Esaie 50:1 - Ma Zhiklè

¹ Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Esaie 50:1 ပူးပေါင်းရင်းမြစ်များ

I Rois 21:25

A vava, ndo ngiɗè a ngau skwi man ambaha Ndo nzi pèc pècèk gar Achab ɓai. Jézabel, ngwoz nengaʼa, a mpeda a wai.

II Rois 17:17

Tazlündo wudahi a dalahi tengaʼa a ta bizhè a ndev vogwa, ta pi kwa, ta tèwèlè gèɗ, ta preda va ta a ma, a ta gi skwi man ambaha Ndo nzi pèc pècèk ɓai, a ta poko na gèɗ ndav auda a vna.

II Rois 4:1

Ngwoz gol ndohi nhadka ma ngiɗè a ntsu ri a sam Elisée, a ngaɗa: Baki ga, hel ngaya, mʼmets na. Ka ha ka suna, ɓèl ngaya a nslubordo Zhiklè. Ndo man dua nengaʼa a zhè te ri na, a mshke, a woy aman a helamay wudahi ga cèw, a ga ta a ɓèlèlihai.

Néhémie 5:5

Aman nga a kramamhi nga a wudahi nga a wudahi tengaʼa, zluèɗ va nga staɗ, Pombaz staɗ. Na haha, nga pa ta wudahi nga a dalahi nga a ɓèlè. Dalahi nga ngiɗè ta te ɓèlè ma. Wuɗi nga azɓai, te man gi dau a gi lak nga a ndohi ngiɗè ma.

Esther 7:4

Aman ta pre nga ma a ɓèlèlihai, ar i gèɗè skwa azɓai, ar i ga na matakwan a bi a géɗ nengaʼa azɓai, aman ta woy a ta zede nga.

Psaumes 44:12

Ka pe nga a ri a tengaʼa, ka pe nga a tambakihai man ta zlama nga daʼai; ka venda nga gèɗ a va ndohi nte deɓa.

Exode 21:7

Aman ndo ngiɗè a mpreda dem nengaʼa a ma, ta da prè nengaʼa ara ɓèlèlihi ngiɗè ka bai.

Esaie 1:28

Aman ndohi man ta tsena gèɗ ɓai, a ndohi mali tèlèba, ta gedas ta. A tengaʼa man ta jèkeda Ndo nzi pèc pècèk, ta zi ta.

Esaie 27:8

A versl ma a nengaʼa aranta: a nkwolaʼa, a ndzawaʼa, a ndzaraʼa ara kozlar mbiaʼa man a nslambaɗa te verzi gai.

Esaie 43:27

Babab ngaya ba a ngu malai, ndohi sak ngaya ta lèɓèslè a sam ga ɓai.

Esaie 46:8

Va-hur skwi haha, kin ndohi nlè-ɓèslɓiaʼa; va-mana ndav kinè!

Esaie 52:3

Aman Ndo nzi pèc pècèk a goɗ aranta: Ta pre kinè a ma, ta pa suli ɓai; ta da shum kinè a deɓa, ta da pi suli azɓai.

Esaie 54:6

Ara ngwoz man ta kwolaʼa, ngwoz man a kuɗai, Ndo nzi pèc pècèk a baha ka. Ngwoz gola, ndo a slaha a nkwola ɗè?

Esaie 54:7

I jèke ka nʼnzi kètè; aman i da cka ka a deɓa, ka siyè te va kumba.

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Jérémie 3:1

Zhiklè a gaɗa: Ndo man a kwola ngwoz na, a dè ngwoz a gi ndo ngiɗè, a slaha a ncè a deɓa a ngwoz na ɗè? Ngwoz matsa mphoma. Aman ka, Israel, ka woy baki tsaɗ tsaɗ, a ka slaha ka shkè a deɓa a sam ga dè?

Jérémie 3:8

Nrkaʼa, i jèkeda Israel a géɗ mphömè nengaʼa tèlèba, a i va na ɗèlèwèr njèkè ngwoz. Aman Juda, man nlèɓèslɓai, nʼnga zlau ɓai. Nenga ba a mdo, a ngau mphömè.

Jérémie 4:18

A géɗ maya nshèffè ngaya a skwi man ka giaʼa, ka ngots skwi aranta. Nasa skwi mwuɗitpa man a dza ka a ndav, a géɗ shèwa ngaya.

Osée 4:5

Skwi a slafadama ka sak a pats, a ndo mvi skwi a Zhiklè ba a kèlèhi a nda ka a vaɗ, a i da gedassede mam ngaya aussa.

Lèv. 25:39

Aman kramam ngaya a tsagi ngaya a tawass na, a mpreda va na a ma a sam ngaya, da gu mizlinè ɓèlè ɓai!

Matthew 18:25

Aman a nʼngatsa Suli a mpil godèrè a vna ɓai. A bai a ngaɗa, da preda ma, a ngwoz na ba, a wudahi na ba, a skwi na tèlèba, a mpil godè-rè a vna.

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!