Esaie 54:17 - Ma Zhiklè

¹⁷ Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Esaie 54:17 ပူးပေါင်းရင်းမြစ်များ

Job 1:11

Aman gudo ri ngaya a ka lama na skwi nengaʼa man a ngotso tèlèba, a i gada ka a vava, a da derde ka.

Job 2:5

Gudo ri a ka lama na géɗ va na a gada va na, a i gada ka a vava, a da derde ka.

Job 42:7

Aman Ndo nzi pèc pècèk a ngaɗa na Job ma haha ma, a ngaɗa na Eliphaz te Théman: I gi ndav a géɗ kinè a mandalahi ngaya cèw, a géɗ man kin goɗ ma a géɗ ga zuraʼa ara Job, ɓèl ga, ɓai.

Psaumes 32:6

Gar haha ko wawa man a gi zlau Zhiklè, da tsu ri a ka a pats mwuɗitpa; man iyam a shkè mbiaʼa, a ndikè na a va azɓai.

Psaumes 61:5

Vay sam nʼnzi te gi ngaya a mèdèp, a i nzi tʼhwaɗ kelpasl ngaya.

Psaumes 71:16

I slefi skwi mbiaʼa man Bai, Ndo nzi pèc pècèk a gau; ngi-zura ngaya staɗgenè man i woy a i nzalaʼa.

Psaumes 71:19

A i njè ngi-zura ngaya a ma ma, Bi Zhiklè. Ngi skwi mbiaʼa, ngar ka wa, a Bi Zhiklè?

Esaie 17:12

Hai, wobau! Nrubai ndohi herkeda kumba! A cinè ara iyam mbiaʼa man a hai.

Esaie 26:2

Va-wina ntamagai, a ndohi nzuraʼa ta dè a pa, man ta lèɓèslè a ma ma.

Esaie 29:8

A gi ara ndo man mi a keɗaʼa, a ndi skwi te di nshunè, a hur a nʼnda ma, a prèk man a piɗèkwe na, njèkèm ntara skwa ɓai. Lèmèlèmè ara ndo man iyam a dza na, a si iyam te di nshunè, a piɗèkwe na, iyam a dza na, a gworama na ndav. A da gi arsa a sam ndohi herkeda ɗekeɗekaʼa man ta gi var a za Sion.

Esaie 3:10

Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Esaie 40:2

Va-gaɗa na kokwar Jérusalem, a kin pa ta ndav a pa. Va-njè ta: Mizlinè ɓèl tengaʼa a ndev na ma, mali tengaʼa mpela ma. Ta ngots kita sak cèw te ri Ndo nzi pèc pècèk, a géɗ mali tengaʼa.

Esaie 41:11

Na haha ta tèlèba man ta gu ndav a gèɗ ngaya, ta da ngècè hori a dai, gèɗ ta ndzakaɓa. Tengaʼa man ta gu ndzoan a ka, ta gedas ta a ta zi ta.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 50:8

Nenga man a ckay auda a sam kita, a zhè ndul ndul. Nwoya a ngi ma a iyè wa? Ngo-do a pa cèw! Nwoya a mverslè ma a iyè wa? Da shkè!

Esaie 50:9

Na haha Bi Zhiklè a takahayè. Nwoya a mphomdyè wa? Na haha ta husl ta ara maslaka man nfa-far a ndiaʼa.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 54:15

Aman ta gi var a ka, iyè a ngia ka ɓai; ndo man a gi var a ka, a metsi na a dal var a sam ngaya.

Esaie 54:16

Na haha i gau ngwozla, aman a vècè vogwa, a viɗè skwi ngi var. I gu ndo ngedassa skwi ba, aman a gedas ta.

Esaie 58:14

te deɓaʼa ka ngècè mwuffè a sam Ndo nzi pèc pècèk. I da tevda ka a géɗèʼa, ara man ka tsi sabai, a i va ka skwi nʼndi gi Jacob, bab ngaya. Aman Ndo nzi pèc pècèk a goɗ te ma na.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Daniel 3:26

Te deɓaʼa bi Nebucadnetsar a mdo a ma vèvèɗ vogwa, a mbaha ta: Shadrac, Méshac, a Abed-Nego, kinè ɓèlèlihi Zhiklè mbiaʼa te géɗèʼa, vo-washkè auda te vogwa! Vo-washkè a sam ga! A Shadrac a Méshac a Abed-Nego ta shkè auda te va vogwa.

Daniel 6:20

Aman a nherda va, a mbaha na Daniel a daʼai kuɗa. Bai a nhüno a ngaɗa na Daniel: Wa Daniel, ɓèl Zhiklè man a zhè a nshèffè! Zhiklè ngaya man ka gi mizlinè nengaʼa pèc pècèk a slaha a mbel ka te ri marizhèlèhi dè?

Matthew 16:18

Aman iyè ba, i gaɗa ka: Ka Pierre: a géɗ pra haha i woya man a i til mpi ndohi Zhiklè ga. Mʼmetsai a da slaha ta azɓai.

Romans 10:4

Te Kristi ma kita a nʼndev na; ko wawa man a cè nengaʼa a ndav, nʼngaʼa a ndo nzuraʼa.

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 8:1

Anai Zhiklè a phomde ta ndohi man ta te Yèsu Kristi, asaɓai.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

Josué 24:10

Aman i fu gèɗ a ma Balaam ɓai, a i gu aman a pshè kinè ma. Aranta i preka kinè auda te ri Balak.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

Apocalypse 12:10

A i tsena ngèɗè ngiɗè mbiaʼa man a gaɗa te zhiklè: Antanta skwi mʼmbel ndo a wuɗai a kokwar-bai a Zhiklè nga a zhè, a wuɗi-bai a sam Kristi nengaʼa, a géɗ man ta kalda ndo mpin ta kramamhi nga, man a pin ta a pats a vaɗ a sam Zhiklè nga.

I Samuel 23:17

A ngaɗa na: Ka gu zlau ɓai. Ri Saul, bab ga, a ndikakaɗa sam ngaya azɓai. Aman ka, ka da gi bi Israel. Iyè i da gi a slaslam ngaya. Ko Saul, bab ga, a suna.