Esaie 52:11 - Ma Zhiklè

¹¹ Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Esaie 52:11 ပူးပေါင်းရင်းမြစ်များ

I Chroniques 15:12

A ngaɗa ta: Kinè tsuvomhi ndohi Lévi: Va-tila ndav kinè, kinè a kramamhi kinè, a kin ckoɗi koti Ndo nzi pèc pècèk, Zhiklè Israel, a sam man i tila na.

Exode 30:19

a Aaron a wudahi nengaʼa ta pènè rai a sak te pa.

Esaie 1:16

Va-pana va, va-tila va kinè! Va-cè na shèwa kinè auda a sam diga! Va-jè-keɗa malai!

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 31:21

Zlatseda skwi man ka shinè te pa, lamba nʼngra ka civèɗ ngaya, a sam man ka beza a pa. Washkè deɓa, bidali Israel! Washkè a kokwar haha, man a ngaya!

Jérémie 50:8

Va-hu auda te Babylone, va-jèkeda kokwar Chaldée, va-gu ara drok a ma tambakihai.

Jérémie 51:45

Ndohi ga, vo-washkè auda te pa, staɗ staɗ tèlèba da mbela nshèffè na, da hu na a sam ndzoan Ndo nzi pèc pècèk mbiaʼa!

Jérémie 51:6

Va-hu kinè te ndev Babylone, staɗ staɗ tèlèba da mbelda nshèffè na, man ɓai kin da zi kinè te mali Babylone; aman pats kita Ndo nzi pèc pècèk. A da ga na ara skwi man a gau.

Ezéchiel 44:23

Ta da senda ta ndohi ga, aman ta sun nɗèlè te va skwi nkezlaʼa a skwi nkezlaɓiaʼa, te va skwi nlizhèɓiaʼa a skwi nlizhèʼa.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 11:45

Aman iyè Ndo nzi pèc pècèk, i helka kinè auda te kokwar Egypte, a i gi a Zhiklè kinè. Gar haha sèi kin nzi a ndohi nkezlaʼa, aman iyè, i kezla.

Lèv. 11:47

a kin sun nɗèlè te va skwi man nlizhèa a skwi man nlizhɓai, te va skwi man kin ndiaʼa a skwi man kin ndi azbai.

Lèv. 21:6

Tengaʼa ndohi nkezlaʼa a sam Zhiklè ta, a ta dérɗè nzlembaɗ Zhiklè tengaʼa azbai; te man ta va na skwi a Ndo nzi pèc pècèk te vogwa, movar Zhiklè ta; gar haha sèi ta nzi ara ndohi nkezlaʼa.

Zacharie 2:10

Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Nombres 16:26

A ngaɗa ta mpi ndohi ar haha: Va-kazla kinè auda a sam gi ndohi nderɗa Zhiklè haha, kin lama na skwi tengaʼa bai, ko kèshkata, man bai kin da zi kinè a géɗ mali tengaʼa tèlèba.

Nombres 19:11

Ko wawa man a lama na nckondo wawa, nengaʼa nlizhèa mʼmèn tsaraɗ.

Nombres 19:16

A ndo man te dak a nlama na ndo man ta keɗa te dak a tsakwal, man bai ndo man a mets na a dala, man ɓai vatasl nckondo, man ɓai gi dzavai, nengaʼa nlizhèa mʼmèn tsaraɗ.

Nombres 8:6

Pe ta ndohi Lévi, te va ndohi Israel, a géɗ ta, a ka til ta!

Actes 10:14

A Pierre a ngaɗa: Aʼai, Bi Zhiklè, i tara skwi ambalai a skwi nlizhèa di ɓai.

Actes 10:28

A nengaʼa a ngaɗa ta: Kin suna, ambaɓai a sam ndo Juif man a dè a gi ndohi man verzi ta tsaɗ, aman a nzi a va tengaʼa. Aman Zhiklè a ngrayè: Ka sla na ndo ambaɓai, a nlizhèa ɓai, ko staɗ!

Romans 14:14

I sun a vava te Bi Yèsu: Skwi nlizhèʼa man nlizhèʼa te va na, azɓai. Sèi ndo man a rka ara nlizhèʼa, a nengaʼa nlizhèʼa.

2 Corinthians 6:17

Gar haha vo-do kinè auda a sam tengaʼa, va-kezla va kinè, Bi Zhiklè a gaɗa, kin lama na skwi nlizhèa ɓai, a i woy a i ce kinè,

Ephésiens 5:11

Kin humda ɓai a mizlinè ruva, man skwi mbelaʼa a shkè auda te pa azɓai; mʼmbela kin ngreda skwi nengaʼa ambaɓiaʼa auda.

1 Peter 2:11

Dalahimam ga, i bid kinè ara man kinè ndohi mbrok. Va-jèkeda ntétékè te va kinè, man a gi var a ndav kinè.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

Apocalypse 18:4

A i tsena ngèɗè ngiɗè te zhiklè man a gaɗa: Vo-do kinè auda a sam na, ndohi ga, man ɓai kin humdè a mali nengaʼa, a kin si matakwan a nda nengaʼa.