Esaie 50:10 - Ma Zhiklè

¹⁰ Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 50:10 ပူးပေါင်းရင်းမြစ်များ

II Samuel 22:29

Ka, Ndo nzi pèc pècèk, skwi nhel sam ga! Zhiklè ga a helay sam te ruva.

I Chroniques 5:20

Zhiklè a ntakaha ta, a ta fen ta ndohi Hagaren a ndohi tèlèba man ta humda va a tengaʼa, a ta dum ta. Te ndev var, ta tsu ri a Zhiklè, a nengaʼa a nco ntsi ri tengaʼa, a géɗ man ta pu ndav a vna.

II Chroniques 20:12

Zhiklè nga, ka ga ta kita a gèɗ a tengaʼa az-ɓi dè? Aman wuɗi nga azɓai a sam ndohi rèdèdeʼa haha man ta shkè. Nga sun skwi man nga gia ɓai; aman nga pi di a ka.

II Chroniques 20:20

Te mangoslèmaʼa to do a prèk te gai a civèɗ ndè hèshèkèɗ Tekoa. Ga ta dè, Josaphat a mshkè a ngaɗa: Va-tsenaʼa, ndohi Juda a ndohi Jérusalem! Va-pu ndav a Ndo nzi pèc pècèk, Zhiklè kinè, a kin nza taraʼa! Va-pu ndav a ndohi nhadka ma nengaʼa, a da gi amba a sam kinè.

Job 13:15

Aman a kedyè, i gudzi azbai. Civèɗ man i bizhè a pa, i nghédè azɓai a sam na.

Job 29:3

Aman skwi nhél sam nengaʼa a zhè a géɗ ga, a i beza a ndev ruva a vna.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 128:1

Dimèsh ndè a gi Zhiklè. Mwuffè a sam ndo wawa man a gi zlau Ndo nzi pèc pècèk, a ndè a civèɗ nengaʼa.

Psaumes 145:21

Ma ga a da slébèrdè Ndo nzi pèc pècèk, a ndohi a géɗ herkeda tèlèba ta da slébèrdè nzlembaɗ nengaʼa nkezlaʼa a ndè a ma ma a mèdèp.

Psaumes 23:4

Ko man i dè a va ruva ntéɗèɗikɗikaʼa, i gi zlau matakwan azɓi fèt, a géɗ man ka zhè a sam ga. Gada nshfaʼa ngaya a gada sulai ngaya ta hulkoy zlau auda te gèɗ.

Psaumes 25:12

Wa, man a gi zlau Zhiklè? A nengaʼa a da ngra na civèɗ man a woya a dè a pa.

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Psaumes 28:7

Ndo nzi pèc pècèk, wuɗi ga, gambar ga, i pu ndav ga a nengaʼa; te deɓaʼa a ntakahayè, a ndav ga a ngu langlangaʼa. I woy a i shida na gèɗ a dimèsh ga.

Psaumes 42:11

Ngwoshè ndohi man ta parahayè a dzahay te nguzgoz ga, te man ta gaɗayè pèc pècèk: Ani Zhiklè ngaya tema?

Psaumes 62:8

Skwi mbelyè, a nʼnjèl ga, sèi a sam Bi Zhiklè. Sam ga ngedeng-gedengaʼa man a vay wuɗai, sam ga nlèaʼa, a sam Bi Zhiklè.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Esaie 10:20

A pats nasa njèkèɗi ndohi Israel, a njèkèɗi ndohi Jacob man ta wuc ta, a ta nzi a nshèffè, ta thè va a nengaʼa man a bazl ta azɓai, aman ta da thè va a Ndo nzi pèc pècèk a vava, Zhiklè Israel nkezlaʼa.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 26:9

Ndav ga a woy ka a vaɗ; mpataka ngaya a keɗyè; aman kita ngaya a shkè a géɗ herkeda, ndohi a géɗ herkeda ta slebi ngi-zuraʼa.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 50:4

Bi Zhiklè a mvay nèʼèn gol Zhiklè, aman i slaha a i bid ta ndohi man ta ngeza, a ma ga. A piɗèkwudyè a prèk a prèk, a winay zlembaɗ, aman i tsena ara gol nengaʼa.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Esaie 59:9

A géɗ nengaʼa ngi-zuraʼa a zhè dra a sam nga, skwi mʼmbel ndo a ndikè nga a va azɓai. Nga zhèr skwi nhél sam, aman ruva a zhè.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Esaie 9:2

Ka va ta mwuffè a vaʼa, a mwuffè a gi a mbiaʼa. Ta wuffè a sam di ngaya, ara man ta wuffè a pats man ta tsi dau, ara man ta wuffè a nkezli skwi man ta dum-kodai.

Lamentations de Jérémie 3:2

Bi Zhiklè a ndzamyè, a ndedyè a ruva, a skwi nhél sam ka ɓai.

Daniel 3:28

Bi Nebucadnetsar a nhüno a ngaɗa: Nga shid gèɗ a Zhiklè Shadrac, Méshac a Abed-Nego, a gèɗ man a nzlündo gol nengaʼa, a mbel ta ɓèlèlihi nengaʼa man ta pu ndav a vna, a ta fa gèɗ a ma bi ɓai. Ta huro: dara nga vi va nga, a nga slébèrdè zhiklè ngiâè azɓai, a nga tsi ri a zhiklè ngiɗè azɓai, sèi Zhiklè nga.

Nahum 1:7

Ndo nzi pèc pècèk amba, sam nga nlèaʼa a pats matakwan. A sen ta ndohi man ta hi a sam na,

Sophonie 3:12

Aman i da jèkeda te va kinè ndohi man ta manda gèɗ a hai, ta az a vata ɓai, man ta fu nzlembaɗ Ndo nzi pèc pècèk a skwi mʼmbél ta.

Aggée 1:12

Te deɓaʼa Zorobabel, kra Shealthiel, a Josué, bi ndohi mvi skwi a Zhiklè, kra Jotsadak, a njèkèɗi ndohi tèlèba ta fu gèɗ a ma Ndo nzi pèc pècèk, Zhiklè tengaʼa, ara man Aggée, ndo nhadka ma a gaɗa ta, ma man Ndo nzi pèc pècèk, Zhiklè tengaʼa, a nzlinda na; a ndohi ta gu zlau Ndo nzi pèc pècèk.

Mal. 3:16

Ndohi man ta gi zlau Ndo nzi pèc pècèk, ta goɗ a va ta, a Ndo nzi pèc pècèk a nrkaʼa, a ntsenaʼa. A mwindo ɗèlèwèr mbèhè nzlembaɗ a sam na, a nzlembaɗ ndohi man ta gi zlau Ndo nzi pèc pècèk a pa, man ta slébèrdè nzlembaɗ nengaʼa.

Jean 12:46

I shkè a herkeda, i skwi nhél sam. Aman ko wawa man a ciyè a ndav na, a nzi te ruva azɓai.

Jean 8:12

A Yèsu a ngaɗa ta zaʼa: Iyè, skwi nhél sam herkeda. Ko wawa man a dzadzar-kayè, a dè te ruva azɓai, aman a ngècè skwi nhèl sam nshèffè.

Ephésiens 5:8

Aman zlèzlèa kinè ruva, aman antanta kinè skwi nhél sam te Bi Zhiklè.

Hébreux 5:9

Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

1 Peter 5:7

Nhér gèɗ zlau kin tèlèba, va-kalda a géɗ nengaʼa; aman nengaʼa a wèr di kinè.

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.