Esaie 52:10 - Ma Zhiklè

¹⁰ Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 52:10 ပူးပေါင်းရင်းမြစ်များ

Job 40:9

Aman ri mandi ngaya a mbel ka arsa, i ba i slebarde ka.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 67:2

Bi Zhiklè, nga da se ka te va, da pshè nga ma, di nengaʼa da hela ngá sam dzayaʼa!

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 30:30

Zhiklè a bèhè ara ntsi iyam mbiaʼa, a geda ri na a tsiaʼa, a ndav mbiaʼa a nèʼèn vogwa man a ndi skwai, a ndombozlor a iyam mbiaʼa a vandzal.

Esaie 33:13

Kinè ndohi ndraʼa, va-tsena skwi man i gau! Kinè ndohi ndul ndulaʼa, va-sun wuɗi ga!

Esaie 40:5

Aranta nʼnjèl Zhiklè a gudko va a dai, a ndohi tèlèba ta rkaʼa. Ma Ndo nzi pèc pècèk a ngoɗa.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 51:9

Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Esaie 53:1

Nco ma man nga tsena, wa? Wuɗi Ndo nzi pèc pècèk a ngudo-ko na va a di a wa?

Esaie 59:16

A nrkaʼa, ndo man a kèlè a pa azɓai, ko staɗ. A Zhiklè a ntila a ri na, a ngi-zura nengaʼa.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Esaie 63:5

I ngul dai, aman ndo ntakahayè azɓai. I rzl ga, aman ndo nʼnzay a deɓa azɓai. A i gau a ri ga, a i mbela a géɗ ndzoan ga.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Luke 2:30

Aman i rka skwi mʼmbel ndo ngaya a di ga ma,

Luke 3:6

a ndohi tèlèba ta da rka skwi mʼmbel ndo Zhiklè.

Actes 13:47

Aman Bi Zhiklè a gaɗa nga arsa: I ge ka a skwi nhel sam ndohi herkeda, a ka gi a skwi mbél ndo, ha verzi herkeda.

Josué 4:24

A ndohi a gèɗ herkeda tèlèba da suna, wuɗi ri Ndo nzi pèc pècèk a zhè, a kin gi zlau Ndo nzi pèc pècèk, Zhiklè kinè, a mèdèp.

Apocalypse 14:6

A i rka gol Zhiklè ngiɗè, man a hi ara ɗiak te ndev giɗfèk, a nʼngots ma mbelaʼa man a nzi a mèdèp, man a njè ta ndohi a géɗ herkeda tsaɗ tsaɗ tèlèba, a verzi ndohi herkeda, a ndohi a daʼai ta tsaɗ tsaɗ, man ndo genè,

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.