10 Ko za a de na a sam ngiɗè, ko der za a gidè va, aman pombi ga a shkè auda a géɗ ngaya azɓai, a nderzlè-ma gumi ga a prè azɓai. Ndo nzi pèc pècèk, man ka sia te va, a gaɗa.
Gi ga a sam di Zhiklè arsa. Nengaʼa a mpaslay ri a hai a mèdèp, ntila mbelembela tèlèba, a nengaʼa a ɓerèʼa; a nengaʼa a gi a skwi tèlèba a gi a skwi mʼmbelyè a skwi man ambahayè.
Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.
Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.
Aman iyè, nga derzla ma nga aranta a tengaʼa, Ndo nzi pèc pècèk a gada: Mèzhèɓ ga man a nzi a géɗ ngaya, a ma ga man i va ka a ma, da kazla auda te ma ngaya ɓai a mèdèp, ko te ma wud wudahi ngaya, a hinè antanta a ndè a ma ma a mèdèp, Ndo nzi pèc pècèk a gaɗa.
I woya a i shid gèɗ a géɗ pombi Ndo nzi pèc pècèk, a gèɗ skwi mbia tèlèba man Ndo nzi pèc pècèk a gau a sam nga. Skwi man amba kumba a mva ta ndohi gi Israel, man ta sia te va, a mva ta pombi nengaʼa man a ndev ɓai.
Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.
Aman agassa skwi ntila a sam ga haha ngedas na, Ndo nzi pèc pècèk a gaɗa, – ko ndohi te verzi Israel ta da nzi a ndohi herkeda a sam ga asaɓai a mèdèp.
Zhiklè a mʼmbel nga, a géɗ skwi nzuraʼa man nga gu ka ɓai, aman a géɗ man ndo a sia te va. A mʼmbel nga, a mpan nga, a nye nga mɓuaʼa a wuɗi Mèzhèɓ Zhiklè nkezlaʼa,
Ma ‘zaʼa’ haha a ngreda nga, ara man skwi man a gidèʼa a di a ngwode na, te man a nʼngaʼa man a nzi kètè genè. Sèi skwi man a gidè va azɓai, a nzi dai.