Esaie 55:2 - Ma Zhiklè

² Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Esaie 55:2 ပူးပေါင်းရင်းမြစ်များ

Psaumes 22:26

I woya man a i slébèrdè ka te ndev ndohi Zhiklè mɓicaʼa a vata. I woya man a i gi ara ma ga man i gaɗda hai a sam di tengaʼa man ta slébèrdèʼa a zlau.

Psaumes 34:11

Wud marizhèlèhai, pats ngiɗè ta ngècè skwi azɓai, mi a keɗ ta. Aman ndo man a hèsh Ndo nzi pèc pècèk, skwi nengaʼa a zhè, a hcè azɓai.

Psaumes 36:8

Zhiklè, pombi ngaya a jènaha nga, ndohi herkeda ta nghédè va tʼhwaɗ kelpasl ngaya.

Psaumes 63:5

Gar haha i woy a i shida ka gèɗ, ha nshèffè ga a ndev na, a i woy a i zlècèdè ri ga a i bèhè nzlembaɗ ngaya.

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Proverbes 1:33

Aman ndo man a tsena ma ga, a nzi amba amba, a nzai na, a gi zlau skwi mwuɗitpa azɓai.

Proverbes 7:23

ara ɗiak man votok a verzai, a suna a ngaɗa nshèffè ga a da zi na ɓai, ha sulom a dza na a verzi hwaɗ.

Proverbes 8:32

Anai, wudahi ga, va-tsena ma ga! Mwuffè a sam ndo man a jèjèr civèɗ ga.

Proverbes 9:5

Vo-washkè, va-ndau skwi a sam ga! Va-sau zom man i taʼa!

Ecclésiaste 6:2

Aman Zhiklè a va na Suli a skwi mèshèlè a nʼnjèlè a ndo, a nengaʼa a nʼngots skwi tèlèba ara ndav nengaʼa a woyaʼa, aman Zhiklè a va na civèɗ azɓai aman a ndiaʼa, ndo ngiɗè a nda ndiaʼa. Nasa skwi ambaɓiaʼa, matakwan mwuɗitpa.

Esaie 1:19

Aman kin woya a kin fi gèɗ a ma ga, kin da ndi skwi gi dau kinè.

Esaie 10:27

A pats nasa skwi nʼnzala ka a deɓa, a dè auda a deɓ ngaya. Wof te daʼai ngaya a kelèwè auda.

Esaie 25:6

Zhiklè bi mbiaʼa a da tila ta movar a ndohi herkeda tèlèba a géɗ za haha, skwi nʼndi ngraʼa, barassa nva a gai, skwi nʼndi laɓdekdekaʼa, barassa nva a gai, nɗizhèʼa.

Esaie 44:20

Ndo ngshè va a mèrwèc, ndav nengaʼa ngworaʼa a zlakeda. A mbela nshèffè na ɓai, a hérè azɓai: gar skwi man i gshè va a vna, skwi ncèkèlma ɗè?

Esaie 46:6

Tengaʼa man guro a verzhègenè te shiɗèf te gai, ta dè a sam ngwozla mviɗè guro a da viɗè zhiklè a guro; a ta kèlèhi a deɓ sak nengaʼa, a ta tsi ri a nengaʼa.

Esaie 51:1

Va-tsenaʼa, kinè man kin zeɓi ngi-zuraʼa, kinè man kin hèsh Ndo nzi pèc pècèk. Va-pu di a za, te nengaʼa ta paslka kinè; a vèvèɗ kwa, te nengaʼa ta ndzavka kinè auda.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Esaie 62:8

Zhiklè a mbada a wuɗi nengaʼa: A vava i da va ta dau ngaya a ndohi mayamhi ngaya ta ndiaʼa asaɓai. Ndohi man verzi ta tsaɗ ta si barassa ngaya, man ka gu mi-zlinèʼa, asaɓai.

Esaie 62:9

Aʼai, tengaʼa man ta ɓica dau, sèi tengaʼa ta ndiaʼa, a ta shid gèɗ a Ndo nzi pèc pècèk. Tengaʼa man ta para nyi wof, sèi ta si iyamaʼa, te mozodo ga nkezlaʼa.

Esaie 65:23

Ta ngézhè ambali azɓai. Ta yi wudahi man ta metsi tsam-tsam azɓai. Aman tengaʼa verzi ndohi man Ndo nzi pèc pècèk a mpshè ta ma, a wudahi ta ta nzi a nda tengaʼa.

Jérémie 12:13

Ta zleku dau, ta tsi nkuɗdzarai. Ta ngeza a mizlinè, skwi man ta ɓica a pa, a pa ta hori a dai, a géɗ Ndo nzi pèc pècèk man a gi ndav worworaʼa.

Jérémie 17:24

Ndo nzi pèc pècèk a gaɗa: aman kin tsena ma ga mbelembela, a kin bizhè a skwi a gèɗ a ntamagi kokwar haha azɓai, a pats nshèk va, a kin kezla pats nshèk va, a kin gi mizlinè azɓai, ko kèshkata,

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 31:14

Ndohi mvi skwi a Zhiklè ta ngézhè a mbeza, a ndohi ga ta wèl va te mpshè ma ga, Ndo nzi pèc pècèk a gaɗa.

Osée 12:1

Ndohi Ephraim ta cèkèlma a tsagi ga tèlèba, a ndohi Israel ta ngwodyè. Aman Juda, nengaʼa a sam Zhiklè dai, a gshè va a Zhiklè nkezlaʼa dai.

Osée 8:7

Skwi man ta gau, ara man ta zleki kozlar, ta da ɓicè ndombozlor. Dau a dè auda, a nde na shèkètèr, matakaʼa ko tsera a pa staɗ staɗ, ndohi ngidè ta da ndeda ma.

Habakuk 2:13

Zhiklè bi mbiaʼa a ngoɗ ka ɓi ɗè: Ndohi herkeda ta gi mizlinè vogwa; kokwar-bihai ta geda matakwan a va ambalai.

Matthew 15:9

Ta slebardyè ambalai; aman ta senda ta ma ndo a ndohi ngiɗè.

Matthew 22:4

Te deɓaʼa a nzlinde ta ɓèlèlihi ngiɗè zaʼa, a ngaɗa: Va-gaɗa ta ndohi man nga baha ta a sam ngolala: Na haha, i tila skwi nʼndi ga ma! Nga bazla zlèhi ngrahiaʼa a skwi kuɗomhi ma. Tèlèba ntila. Vo-washkè a ngolala nfi ngwoz a gai!

Matthew 5:6

Mwuffè a sam ndohi man ngi-zuraʼa a zle ta, ara skwi nʼndai, ara iyam nsai; aman sèi ta da ngézhèʼa.

Marc 7:14

Te deɓaʼa, aman a mbaha ta ndohi rèdèdèʼa a sam na zaʼa, a ngaɗa ta: Va-tsena ma ga, kin tèlèba, a kin suna!

Luke 15:23

Va-ckoɗi kra-zlè ngraʼa, va-keɗaʼa, ngo-ndokoya, ngo-wuffokoya!

Jean 6:27

Kin gu mizlinè a géɗ skwi nʼndi man a di agédèsh na ɓai, aman a géɗ skwi man a va kinè nshèffè a mèdèp, nengaʼa man kra-ndo a di a va kinè, kra-ndo man Zhiklè, Bab na, a tsoko na va,

Romans 10:17

Gar haha ncè-a-ndav a shkè te njè-ma, njè-ma a shkè te ma Kristi.

Romans 9:31

Aman ndohi Israel ta hoss ma kita, man a ge ta a ndohi nzuraʼa; aman ta ngotso te nengaʼa ɓai.

Deutéronome 11:13

Aman kin da cinè ma nkwèr ga man i njè kinè a gèɗ a patsna, a kin woy Ndo nzi pèc pècèk, Zhiklè kinè, a kin gi mizlinè nengaʼa a ndav kinè tèlèba, a nshèffè kinè tèlèba,

Hébreux 13:9

Va-gu maya aman njè-ma ngiɗè tsaɗ tsaɗ da ngazl kinè a ri ɓai. Amba, aman ndav nga a ngècè wuɗai te pombi Zhiklè, te nhér gèɗ a géɗ skwi nʼndi genè ka ɓai; a takaha ta tengaʼa man ta jèjèrèʼa arsa, azɓai.