Esaie 52:2 - Ma Zhiklè

² Jérusalem, man ka dzawaʼa, tassa na lokotor auda a sak ngaya. Slambaɗa! Proko teɓa auda te daʼai ngaya, ka dem Sion ndzawaʼa!

Esaie 52:2 ပူးပေါင်းရင်းမြစ်များ

Esaie 10:27

A pats nasa skwi nʼnzala ka a deɓa, a dè auda a deɓ ngaya. Wof te daʼai ngaya a kelèwè auda.

Esaie 14:25

I woya a i kalde ta ndohi Assyrie a hai te kokwar ga, a i mbatsaha ta a sak a géɗ za ga. Wof man ta kelawa ta a daʼai, i kelawko ta auda, a skwi man a deɓ tengaʼa i hela na auda.

Esaie 29:4

Te deɓaʼa ka da gèɗè tʼhai tʼherkeda, a ma ngaya a tsenkaɗauda te ndev hutsoɗ. Daʼai ngaya a cinè ara daʼai mèzhèɓ skwai te vèvèɗ, a ma ngaya a tsenkaɗauda te va mberfenèk ara daʼai mbatsa.

Esaie 3:26

Ntamagihi kokwar ta kuɗai a ta gi wobau. Ta dumda ma, skwa a te pa asaɓai.

Esaie 49:21

Ka da hérèʼa: myokoy wudahi haha wa? Iyè, i ya wudahi ɓai i delai. Tenga haha, ngre ta wa? Njèkè i staɗgenè, tenga haha ta nza a ma?

Esaie 51:14

Ndul ndul ma, ta prokodi ndo dangai auda te cèlèlèu, a metsi te dangi azɓai, a tèkwèn movar azɓai.

Esaie 51:23

I da va ta a ri a ndohi man ta ga ka matakwan, man ta gaɗa ka: Guɓda deɓ a hai, a nga bizhè a pa! A deɓ ngaya a ngau a sam man ta beza a pa, ara civèɗ man ndohi ta shèwèlè a pa.

Esaie 60:1

Slambaɗa, do a sam nhelaʼa! Aman skwi nhél sam ngaya a shkè, a nʼnjèl Ndo nzi pèc pècèk a vèngè a géɗ ngaya.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Esaie 9:4

Kotokoroh züdo man a dè hu-tsasl, hutsaslaʼa, maslaka man pombaz a pa, ta da fa na vogwa, a vogwa a da ndiaʼa.

Jérémie 51:45

Ndohi ga, vo-washkè auda te pa, staɗ staɗ tèlèba da mbela nshèffè na, da hu na a sam ndzoan Ndo nzi pèc pècèk mbiaʼa!

Jérémie 51:50

Kinè man kin hi kinè auda a sam tsakwal, vo-do, kin zlatsahi ɓai. Aman kinè dra, va-hur Ndo nzi pèc pècèk; Jérusalem da pca kinè a gèɗ ɓai!

Jérémie 51:6

Va-hu kinè te ndev Babylone, staɗ staɗ tèlèba da mbelda nshèffè na, man ɓai kin da zi kinè te mali Babylone; aman pats kita Ndo nzi pèc pècèk. A da ga na ara skwi man a gau.

Ezéchiel 34:27

Te deɓaʼa wof te dak a vi skwai, a herkeɗa a da ftsko skwi auda. Ta da nzi te kokwar ta, skwa a ga ta azɓai, a ta da suna, i Ndo nzi pèc pècèk, man i da proslama ta wof nkelawa te daʼai ta, a i mbel ta auda te ri ndohi man ta ge ta a ɓèlè.

Zacharie 2:6

Ndo nzi pèc pècèk a gaɗa: Va-hakaɗai, va-hakaɗai, va-jèkeda kokwar man a géɗèʼa; aman i ɓic kinè te verzi herkeda faɗ, Ndo nzi pèc pècèk a gaɗa.

Zacharie 2:7

Kinè ndohi Sion te Babylone, va-mbelkaɗ kinè auda te pa!

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

Apocalypse 18:4

A i tsena ngèɗè ngiɗè te zhiklè man a gaɗa: Vo-do kinè auda a sam na, ndohi ga, man ɓai kin humdè a mali nengaʼa, a kin si matakwan a nda nengaʼa.