A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.
a ndohi man verzi ta tsaɗ a vata ta dè a pa a ta gaɗa: Vo-washkè, ngo-dokoya a za Ndo nzi pèc pècèk, a gi Zhiklè Jacob, aman a da ngra nga civèɗ nengaʼa, a nga bizhè a pa. Aman ma kita a shkè te Sion, ma Ndo nzi pèc pècèk a shkète Jérusalem.
Bi Zhiklè a mvay nèʼèn gol Zhiklè, aman i slaha a i bid ta ndohi man ta ngeza, a ma ga. A piɗèkwudyè a prèk a prèk, a winay zlembaɗ, aman i tsena ara gol nengaʼa.
Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.
Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.
Ndohi nte deɓa ta shkè dra a ta gaɗa: Vo-wash-kè, ngo-dokoya a géɗ za Ndo nzi pèc pècèk, a gi Zhiklè Jacob, aman a senda nga civèɗ nengaʼa, a nga dè a civèɗ nengaʼa. Ma kita a da shkè te Sion. Ma Ndo nzi pèc pècèk a shkè te Jérusalem.
Ndohi Ephraim ta gi a ngul ndohai, ndav tengaʼa a da wuffè ara mwuffe zom. Wudahi tengaʼa ta da rkaʼa, a ta wuffè. Ndav tengaʼa da wuffa a géɗ Ndo nzi pèc pècèk!
Na haha nderzlè-ma man i woy a i giaʼa, a nda ndohi Israel, te deɓ patshi sa, Bi Zhiklè a gaɗa: I woya man i va ta ma kita ga a ndav tengaʼa, a i winda ta a ndav ta. A i woy a i gi a Zhiklè tengaʼa, a tengaʼa ta gi a ndohi ga.
Ko staɗ a di a njè na nslamagi na azɓai, a da gaɗa na kramam na azɓai: Sun Bi Zhiklè! Aman ta da senyè tèlèba, a hinè a sam nkèshèa, a ndè a ma ma a sam mbiaʼa ba.
A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!