Esaie 51:5 - Ma Zhiklè

⁵ Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 51:5 ပူးပေါင်းရင်းမြစ်များ

Psaumes 110:6

A gi kita kokwar bihi herkeda: kokwar nʼndha a nckondo-hai, man a batsama ta gèɗ a ta bazl ta a géɗ herkeda.

Psaumes 67:4

Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

Psaumes 85:9

I woy a i tsena skwi man Ndo nzi pèc pècèk Zhiklè a gaɗayè. A mpasla ta ri gumi ahai andohi na, a ɓèlèlihi na, a tengaʼa man ta ngwodko ndav ta a sam na.

Psaumes 96:13

a sam Ndo nzi pèc pècèk; aman a shkè, a shkè a ngi kita herkeda. Nengaʼa a da gi kita herkeda zuraʼa, a gi kita ndohi herkeda a ma nengaʼa nzuraʼa.

Psaumes 98:9

a sam Ndo nzi pèc pècèk; aman a shkè, a shkè a ngi kita herkeda. Nengaʼa a da gi kita a ma nengaʼa nzuraʼa a gi kita ndohi herkeda tsarayaʼa.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 24:15

Gar haha vo-slubordo Ndo nzi pèc pècèk a géɗ herkeda te civèɗ mvèng pats, vo-slubordo nzlembaɗ Ndo nzi pèc pècèk, Zhiklè Israel, a géɗ herkeda nte ndev iyam!

Esaie 26:4

Va-pu ndav kinè pèc pècèk a Zhiklè! Aman Ndo nzi pèc pècèk, nengaʼa sam ngedeng-gedengaʼa a mèdèp.

Esaie 33:2

Ndo nzi pèc pècèk, nga da se ka te va! Nga pi ndav nga a ka. A nciɗ sam a nciɗ sam, takaha nga! Mbel nga te matakwan!

Esaie 33:22

Aman Ndo nzi pèc pècèk man a gi kita nga. Ndo nzi pèc pècèk, nengaʼa a da mbel nga.

Esaie 40:10

Na haha, Bi Zhiklè a shkè a wuɗai, a gi ɓai a ri nengaʼa man wuɗi na zhè. Na haha skwi ntul na a zhè a ma na.

Esaie 42:4

Nengaʼa a kéɗè gèɗ a hi azɓai, a pèslèʼa azɓai, ha a mpu saba ma nzuraʼa tʼherkeda tèlèba; a ndohi tʼherkeda te ndev iyam ta zhèr ma nengaʼa.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 49:1

Kinè herkeda nte ndev iyam, va-tsenaʼa! Kinè ndohi herkeda dra, va-fu zlembaɗ! Ndo nzi pèc pècèk a mbahayè, man i tʼhwaɗ mam ga dai, a mbahayè a nzlembaɗ ga, man i ye di ɓai.

Esaie 54:17

Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Esaie 56:1

Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Esaie 59:16

A nrkaʼa, ndo man a kèlè a pa azɓai, ko staɗ. A Zhiklè a ntila a ri na, a ngi-zura nengaʼa.

Esaie 60:9

Ndohi man ta shèwèlè a géɗ iyam ta ɓicko va a sam ga gokwèn, wuromhi Tarsis a ma, a ta helka ta wudahi ngaya a sam nʼdraʼa. Ta shkè a guro a skwi mèshèlè tenga te rai, aman ta slébèrdè nzlembaɗ Ndo nzi pèc pècèk, Zhiklè ngaya, Zhiklè nkezlaʼa, a vna; aman nengaʼa a nzal ka.

Esaie 62:11

Na haha, Ndo nzi pèc pècèk a gèɗè, a ta cinè te verzi herkeda: Va-gaɗa na kokwar Sion: Na haha, ndo mʼmbel ngaya a shkè a skwi man a pil ka a vna a nda nengaʼa, a skwi ntul nengaʼa a ma na.

Esaie 63:5

I ngul dai, aman ndo ntakahayè azɓai. I rzl ga, aman ndo nʼnzay a deɓa azɓai. A i gau a ri ga, a i mbela a géɗ ndzoan ga.

Joel 3:12

Ndohi herkeda sèi ta slèmbèɗè a ta dè a da! Josaphat. Aman te pa i woy a i gi kita a ndohi herkeda tèlèba.

Sophonie 2:11

Ndo nzi pèc pècèk a da gi skwi mwuɗitpa a sam tengaʼa, a da zede zhiklèhi mbèh skwi tengaʼa tèlèba tʼherkeda, a ndohi herkeda a ma woyam tèlèba ta da gurɓèhai a sam nengaʼa, staɗ staɗ tèlèba a sam nʼnzi na.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Matthew 3:2

a ngaɗa: Va-ngwode ndav kinè, aman kokwar-Bi-Zhiklè a zhe ndul ndul.

Marc 16:15

Te deɓaʼa a ngaɗa ta: Vo-do a gèɗ herkeda tèlèba, va-njè ta ma mbelaʼa a ndohi herkeda tèlèba!

Luke 24:47

A ta da njè ma nʼngwèdè ndav, a ma mprè malai a nzlembaɗ na a ndohi herkeda tèlèba, a hinè te kokwar Jérusalem.

Actes 17:31

A vava, pats ngiɗè man a woyaʼa, a da gi kita ndohi herkeda tèlèba zuraʼa. Ndo staɗ man a fedahai a ngiaʼa. Aman a slambaɗdekoɗauda te ndev ndohi mʼmetsaʼa, a ngreda nga, a da gi arsa a vava.

Romans 2:16

a pats man Zhiklè a gi kita te Yèsu Kristi, a géɗ skwi nʼnghedaʼa te ndav ndohai, ara ma mbelaʼa man i njèʼa.

2 Corinthians 5:10

Aman nga tèlèba, sèi nga da zlècè a sam nʼnzi kita Kristi, a sam man ndo staɗ staɗ a ngè-cèʼa, gar amba, gar ambaɓai, ara man a gu a pats nshèffè na tʼherkeda.

Deutéronome 30:14

Az arsa ɓai! Nengaʼa a zhè ndul ndul a sam ngaya, na zhè te ma ngaya, na zhè te ndav ngaya, aman ka da giaʼa.

I Samuel 2:10

Mayamhi Ndo nzi pèc pècèk ta bèzl ta. Zhiklè a gèɗ skwi télè te zhiklè te géɗèʼa a henzasl ta, Ndo nzi pèc pècèk a gi kita herkeda tèlèba. Da va na wuɗi a bi na, da slambaɗda na gèɗ, do slubordo ndo nengaʼa man a mbada na mbar a gèɗ.