Esaie 54:7 - Ma Zhiklè

⁷ I jèke ka nʼnzi kètè; aman i da cka ka a deɓa, ka siyè te va kumba.

Esaie 54:7 ပူးပေါင်းရင်းမြစ်များ

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Psaumes 107:3

tengaʼa man a ɓicka ta a deɓa tʼherkeda te civèɗ mvèng pats, te civèɗ nkèl pats, te man a tsagi a tsagai.

Psaumes 30:5

Kin ndohi nkezlaʼa, va-sla na dimèsh a Ndo nzi pèc pècèk, vo-slubordo nzlem-bad nengaʼa nkezla a.

Psaumes 30:6

Aman ndzoan nengaʼa a nzi kètè genè; aman pombi nengaʼa a nzi te mvi nshèffè tèlèba. A dakwaɗ, nkudai; a prèk, mwuffè.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 26:20

Ndohi ga, vo-do a gi kinè, va-pizlè ntamagi te deɓ kinè, va-ngheda va kètè, ha ndzoan a ndev na.

Esaie 27:12

A pats nasa Ndo nzi pèc pècèk a da kizlè dau, a hinè te woyam Euphrate, ha ndè a woyam Egypte. Ta da par kinè tʼhai, staɗ staɗ, kinè ndohi Israel.

Esaie 27:8

A versl ma a nengaʼa aranta: a nkwolaʼa, a ndzawaʼa, a ndzaraʼa ara kozlar mbiaʼa man a nslambaɗa te verzi gai.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 49:18

Ngul dai, rka! Ta tèlèba ta ɓica va, ta dè a sam ngaya ara man i zhè á nshèffe a vava, Ndo nzi pèc pècèk a gada. Ta tèlèba ta ndi a skwi wi ngaya, a ka tila va ngaya a vna ara medemai.

Esaie 49:21

Ka da hérèʼa: myokoy wudahi haha wa? Iyè, i ya wudahi ɓai i delai. Tenga haha, ngre ta wa? Njèkè i staɗgenè, tenga haha ta nza a ma?

Esaie 50:1

Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Esaie 60:10

Ndohi man verzi ta tsaɗ ta da rèm zlazlar kokwar ngaya, a bihi tengaʼa ta da gi mizlinè ngaya. I gu ndav, a i tse ka; aman mwoy-ndo ga a gi a ka siyè te va.

Esaie 60:4

Ceda gèɗ a zhiklè, ngul dai! Ta tèlèba ta ɓicko va, ta shkè a sam ngaya. Wudahi ngaya ta shkè dra, ta zuɓko dalahi te ba.

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 63:7

I woya a i shid gèɗ a géɗ pombi Ndo nzi pèc pècèk, a gèɗ skwi mbia tèlèba man Ndo nzi pèc pècèk a gau a sam nga. Skwi man amba kumba a mva ta ndohi gi Israel, man ta sia te va, a mva ta pombi nengaʼa man a ndev ɓai.

Esaie 66:18

I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Jérémie 51:5

Aman Zhiklè Israel a Juda, Zhiklè bi mbiaʼa, a jèkeda kokwar ta a gèɗ ta ɓai, ko herkeda tengaʼa nʼndha a malai a sam Zhiklè Israel nkezlaʼa.

Lamentations de Jérémie 3:31

Aman Bi Zhiklè a kwèl ndo a mèdèp azɓai.

Lamentations de Jérémie 3:32

A mbeɗama na ndav; aman a sia te va genè, ara pombi nengaʼa man a ndev ɓai.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Michée 4:6

A pats nasa, Ndo nzi pèc pècèk a gaɗa, i da ɓic ta ndohi vedal, a i ɓic ta tenga man ta venda gèɗ ta, a tenga man i ga ta matakwan.

Matthew 23:37

Jérusalem, Jérusalem, man ka bazl ta ndohi nhadka ma, man ka kal ta ndohi man Zhiklè a nzlinde ta a sam ngaya, a kwa! Sak ngama, man i woy a i ɓic ta wudahi ngaya a sam ga, ara wotsak, man a ɓic ta wudahi na a hwaɗ kelpasl na. Kin woya ɓai.

2 Corinthians 4:17

Aman skwi nga mwuɗitpa haha nkèshèa, a nzi a vata azɓai, a gi a nʼnjèl mbiaʼa man amba holholaʼa a mèdèp, te ndav nga,

Ephésiens 1:10

A da rufaʼa, aman a mɓica tèlèba te Kristi, ko skwi te zhiklè te géɗèʼa, ko skwi a géɗ herkeda.

Deutéronome 30:3

te deɓaʼa Ndo nzi pèc pècèk, Zhiklè ngaya, a da helka ta ɓèlèlihi a deɓa, ka da sia te va, a da ɓic kinè a deɓa te ndev ndohi herkeda man Ndo nzi pèc pècèk, Zhiklè kinè, a nksar kinè a pa.

Jacques 4:6

Aman pombi man a va nga, mbiaʼa holholaʼa genè. Ɗèlèwèr Zhiklè a gaɗa: Zhiklè a sassaya ndav a sam ndohi nfi va, aman a va ta pombai a ndohi mʼmanda gèɗ ta a hai.

2 Peter 3:8

Aman skwi staɗ va-hur pèc pècèk, dalahimam gai A sam di Bi Zhiklè pats staɗ nara mvi gozhèm, mvi gozhèm nara pats staɗ.