Esaie 53:11 - Ma Zhiklè

¹¹ A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Esaie 53:11 ပူးပေါင်းရင်းမြစ်များ

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 45:25

Ndohi te verzi Israel tèlèba ta da gi a ngul ndo-hai, a ta wuffè a géɗ Ndo nzi pèc pècèk.

Esaie 49:3

A ngaɗayè: Ka Israel, ɓèl ga, i ngreda nʼnjèl ga te ka.

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 53:12

Gar haha i da pa na ndohi mbibihiaʼa a skwi nʼndi gi nengaʼa. A da kezli skwi ɓèlè a nda ndohi man wuɗi ta a zhè, te man a mvau gèɗ na a mʼmetsai. Ta ngra na a va ndohi amba-ɓihiaʼa; aman nengaʼa a nzuɓ mali ndohi kumba, a ntsu rai a géɗ ndohi malihai.

Esaie 53:8

Ta co auda te va matakwan, te va kita; aman a nhur nʼndikèma nenga wa? Ta gedassedaussa tʼherkeda man ndohi ta zhè a nshèffè; ta keɗaʼa a géɗ mali ndohi ga.

Daniel 12:3

Ndohi man maya ta zhè, ta da hel sam ara pats a giɗfèk; a ndohi man ta de ta ndohi kumba a sam ngi-zuraʼa, ta da hel sam ara bantihai, a ma ma a mèdèp.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Luke 22:44

Zlau a nkeɗda hi a vèvèɗ, a ntsu ri holholaʼa, a vazaza nengaʼa a ntkwè a hi a herkeda, ara Pombaz.

Jean 12:24

A vava, a vava, i gaɗa kinè: Sèi tser dau a kèlèhi a herkeda, a verzi na a nhusl na, man ɓai a nzi a géɗ na. Aman a husl na, a yi wuda kumba.

Jean 16:21

Ngwoz man a yi kra, a si matakwan a gèɗèʼa, te man pats nyi kra na ma. Aman te deɓaʼa man a ye kra ma, a hér matakwan na asaɓai, aman a wuffè a géɗ kra man a yokoɗai.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Romans 4:24

Zhiklè a da rka nga arsa, aman nga co a ndav, a nslambaɗdekoɗa Yèsu, Bi nga, auda te ndev ndohi mʼmetsaʼa.

Romans 5:9

Holholaʼa a da ɓir nga a sam ndzoan Zhiklè, te man antanta nga gaʼa a ndohi nzuraʼa te Pombaz nengaʼa.

1 Corinthians 6:11

Ndohi tsaɗ tsaɗ te ndev kinè ta gu arsa zlèzlèa. Aman kin pana, kin kezla, kin gaʼa a ndohi nzuraʼa te nzlembaɗ Bi Yèsu Kristi, te Mèzhèɓ Zhiklè nga ma.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Galates 4:19

Kinè wudahi ga, man i ɗish va a géɗ kinè genè, ha pats man Kristi ngra te ndav kinè.

Hébreux 12:2

Ngo-pokoy di a Yèsu, ndo nhinè a ndo nrufa ncè-a-ndav; nengaʼa man a géɗ mwuffe man a zhè a ma nengaʼa, a nco wof ngézlèl na, nʼnga hori ɓai, te deɓaʼa a nʼnzahai a civèɗ ri mandi sam nʼnzi bi Zhiklè.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

2 Peter 3:18

Va-gra a ma ma te pombai, te nshin Bi nga a Ndo mʼmbel nga Yèsu Kristi. Nʼnjèlè a nengaʼa antanta, a ma ma, a mèdèp! Amen!

1 John 2:1

Wudahi ga, i windè kinè ma haha, aman a kin gi mali azɓai. Aman ndo ngiɗè a gi mali genè, nga ngots ndo nʼnza nga a deɓa a sam Bab nga, Yèsu Kristi, ndo nzuraʼa.

2 John 1:1

Iyè, ndo mɓer ndohi Zhiklè, a sam Kyria, man Zhiklè a ngotskoɗauda, a sam wudahi na ba, man i woy ta te ma nzuraʼa, iyè staɗgenè ka ɓai, aman ndohi tèlèba man ta sun ma nzuraʼa;

2 John 1:3

Pombai, nsi ndo te va, a gumai te Zhiklè, Bab nga, te Yèsu Kristi, kra Bab-Zhiklè, da zhè a nda nga, te ma nzuraʼa, te mwoy-ndo.