam ta skwihi dak tèlèba auda te kokwar. A ta nzi a hèshèkèɗ a ta mènè a hwaɗ wof nhayaʼa.

Ezéchiel 37:26

I da dérzlè ma gumi a nda tengaʼa. Nasa nderzlè-ma a nda tengaʼa a mèdèp. A i da til sam ga nkezlaʼa, a da nzi te ndev tengaʼa a mèdèp.

Lèv. 18:5

Gar haha sèi kin jèjèr ma nkwèr ga a ma kita ga. Ndo man a jèjèrèʼa, a nzi a nshèffè a vna. Iyè Ndo nzi pèc pècèk.

Amos 5:4

Ndo nzi pèc pècèk a ngaɗa ta ndohi Israel ar haha:

Amos 5:6

Va-woy Ndo nzi pèc pècèk, a kin da nzi a nshèffè. Man ɓai a da fa na vogwa a gi ndohi Joseph, a ndeda ma, a ndo a mbècè azɓai, ko te Béthel ba.

Matthew 11:28

Vo-washkè a sam ga, kin tèlèba man ntulè a keɗ kinè, man skwi mwuɗitpa a ga kinè, a i da va kinè nshèk va.

Matthew 13:16

Aman mwuffe a sam kinè, man di kinè a rka skwai, man zlembaɗ kinè a tsena ma.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Jean 10:27

Tambakhi ga ta tsena daʼai ga, a i sen ta, a ta dzadzarkayè,

Jean 6:37

Ndohi tèlèba man Bab ga a payè, ta shkè a sam ga. Ko wawa man a shkè a sam ga, i ckoɗauda azɓai.

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

Jean 8:47

Ndo man ndo Zhiklè, a tsena ma Zhiklè. Gar haha kin tsena ɓai, te man kinè ndohi Zhiklè ka ɓai.

Actes 13:34

Aman a slambaɗkaɗauda te Mʼmetsai, a da huslè azbai, a goɗ ar haha: I woy a i va kinè skwi nkezlaʼa a vava, ara man i pasla na ri a David, ndo nlèbèslèa.

Romans 10:5

Moise a mwindo ma ngi-zuraʼa man a zhè te ma kita Zhiklè aranta: Ndo man a gi skwi haha, a di a nzi a nshèffè a vna.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,