Esaie 54:3 - Ma Zhiklè

³ ka zlèzlèmè te civèɗ ri mandai, ka zlèzlèmè te civèɗ ri gula, a ndohi te verzi ngaya ta da ndi kokwar-bihai, a ta nzi te kokwar man dikai.

Esaie 54:3 ပူးပေါင်းရင်းမြစ်များ

Genèse 26:22

Te deɓaʼa a nslambaɗa, a nrau thal ngiɗè zaʼa; a géɗ nengaʼa ta ga ma ɓai. A géɗ nengaʼa a mbaha na Rehoboth, a ngaɗa: Antanta Ndo nzi pèc pècèk a mva nga sam mpraʼa, a nga grè a ma ma te kokwar.

Genèse 28:14

Wudahi ngaya ta da gi a vata, ara wyak te woyam. Ka da zlèzlèmè te man a nkèl pats, te man a mvèng pats, te man a tsagi a tsagai, a ndohi herkeda tèlèba ta da ngècè mpshè ma te nzlembaɗ ngaya.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 14:2

A ta hel ta ndohi kokwar ngiɗè a rai a kokwar bab ta. A ndohi gi Israel ta da ge ta a ɓèl ta, ngur-hi a ngwozi te kokwar Ndo nzi pèc pècèk. Ta da dzaw ta tengaʼa man ta dzawka ta pats ngiɗè, a ta da kwar ta ndohi nʼnga ta matakwan.

Esaie 26:15

Ka gu a ndohi ta zlèzlèmè, Ndo nzi pèc pècèk! Ka gu a ndohi ta zlèzlèmè, ka ngreda nʼnjèl ngaya, a ka herdaha kuma kokwar a deɓa.

Esaie 45:14

Ndo nzi pèc pècèk a gaɗa: Skwi ntul mizlinè ndohi Egypte, a gani kokwar Ethiopie a ndohi Saba, ngur-gurhiaʼa, a dè a sam ngaya, a gi a skwi ngaya. Ta dè a verzi ngaya a cèlèlèu te sak, ta da kèlèhi a deɓ sak ngaya, a ta kuɗi a sam ngaya: Zhiklè a zhè, sèi a sam ngaya genè Israel, a sam ngiɗè azɓai, Zhiklè ngiɗè azɓai.

Esaie 48:19

Ar ndohi te verzi ngaya ta gi ara wyak, wud hwaɗ ngaya ta kumba ara wyak. Ar nzlembaɗ tengaʼa a zi a gédèshè a sam ga azɓai.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Esaie 55:5

Na haha, ka baha ta ndohi herkeda man ka sen ta ɓai. A ndohi man ta sen ka ɓai, ta hi a sam ngaya, a géɗ man Ndo nzi pèc pècèk, Zhiklè ngaya, Zhiklè Israel nkezlaʼa a nslebarde ka.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Romans 10:18

Aman i gaɗa: Ta tsena ɓi ɗè? Halau, ma tengaʼa nslhaʼa, a nzlazlama tʼherkeda tèlèba, ha ndè a verzi herkeda.

Romans 11:12

Aman a géɗ man ta kalahai, ndohi herkeda ta ngots skwi mèshèlè; a skwi man a gedas ta a ngu a skwi mèshèlè ndohi nte deɓa, holholaʼa arsa, aman ta da co a ndav tèlèba.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.