Esaie 51:1 - Ma Zhiklè

¹ Va-tsenaʼa, kinè man kin zeɓi ngi-zuraʼa, kinè man kin hèsh Ndo nzi pèc pècèk. Va-pu di a za, te nengaʼa ta paslka kinè; a vèvèɗ kwa, te nengaʼa ta ndzavka kinè auda.

Esaie 51:1 ပူးပေါင်းရင်းမြစ်များ

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 15:4

Aman te va nlèyè ta menkada deɓa a sam Ndo nzi pèc pècèk, Zhiklè Israel: ta hosso, a ta ngotso.

Psaumes 24:6

Nasa verzi ndohai man ta hèsh Zhiklè, man ta woy a ta rka di ngaya, Zhiklè Jacob.

Psaumes 94:15

A da va na kita a ri ndo nzuraʼa zaʼa. Ko wawa man ndav nengaʼa nzuraʼa, ta da jèjèrèʼa.

Proverbes 15:9

Civèɗ ndo man ambaɓai a ndara na Ndo nzi pèc pècèk; aman ndo man a gi skwi zuraʼa, ambaha.

Proverbes 21:21

Ndo man a gi skwi zuraʼa, a woy Zhiklè, a ngècè nshèffè, a nwèl va, a njèlè.

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Esaie 48:1

Kinè ndohi gi Jacob, man ta baha kinè a nzlembaɗ Israel, man kinè te verzi man a Juda, man kin mbèɗè a nzlembaɗ Ndo nzi pèc pècèk, a kin tsi ri a Zhiklè Israel; aman a ncè-a-ndav zura ka ɓai.

Esaie 48:12

Ndohi gi Jacob, a Israel, man i ngotskoɗauda, va-tsena ma ga! Iyè, i zhè! I ndo nshèlèkuraʼa, a ndo nʼndikèma skwai.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Amos 5:6

Va-woy Ndo nzi pèc pècèk, a kin da nzi a nshèffè. Man ɓai a da fa na vogwa a gi ndohi Joseph, a ndeda ma, a ndo a mbècè azɓai, ko te Béthel ba.

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Matthew 5:6

Mwuffè a sam ndohi man ngi-zuraʼa a zle ta, ara skwi nʼndai, ara iyam nsai; aman sèi ta da ngézhèʼa.

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

Romans 10:3

Aman ta rka ngi-zuraʼa Zhiklè ɓai, a ta woy a ta zlècèdè ngi-zuraʼa tengaʼa a ri ta. Ar haha ta manda gèɗ ta a hi ɓai a sam ngi-zuraʼa Zhiklè.

Romans 14:19

Gar haha ngo-dzodzorokoy skwi man a tsi gumai, a skwi man a gi aman ndo a grè a ma ma.

Philippiens 3:13

Dalahimam ga, i rka va ga, ara man i ngatsa skwi haha di ɓai. Aman i gi skwi staɗ: Skwi nte deɓa a pcokoy a gèɗ, a i kokür va,

1 Timothy 6:11

Aman ka, ndo Zhiklè, hu ngaya a skwi haha, dzodzor ngi-zuraʼa: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwaʼa.

2 Timothy 2:22

Hu ngaya auda a sam ntétékè man golahi a dalahi ta giaʼa! Aman hu a verzi ngi-zuraʼa, ncè-a-ndav, mwoy-ndo a ndav, gumai a nda ndohi tèlèba, man ta baha na Bi Zhiklè a ndav mpanaʼa.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.