Esaie 54:4 - Ma Zhiklè

⁴ Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Esaie 54:4 ပူးပေါင်းရင်းမြစ်များ

Job 11:16

Te deɓaʼa matakwan a pca ka a gèɗ, ka hérèʼa azɓai, ara iyam man a she na.

Esaie 25:8

A da gedas-seda mʼmetsi aussa a mèdèp. Bi Zhiklè a da saha ta kuda auda a di a ndohi na, a cè hori auda a di tengaʼa, a di a herkeda tèlèba. Aman Ndo nzi pèc pècèk a ngoɗa.

Esaie 29:22

Gar haha Ndo nzi pèc pècèk, Zhiklè ndohi Jacob, man a nsumko Abraham a deɓa, a gaɗa: Te deɓaʼa Jacob a da ngècè hori a di azɓai, a ngwodama na di kuftor-hoʼa azɓai.

Esaie 4:1

A pats nasa ngwozi tsaraɗ ta woy a ta dè a gi ndo staɗ, a ta gada: Nga ndi skwi ri nga, nga fi maslaka a va a ri nga, sèi nzlembaɗ ngaya man ta baha nga a vna! Ca nga hori auda a dai!

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 50:7

Aman Bi Zhiklè a takahayè. Gar haha i ngècè hori a di azɓai. I gwora di ga ara kwa; i suna, Zhiklè a ngwodyè azɓai.

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Esaie 54:14

ngi-zuraʼa a da zhè te verzi ngaya. Ka zhè dra a sam shè-wa. Skwi ngiɗè man ka gi zlauaʼa, azɓai, skwi a pra ka zlau a va, a zhè dra a sam ngaya, a herdeka ka va azɓai.

Esaie 61:7

A géɗ man ndohi ga ta sau matakwan sak cèw, a ta ngots hori a skwi nʼndi gai, sèi ta ngècè te kokwar tengaʼa skwi a gi sak cèw, a mwuffè a mèdèp.

Esaie 65:16

Ndo te kokwar man a woya a ngècè mpshè ma, a ngècè a sam Zhiklè nzuraʼa. Ndo man a woya a mbèɗè, a mbèɗè a nzlembaɗ Zhiklè nzuraʼa. Aman matakwan nha-laʼa mpcèy a gèɗ, a di ga a rka asaɓai.

Jérémie 31:19

Te deɓ man i ngwoda ndav, i kuɗi a géɗ mali ga. Te deɓ man i sun mali ga, i pi ri a bazlazlam, i gi horai, gèɗ ga ndzakaɓa, hori gol ga a dai.

Lamentations de Jérémie 1:1

Wobau! Ani kokwar a gi mbelawa, man halaʼa ndohi kumba te pa! A nʼnde na dikai, man halaʼa mbiaʼa te ndev kokwar bihai. Halaʼa, mba nengaʼa a géɗ kokwar; antanta bèlè.

Ezéchiel 16:22

A sam mphömè ngaya, a sam skwi hori ngaya, ka héra pats dali ngaya bai, man ka adi dai, skwa az a va ngaya bai, a ka zlur va te va Pombaz ngaya.

Ezéchiel 16:43

A géɗ man ka hera pats dali ngaya ɓai, a ka pokoy gèɗ ndav auda a skwi haha tèlèba, iyè ba i ngwoda ka mali ngaya a gèɗ, Bi Zhiklè a gaɗa. Ka mboh skwài, ka gu mphömè, tèlè ka bi dè?

Ezéchiel 36:15

Ndohi nte deɓa ta derde ka ani asaɓai, a ndohi herkeda ta ngwossaha ka asaɓai, Bi Zhiklè a gaɗa.

Joel 2:21

Herkeda, ka gu zlau ɓai! Wuffa, gu langlangaʼa, aman Ndo nzi pèc pècèk a gi skwi mbiaʼa.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

1 Peter 2:6

Gar haha ta Windo te ɗèlèwèr Zhiklè: Na haha i tilda kwa mbelaʼa a Sion. Ndo man a cè nengaʼa a ndav, a ngècè hori a di azɓai.