Esaie 53:3 - Ma Zhiklè

³ A ndara ta ndohai, a ndohi ta jèkeda, ndo man va a dza na, a sun matakwan, ara ndo man nga pizle di nga a pa. A ndara nga holholaʼa, a nga rkaʼa ara ndo ambalai.

Esaie 53:3 ပူးပေါင်းရင်းမြစ်များ

Psaumes 69:29

Sèi ka gedasse nzlembaɗ tengaʼa te ɗèlèwèr nshèffè, da wìnde ta a va ndohi nzuraʼa ɓai!

Psaumes 88:4

Ndav ga a nʼngeza a matakwan, nshèffè ga a civèɗ mʼmetsai.

Esaie 49:7

Ndo nzi pèc pècèk, man a mbel Israel, Zhiklè Israel nkezlaʼa, a ngaɗa na ɓèl ndohi shèwa, man ndohi ta kwolaʼa, man a mpra ta zlau a va a ndohi herkeda: Bihi mbibihiaʼa ta da rkaʼa, a ta slambaɗa; bihi nkèshèʼa ta da gurɓèhai a sam Ndo nzi pèc pècèk man nlèɓèslèʼa, a sam Zhiklè Israel nkezlaʼa, man a nʼngatska ka auda.

Esaie 50:6

I geda ta deɓ ga a ndohi man ta ndahyè, a bazlazlam a ndohi man ta tsiyè. I pa ri a di ɓai, aman ndohi ta derɗyè, a tajfay slèslèɓ a dai.

Esaie 52:14

Lèmèlèmè ara man ta kumba ta gu zlau nengaʼa – anai a nʼngwoda nga va a dai, di nengaʼa ara di ndo ka ɓai, va nengaʼa ara va ndo ka ɓai –

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Esaie 53:4

Aman a vava a mzuɓ matakwan nga, a mco skwi ndzi nga. A nga rkaʼa, ma a gèɗ na, ara ndo man ta ga na kita, man Zhiklè a mtsau, a mʼmanda na gèɗ a hai.

Michée 5:1

Ka Bethlèhem, Ephrata, ka verzi nkèshèa te va gwoli Juda. Te ka bi Israel a da shkè auda; verzi nengaʼa daga zlè-zlèzlèʼa, daga nhinkaɗ sam.

Zacharie 11:8

A i dzam ta ndohi nwèr tambakihi makar auda te mi-zlinè, a ki staɗ. I ngeza a sam ta, a tengaʼa ba ta ngeza a sam ga.

Matthew 26:67

Te deɓaʼa ta njfa na slèslèɓ a dai, ta ɗutso, matrhiaʼa ta tsama na bazlazlam,

Matthew 27:63

Bai, ma ndo matsa man a pe ta ndohi a wai, a haka nga gèɗ: A ngaɗa, a pats man a nʼnza a nshèffè dai: Te deɓ mʼmèn makar i da slèmbèɗè auda te mʼmetsai.

Marc 10:33

Yèsu a nhelka ta 12 zaʼa a sam na, a hüno man a ngreda ta skwi man sèi a di a shkè a géɗ nengaʼa: Na haha, nga dè a kokwar Jérusalem; ta da vi kra-ndo a ri a ndohi mvi skwi a Zhiklè mbibihiaʼa, a malamhai. Ta da ngela na kita mʼmetsai, a ta da va na a ri a ndohi herkeda.

Marc 10:34

Ta da ngwossaha kiɗè-kiɗèʼa, a ta njfa na slèslèɓ a dai, a ta ndèhaʼa a mènèwèɗ, a ta da keɗaʼa. Te deɓ mèn makar a da slambaɗkaɗauda.

Marc 14:34

a ngaɗa ta: Nlèyè a keɗyè a hi a vèvèɗ. Va-nza haha, va-nza a dai!

Marc 15:19

A ta tsu géɗèʼa a gada, a ta njfa na slèslèɓ a va, a ta gurɓahai a sam na, a ta ngwossaha, a ta kalahai a deɓ sak nengaʼa.

Marc 9:12

A Yèsu a mʼmbeɗa ta a ma: Elie a shkè nshèlèkuraʼa, a til skwi tèlèba. Te ɗèlèwèr Zhiklè ta windo a géɗ kra-ndo, ara man sèi a si matakwan, sèi ta rka ara ndo ambalai, èhèmè?

Luke 16:14

Ma haha, ko ndohi pharisie man ta woy Suli kumba, ta tsenaʼa, a ta ɓeslè di a pa.

Luke 19:41

Aman a zhè ndul ndul a ma kokwar, a mpu di a kokwar, a kuɗai a géɗ nengaʼa,

Luke 8:53

A ta ngwossaha, aman ta suna, mʼmetsa ma.

Luke 9:22

A ngaɗa: Sèi skwa a dza na kra-ndo a vata, a ndohi nhalaʼa, a ndohi mvi skwi a Zhiklè mbibihiaʼa a malamhai ta da kwolaʼa, a ta da keɗaʼa, a pats mamakaraʼa a da slambaɗkaɗauda.

Jean 11:35

A Yèsu a nkuɗau, kuda a dai.

Jean 8:48

A ndohi Juif ta mbeɗa na a ma: Nga goɗ a vava ka ɓi dè, ka ndo Samarie, madzagi a ga ka!

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.

Hébreux 4:15

Nga, wuɗi nga azɓai; aman nga ngots bi ndohi mvi skwi a Zhiklè man a ngaka nga auda. Skwi a mpeda a wi lèmèlèmè ara nga, a sam tèlèba, aman nengaʼa a nʼnga mali ɓai.

Hébreux 5:7

Te va man a zhè a géɗ herkeda dai, a ntsu ri a kuɗa a dai, a ngu mbuh mbuh, a mbèhè a Zhiklè, man a slaha a mbelaʼa te mʼmetsai. A Zhiklè a ntsena ntsi ri nengaʼa, a géɗ man a mʼmanda gèɗ a hai pèc pècèk.