Esaie 51:2 - Ma Zhiklè

² Va-pu di a Abraham, bab kinè, a Sara man a nyeka kinè. Man i baha na, na staɗgenè. A i pshè na ma, a mana a vata.

Esaie 51:2 ပူးပေါင်းရင်းမြစ်များ

Genèse 22:17

i woy a i pshè ka ma, a i gi ndohi verzi ngaya kumba, ara bantihai a giɗfek, ara wyak te woyam, a ndohi verzi ngaya ta da kwèr ntamagi kokwar ndohi mayamhi ngaya.

Genèse 24:1

Abraham a nhala hurnjüfnjüfa ma, a Ndo nzi pèc pècèk a mpshè na ma te skwi tèlèba.

Genèse 24:35

Ndo nzi pèc pècèk a mpshè na ma babgi ga a vata, a nʼnda a ndo mèshèlè. A mva na tambakhi a zlèhi a verzhè-genè a guro, ɓèlèlihai – ngwozi a ngurhi – zlugumihi a kɗèhihai.

Esaie 29:22

Gar haha Ndo nzi pèc pècèk, Zhiklè ndohi Jacob, man a nsumko Abraham a deɓa, a gaɗa: Te deɓaʼa Jacob a da ngècè hori a di azɓai, a ngwodama na di kuftor-hoʼa azɓai.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 43:27

Babab ngaya ba a ngu malai, ndohi sak ngaya ta lèɓèslè a sam ga ɓai.

Esaie 48:1

Kinè ndohi gi Jacob, man ta baha kinè a nzlembaɗ Israel, man kinè te verzi man a Juda, man kin mbèɗè a nzlembaɗ Ndo nzi pèc pècèk, a kin tsi ri a Zhiklè Israel; aman a ncè-a-ndav zura ka ɓai.

Esaie 60:22

Ndo nkèshèa a gi a verzi ndohi gozhèm gozhèm, ntabawaʼa a mène man a gi a kokwar mbiaʼa. Iyè Ndo nzi pèc pècèk, i pasleda ri a hai; a pats nasa i da vèshè va a i giaʼa.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Ezéchiel 33:24

Ka ndo, ndohi kokwar Jérusalem mʼmbeɗaʼa ta gaɗa: Abraham, stadgenè, man a nʼngots kokwar a skwi na; aman antanta nga kumba. Kokwar a nga nga, aman nga kwèrèʼa.

Deutéronome 1:10

Ndo nzi pèc pècèk, Zhiklè babhi kinè, a gu a kin mènè a vata, a patsna kinè kumba kumba ara bantihai te giɗfèk.

Deutéronome 26:5

Ka da gèdè a vaʼa a sam Ndo nzi pèc pècèk, Zhiklè ngaya: Bab ga ndo Aram man a shèwèlè te dak, a mshkè a kokwar Egypte, ndohi az a vata ɓai, a nʼnza te pa. Te pa a ngu a ndohi herkeda mbiaʼa, man wuɗi ta zhè, ta zhè a vata.

Josué 24:3

Te deɓaʼa i co Abraham, bab kinè, te wud woyam, a i zlinda, aman a shèwèlè te kokwar Canaan tèlèba. I ga na verzi na a vata, a i va na Isaac.