Esaie 50:2 - Ma Zhiklè

² Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 50:2 ပူးပေါင်းရင်းမြစ်များ

Genèse 18:14

Skwi man Ndo nzi pèc pècèk a slaha ɓai, a zhi dè? A tèra aranta i da shkè a deɓa a sam ngaya, a Sara a nʼngots kra nguraʼa.

II Chroniques 32:15

Ezéchias da pe kinè a wi ɓai, da gedas kinè ar haha ɓai! Kin pu ndav a nengaʼa ɓai! Te man zhiklè ndohi herkeda ngiɗè, kokwar-bi ngiɗè azɓai man a mbela ndohi na te ri ga, te ri bababhi ga, ha patsna, azɓa Zhiklè kinè a mbel kinè te ri ga ɗè?

Psaumes 106:9

A nguv iyam mbiaʼa, a nengaʼa a ngwor na. A ntakaha ta, a ta beza a ndev iyam ara a sam ngworaʼa.

Psaumes 107:33

A nʼngwode woyamhi a hèshèkèɗ, a nlèlè iyamhai a tazli hèshèkèɗ.

Exode 14:21

A Moise a ngudo rai a géɗ woyam, a Ndo nzi pèc pècèk a ngoko kozlar mbiaʼa te civèɗ nkèl pats, a vad tèlèba, a woyam ngwor na, a iyam a ngelna te va cèw.

Exode 14:29

Aman ndohi Israel ta beza a matsa a ndev woyam a sam ngworaʼa, iyam nʼngela te va cèw, te man a ri gula, te man a ri mandai, ara zlazlar.

Exode 7:18

Klèfhi te woyam ta da bèzl ta, iyam a da zhkè dukedukeʼa, a ndohi te kokwar Egypte tèlèba ta slaha ta si iyamaʼa ɓai.

Exode 7:21

Klèfhi te woyam ta bazl ta, iyam te woyam a zhkè dukedukeʼa, a ndohi Egypte ta slaha ta si iyam bai. Pombaz a zhè te kokwar Egypte tèlèba.

Proverbes 1:24

I baha kinè – kin woya ɓai. I kutèka kinè rai – kin paka di azɓai.

Esaie 11:15

Ndo nzi pèc pècèk a gidè ri nengaʼa a géɗ woyam mbiaʼa te Egypte, a ngworaʼa, kozlar nengaʼa wobkwobkaʼa a kezla te va tsaraɗ, a ndohi ta bizhè a pa a kotokoroh te sak.

Esaie 19:5

Iyam te woyam Nil a da she na, iyam a gwor na kusalaʼa.

Esaie 23:11

Zhiklè a ngeda ri nengaʼa a géɗ woyam mbiaʼa, a gudzede ta kokwar-bihai. Ndo nzi pèc pècèk a ngoɗ a géɗ Canaan, man ta mbeɗda zlazlar ko-kwar nengaʼa aussa:

Esaie 36:20

Te va zhiklèhi kokwar haha tèlèba, man a mbela kokwar na te ri ga, wa? A Zhiklè kinè a dè mbél kokwar Jérusalem te ri ga ɗè?

Esaie 41:28

A i ngul dai: Te ndev ndohi haha, ndo azɓai man a sun maya, a i jhèɗè, a ta mbeɗay a pa.

Esaie 42:15

I woya a i gwora za a ngègèdhai, a kuza a pa a gwora tèlèba, a woya a gwor na, a nhèyè iyam a she na.

Esaie 43:16

Ndo nzi pèc pècèk, man a mbazlda civèɗ a ndev woyam mbiaʼa, a mwinèʼa civèɗ te va iyam mbiaʼa, a goɗ aranta.

Esaie 44:27

A i gaɗa na iyam mbiaʼa: Gwor ngaya! A i gwora woyamhai.

Esaie 51:10

Ka man ka gwora iyam mbiaʼa, iyam mbiaʼa man a hakaɗauda tʼhwaɗ herkeda; man ka bazl-da civèɗ a woyam mbiaʼa, a ndohi man ka sumka ta a deɓa ta bezkaɗa pa, ka ɓi ɗè?

Esaie 54:6

Ara ngwoz man ta kwolaʼa, ngwoz man a kuɗai, Ndo nzi pèc pècèk a baha ka. Ngwoz gola, ndo a slaha a nkwola ɗè?

Esaie 59:1

Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Esaie 59:16

A nrkaʼa, ndo man a kèlè a pa azɓai, ko staɗ. A Zhiklè a ntila a ri na, a ngi-zura nengaʼa.

Esaie 63:13

Man a nde ta te nkulgodok ara plèsh man a dè te ndev hèshèkèɗ, a skwa a ntsama ta sak ɓai?

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Esaie 65:12

i woya a i zlinda kinè tsakwal, a kin tè-lèba kin güɓdè deɓ a hai a sam man ta bazl kinè a pa. Aman i boho, kin mbeɗay a pa ɓai; aman i godo, kin tsena ɓai; aman kin gau skwi man ambaɓai a sam ga, a skwi man i woya ɓai kin woya holholaʼa.

Esaie 66:4

Lèmèlèmè i da wuffè a gèɗ skwi man ambaɓai man i da ga ta, man a ndara ta. Aman i boho, ta mbeɗkay a ma ɓai. Aman i goɗo, ta tsena ɓai. Aman ta gu skwi man ambaɓai a sam ga; a skwi man i woya ɓai, ta woya holholaʼa.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 35:14

Ta co ma Jonadab, te verzi Recab, man a njè ta a gèɗ a wudahi na, da sau zom ɓai, a ta sa ɓai ha patsna, a géɗ man ta tsena ma man bab ta a njè ta a gèɗ. A iyè, i gaɗa kinè, i wurra na va a prèk te gai, aman kin tsena ma ga ɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 5:1

Vo-do a hwaɗ kokwar a civèɗ Jérusalem tèlèba, vo-wora: Kin ngècè ndo staɗ man a gi zuraʼa dè, man a woy ma nzura dè, a i da pra na mali na.

Jérémie 7:13

A géɗ man kin gi skwi haha tèlèba, Ndo nzi pèc pècèk a gaɗa, a kin woy a kin tsena ma ga ɓai, ko i gèɗè a prèk, ko i gèɗè a dakwaɗ, ko i baha kinè, kin mbeɗay a pa azɓai,

Jérémie 7:27

Gada ta ma haha tèlèba; aman ta da cinè azɓi genè. Ka da baha ta; ta da mbeɗa ka a ma azɓi genè.

Jérémie 8:6

I fu zlembaɗ, i tsenaʼa: aman ta cèkèl ma. Ndo man a nhur shèwa na, a gaɗa: i ga mè! nʼazɓai. Ko wawa a hi a ma ara plèsh man a hi a var.

Daniel 3:15

Tsam-tsam! Aman kin da tsena tolom, a tèzlè-zlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, sèi kin da kèlèhi a deɓ sak skwi man i roma, a kin tsi ri a nengaʼa. Kin woya ɗè, kè? Aman kin da tsi ri a nengaʼa azɓai, ta da wushede kinè a vogwa vovar antanta. Zhiklè man a da mbel kinè te ri ga tema?

Daniel 3:29

Gar haha i njè kinè ma ga a gèɗ: Ko wawa – ndo man verzi na mèmè, tʼherkeda nangwa nangwa, a nèʼèn mèmè – man a derɗa Zhiklè Shadrac a Méshac a Abed-Nego, ta wotsaʼa a ta duma gi nengaʼa, a nde na mongoɓa. Aman Zhiklè ngiɗè azɓai, man a mbel ndo arsa, sèi nengaʼa.

Daniel 6:20

Aman a nherda va, a mbaha na Daniel a daʼai kuɗa. Bai a nhüno a ngaɗa na Daniel: Wa Daniel, ɓèl Zhiklè man a zhè a nshèffè! Zhiklè ngaya man ka gi mizlinè nengaʼa pèc pècèk a slaha a mbel ka te ri marizhèlèhi dè?

Daniel 6:27

Nengaʼa a mbél ndo, a preko ndo auda, a ngreda skwi auda, a gi nrkedai te zhiklè te géɗèʼa, tʼherkeda ba. Nengaʼa man a mbelko Daniel auda te ma marizhèlè.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Nahum 1:4

A güv iyam mbiaʼa, a gworaʼa, a Woyamhi tèlèba ta she ta. Basan a Carmel, iyam a dza ta, mwurzhè te Liban a mɓüt na.

Habakuk 3:8

Ndo nzi pèc pècèk a gi ndav a géɗ woyam ɗè? A gi ndzoan a géɗ iyam mbiaʼa ɗè? Aman ka hi a deɓ plèsh ngaya, a géɗ kiki nʼngul ndo ɗè?

Nombres 11:23

A Ndo nzi pèc pècèk a ngaɗa na Moise: Ri Ndo nzi pèc pècèk tüsl kata genè ɗè? Ka da rkaʼa: ma ga zuraʼa de, dè zuraʼa ka bi dè?

Marc 4:39

A Yèsu a nslambaɗa, a nguv kozlar, a ngaɗa na woyam mbiaʼa: Nze tètè, jèkeda! A kozlar a njè-keda, a nʼnza géɓitèʼa.

Jean 1:11

Nengaʼa a mshkè a sam skwi na, aman ndohi nengaʼa ta ca ɓai.

Jean 3:19

Na haha kita: skwi nhél, sam a mshkè a herkeda, a ndohi ta woya ruva a fena skwi nhél sam, te man skwi man ta gau, ambaɓai.

Josué 3:16

woyam man a shkè te géɗèʼa a nzlatsahai, a nrama va na ara zlazlar, dra man a ndè a kokwar Adam, kokwar a tsagi Tsarthan. Iyam man a hi a woyam Arabah, woyam boma, a nʼngel na. A ndohi ta beza a sam ngworaʼa, zuraʼa a Jéricho.