Esaie 51:3 - Ma Zhiklè

³ Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 51:3 ပူးပေါင်းရင်းမြစ်များ

Genèse 13:10

A Lot a nʼngul dai, a nrka, dak a ma woyam Jourdain, iyam te pa kumba – ga Ndo nzi pèc pècèk a gedassa Sodome a Gomorrhe — nara gi lak Ndo nzi pèc pècèk, nara kokwar Egypte, ha ndè a Tsoar.

Psaumes 85:8

Ndo nzi pèc pècèk, ngra nga pombi ngaya, va nga skwi mbel ndo ngaya!

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 35:6

Te deɓaʼa ndo vedal a hi ara mènèɗ. Nèʼèn ndo ɓagga a pre na a sli dimèsh. Tʼhèshèkèɗ nlèlè iyam a hi auda, a iyam a tsoko gèɗ auda a tsohi-tsoh.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 43:19

Na haha i gi skwi mɓuaʼa. Anai a gi ma, kin rka ɓi ɗè? A vava, i bazlda civèɗ a hèshèkèɗ, a woyam a tsohi-tsoh.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 49:19

Sam hèshèkèɗ ngaya, gi ngaya man mʼmbeɗ na, kokwar ngaya man ngedassa, a slra ta a ndohi kokwar ɓai; a ndohi ngedas ka ta zhè dra.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 51:12

Iyè man i bid kinè. Ka wa man ka gi zlau ndohai, ndohi man ta bèzl ta gene, a ta ndev ta ara kuza?

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 65:18

Aman i gi a kin wuffè a gèɗ skwi man i giaʼa a mèdèp. Na haha, i gi Jérusalem a skwi nslebardaʼa; a i gi ndohi na a skwi mwuffè.

Jérémie 31:25

Aman ndav ndohi tèlèba i ga latsatsaʼa, a ndav tèlèba man nʼngeza, i pa ta a pa a ndav.

Ezéchiel 28:13

Ka te Eden, te gi lak Zhiklè. Maslaka man a va ngaya, kwa mbelaʼa ntsatsara a pa: sardoine, topaze, diamant, chrysolithe, onyx, jaspe, saphir, escarboucle, émeraude a guro. Skwi mvèhèʼa a pa, ta gu a pa a pats nyakaɗ ngaya.

Ezéchiel 36:11

I gi aman ndohi a skwi kuɗom ta mènè a vata. Ta zlèzlè-mè a ma ma, a ta yi wuda. I da ge kinè kumba ara halaʼa, i da ga kinè skwi man amba a fena nshèlèkuraʼa; a kin da suna, i Ndo nzi pèc pècèk.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Joel 2:3

A ma tengaʼa vogwa a hèrè a pa. Te verzi tengaʼa, vogwa a gskaɗa pa. A ma tengaʼa sam mbelaʼa ara gi lak Eden; te deɓ tengaʼa tazli hèshèkèɗ. Ndo ngiɗè ko staɗ njèka ɓai.

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,