Esaie 51:22 - Ma Zhiklè

²² Bi ngaya, Ndo nzi pèc pècèk, Zhiklè ngaya, man a nza ta deɓa a ndohi na, a goɗ aranta: Na haha i cè kokwi man skwi ngiɗè te pa a nkeɗ ka, kokwi ndzoan ga, auda te ri ngaya. Ka da siaʼa ani asaɓai.

Esaie 51:22 ပူးပေါင်းရင်းမြစ်များ

Psaumes 35:1

Man a David. Ndo nzi pèc pècèk, nzay a dai a sam tengaʼa man ta bèzl va a iyè, gu var a tengaʼa man ta gi var a iyè!

Psaumes 60:3

Bi Zhiklè, ka kwol nga, ka pasla ma-zlangal nga, ka gu ndav a nga hu nga.

Proverbes 22:23

Te man Ndo nzi pèc pècèk a da nza ta a deɓa, a gedassa ta nshèffè a ndohi man ta gedassa nshèffè mbelaw ndohai.

Esaie 29:9

Va-pu di ndèzlèʼa, va-rzl kinè, va-nde kinè a mandazlai, kin rka di ɓai! Skwi ngiɗè da zedama kinè maya, zom ka ɓai! Vo-do dzaw-dzawaʼa, a géɗ zom man a keɗ kinè ka ɓai!

Esaie 3:12

Ndohi ga, nderkèzhè ndo a ga ta matakwan; a ngwozi ta gi a ngul ta. Ndohi ga, ndohi ncè kinè ma ta zlakede kinè, a ta gedassa civèɗ man kin bizhè a pa.

Esaie 3:13

Ndo nzi pèc pècèk a nslambaɗa a ngi kita, a zlècè aman a mbèzlè kita ndohi na.

Esaie 49:25

Ndo nzi pèc pècèk a gaɗa: Ko gar haha, i da ngezlama ta ɓèlèlihi te ri ngul-ndo; a skwi man ndo mbiaʼa a ngso, a hi na. Iyè, man nga bèzl va a ndo mayam ngaya; iyè man i da mbel ta wudahi ngaya.

Esaie 51:17

Piɗèkwe ngaya, piɗèkwe ngaya, Jérusalem, slambaɗ ngaya, ka man ka sau kokwi ndzoan te ri Ndo nzi pèc pècèk; ka sau te kokwi man skwi ngiɗè te pa a nked ka, a ka sedama.

Esaie 62:8

Zhiklè a mbada a wuɗi nengaʼa: A vava i da va ta dau ngaya a ndohi mayamhi ngaya ta ndiaʼa asaɓai. Ndohi man verzi ta tsaɗ ta si barassa ngaya, man ka gu mi-zlinèʼa, asaɓai.

Jérémie 25:15

Ndo nzi pèc pècèk, Zhiklè Israel, a ngaɗayè ar haha: Co kokwi man ndzoan nʼndha te pa ara zom, te ri ga, a ka va ta ndohi herkeda tèlèba, man i zlinde ka a sam ta, a ta siaʼa.

Jérémie 50:34

Aman ndo nsumka ta a deɓa, wuɗi na zhè, nzlembaɗ na Zhiklè bi mbiaʼa, a sun nʼnza ta a deɓa, aman a vi gumi a herkeda, a pra ta zlau a va ndohi Babylone.

Jérémie 51:36

Gar haha Ndo nzi pèc pècèk a gaɗa: Na haha, iyè i nza ka a deɓa, i da ngatsa ka skwi mpil gèɗ. I da gwora iyam mbiaʼa, a nlèlè na a she na.

Lamentations de Jérémie 3:15

A ngezyè a skwi nduzlekzlekaʼa, a mvay dèrvowa aman i siaʼa.

Lamentations de Jérémie 3:58

Bi Zhiklè, ka nzay a deɓa, ka mbela nshèffè ga.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Joel 3:2

a i da ɓic ta ndohi herkeda tèlèba zaʼa, a i de ta a dal Josaphat. Te pa i da ga ta kita a géɗ ndohi Israel, ndohi ga, a géɗ man ta ksar ta a va ndohi herkeda, a ta kezla kokwar a va ta.

Abdias 1:16

Ara man kin sau kokwi ndzoan Zhiklè a géɗ za nkezlaʼa, ndohi herkeda ta da sia pèc pècèk a nèf asaɓai. Ta siaʼa, a bazl ta, a ta ndev ta ara man ta gaka ta ɓai.

Michée 7:9

I woy a i cè ndzoan Ndo nzi pèc pècèk, te man i gu mali a sam na, ha pats man a nckay auda te kita, a ndiyè a sam skwi nhél sam, a i rka ngi-zuraʼa nengaʼa.

Zacharie 12:2

Na haha, i gi kokwar Jérusalem a kokwi man skwi ndzakaɓama ta gèɗ a ndohi tèlèba ma a tsagi na, te pa. Na zhè a géɗ Juda ba, a pats man ta ɓica va a var a ma kokwar Jérusalem.

Matthew 20:22

Yèsu a mʼmbeɗa na a ma: Kin sun skwi man kin jhèɗè ɓai. Kin slaha kin si a kokwi man i da sia te pa dè? Ta gaɗa na: Nga slaha.

I Samuel 25:39

Aman David a ntsenaʼa, Nabal a mʼmets na ma, a ngaɗa: I shid gèɗ a Ndo nzi pèc pècèk, man a mpela skwi man Nabal a derɗyè a vna, a mɓeryè a i ga skwi ambaɓai ɓai. Skwi ambaɓia man Nabal a gau, Ndo nzi pèc pècèk a nkalda na a gèɗ a nengaʼa. A David a nzlündo nslemsak, a nwoyko na Abigail a ngwoz na.