Esaie 51:9 - Ma Zhiklè

⁹ Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Esaie 51:9 ပူးပေါင်းရင်းမြစ်များ

Job 26:12

A géɗ wuɗi nengaʼa, woyam mbiaʼa a nza géɓitèʼa; a maya na a nkeɗda nfi va na a hai.

Job 9:13

Bi Zhiklè a mʼmanda ndav nengaʼa a hi ɓai, a ckoɗauda; ndohi ntakaha nfi va ta kalahi a deɓ sak nengaʼa.

Psaumes 21:13

Aman ka cè lèkèɗ ngaya a ka livè a di ta, ka fa ta ma a ngwai.

Psaumes 44:1

Dimèsh ndohi Korè.

Psaumes 44:2

Zhiklè, nga tsena a zlembaɗ nga, bababhi nga ta njè nga. Halaʼa, man ta zhè, ri ngaya a ngu nrkedai.

Psaumes 44:23

Aʼai, a géɗ ngaya ta keɗ nga pèc pècèk, ta fe nga a tambakihai a ta zlama nga daʼai.

Psaumes 44:24

Slambaɗa, Bi Zhiklè, ka nzhun èhè-mè? Ciɗa dai! Ka kwol nga a mèdèp ɓai!

Psaumes 59:4

Na haha, ta woy a ta keɗyè, ndohi man wuɗi ta zhè ta humdokoy va a gèɗ, ko i ga skwi ambaɓia ɓai, ko i ga maharam ɓai, Ndo nzi pèc pècèk!

Psaumes 7:6

ndo mayam da jeky ɓai, da gsiyè, da tseday gèɗ, a nshèffè ga da ze na.

Psaumes 77:5

I tara nzhun ɓai, a pay a dai; ndav ga a mènèhi azɓai, iyè amba a ngèɗ ɓai.

Psaumes 78:65

Te deɓaʼa Bai, Zhiklè, a nslambada ara ndo man a pidèkwe na a nzhunè, ara ngul ndo man zom a mwoslaʼa.

Psaumes 87:4

I nger ta Egypte a Babylone a Philistie a Tyr a Ethiopie a va gwoli ga: ta yau zana te pa, ta yau zana te pa.

Psaumes 89:10

Ka fena iyam man a gi tskuɗuf-tskuɗufaʼa; man a grè va, ka mandahai.

Psaumes 89:11

Ka mbatsaha Egypte a sak ara nckon-do, ka dzar ta mayamhi ngaya a wuɗi ngaya.

Psaumes 93:1

Ndo nzi pèc pècèk, bai! A nʼnjèl bi a va. Ndo nzi pèc pècèk, wuɗi te va, a ndzawa va na a vna. Gar haha herkeɗa nʼngaʼa ngedeng-gedengaʼa, a gidè va azɓai.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Esaie 27:1

A pats nasa Ndo nzi pèc pècèk a dè a kéɗè léviathan, zhüzhok man a mwuc na; léviathan, zhüzhok nluwaɗ-luwaɗaʼa; a kéɗèʼa a tsakwal nengaʼa mwuɗitpa, mbiaʼa, nshfaʼa, a keɗa skwi nara kedam te woyam mbiaʼa.

Esaie 30:7

a sam ndohi Egypte. Aman skwi Egypte, man ta hur a da takaha nga, skwi ambalai, skwi ntakaha ta ka ɓai. Gar haha i baha na: Rahab, man ta tseda na ma a pa.

Esaie 51:17

Piɗèkwe ngaya, piɗèkwe ngaya, Jérusalem, slambaɗ ngaya, ka man ka sau kokwi ndzoan te ri Ndo nzi pèc pècèk; ka sau te kokwi man skwi ngiɗè te pa a nked ka, a ka sedama.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 52:1

Piɗèkwe ngaya, piɗèkwe ngaya, Sion, sala va ngaya! Jérusalem, feda maslaka wi a va! Ka kokwar nkezlaʼa! Anai ndo man ngwon nʼngel ɓai, ndo man ndav mpan ɓai, a dè a sam ngaya asaɓai.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 53:1

Nco ma man nga tsena, wa? Wuɗi Ndo nzi pèc pècèk a ngudo-ko na va a di a wa?

Esaie 62:8

Zhiklè a mbada a wuɗi nengaʼa: A vava i da va ta dau ngaya a ndohi mayamhi ngaya ta ndiaʼa asaɓai. Ndohi man verzi ta tsaɗ ta si barassa ngaya, man ka gu mi-zlinèʼa, asaɓai.

Ezéchiel 29:3

Hod ma a ka gaɗa: Bi Zhiklè a goɗ ar haha: Di man a ngaya ma, Pharaon, bi Egypte! Ka kedam mbiaʼa, man ka mènè te woyam Nil a ka gaɗa: Woyam Nil a ga ga, iyè a ngau.

Michée 7:15

Ngra nga nrkedi ara man a pats man ka shkè auda te kokwar Egypte.

Habakuk 2:19

Wobau a géɗ ndo man a gaɗa na wof: Piɗèkwe ngaya! A sam kwa man a gèɗè azɓai: Slambaɗa! A slaha a nhodko ma ɗè? Verzhègenè a guro te maʼa; aman nshèffè a te pa ɓai a vava.

Habakuk 3:13

Ka dè aman ka takaha ta ndohi ngaya, a ka mbela ndo ngaya man ka bada na mbar a gèɗ. Ka pelassa gèɗ gi ndo ambaɓia, ka mbeɗaʼa, a verzi gi a nzi a dala.

Zacharie 10:11

Ta da bizhè a ndev woyam Egypte, a Ndo nzi pèc pècèk a slèmbèɗdè iyam te woyam, a woyam Nil a da gwor na. Assyrie a da fi va asaɓai; gada bi Egypte ba asaɓai.

Zacharie 2:13

Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Luke 1:51

Ri nengaʼa a ngu skwi mbiaʼa. A nksar ta ndohi nfi va aussa.

Jean 12:38

A ngu ara man Esaie, ndo nhadka ma, a gaɗa: Bai, nco ma man nga njèʼa, wa? Wuɗi Ndo nzi pèc pècèk a ngudoko na va a di a wa?

Actes 7:7

Bi Zhiklè a ngaɗa: I woya man i gi kita ndohi man ta ga ta ɓèlè. Te deɓaʼa ta da dè auda a samaʼa, a ta tsi ri a iyè a haha.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Apocalypse 11:17

Nga shid gèɗ, Bi Zhiklè, Zhiklè wuɗi tèlèba, man ka zhè, ka nza daga zlèzlèa, a géɗ man ka gi Bai a nʼnjèlè ngaya mbiaʼa.

Apocalypse 12:9

A ta kalda skwi man nara kedam matsa aussa, zhüzhok nzlèzlèa, man nzlembaɗ na madzagai a Sadan, man a peda herkeda tèlèba a wai. Ta kalda a herkeda a nda golahi nengaʼa.

Juges 6:13

Gédéon a ngaɗa na: Wa, bi ga, aman Ndo nzi pèc pècèk a zhè a nda nga, skwi haha a shkè a gèɗ nga èhèmè? Mrkedi tèlèba man bababhi nga ta njè nga, a ta gaɗa: Ndo nzi pèc pècèk a nhelka nga auda te kokwar Egypte, na tema? Antanta Ndo nzi pèc pècèk a nkwol nga ma, a mpe nga a ri a ndohi Madian.